Urang Desa
| Suku Dayak Desa |
|---|
| Jumlah populasi |
|
kurang labiah 10.000 Jiwa. |
| Kawasan bapopulasi cukuik banyak |
| Indonesia:
Kalimantan barat: Kabupaten Sanggau 10.000 Jiwa |
| Bahaso |
| bahasa Dayak Desa |
| Agamo |
| Mayoritas Katolik |
| Kalompok etnik takaik |
| Suku Dayakk |
Suku Dayak Desa mandiami babarapo kampuang di wilayah Kecamatan Tayan Hulu jo Kecamatan Kayan Hilir, Kabupaten Sanggau, Provinsi Kalimantan Barat. Jumlah populasi sekitar 10.000 jiwa.[1] Dayak Desa (bunyi [e] dilafalkan sabagai [e] pepet sarupo pado kato mengerti), adolah sub suku Dayak yang mayoritas pasebarannyo barado di Kabupaten Sintang. Di Kabupaten Sintang, sebaran urang Dayak Desa paliang lueh jiko dibandiangkan dengan sebaran subsuku Dayak yang lainnyo. Tarutamo di Kecamatan Sintang, Binjai Hulu jo Kelam Permai sabagian gadang kampuangnyo marupokan kampuang urang Dayak Desa.
Bahaso[suntiang | suntiang sumber]
Bahaso yang digunokan oleh masyarakaik Dayak Desa adolah bahaso Dayak Desa. Tadapek pabedaan fonem antaro bunyi-bunyi pado bahaso Dayak Desa jo bahaso Indonesia, sarupo fonem h, r, ng, jo s. Misal, fonem /h/ pado bahaso Dayak Desa mirip jo bahaso Indonesia, tatapi pado bahaso Dayak Desa bunyi [h] basuaro. Fonem /r/ pado bahaso Dayak Desa indak bagetar. Bunyi [ŋ] banyak ditamui di awal jo di tangah suku kato. Apobilo barado di akhia suku kato, bunyi [ŋ] manjadi bunyi semi vokal. Fonem /s/ bilo ditamukan di suku kato partamo dan di tangah babunyi samo dengan[s], jiko barado di akhia suku kata, bunyi manjadi indak badesis.[2]
Karajinan[suntiang | suntiang sumber]
Tenun ikat[suntiang | suntiang sumber]
Tenun ikat manjadi kain khas bagi suku Dayak Desa. Kain tanun di dalam Bahasa Dayak Desa disabuik banamo kain Pantang jo kagiatan manenun disabuik denan mantang. Pado zaman dahulu, tenun ikat diyakini oleh niniak moyang sabagai bantuak pangambaran tahadap suatu peristiwa yang sadang tajadi. Kagiatan manenun pado Suku Dayak Desa hanyo dilakukan oleh kaum padusi, kaum laki-laki hanyo baperan dalam manyiapkan paralatan untuak manenun.[3]
Karajinan tenun ikat tradisional iko bisa digunokan dalam acara-acara tatentu, misalnyo patamuan adat, gawai dayak, jo acara-acara gadang Suku Dayak antaro lain panikahan. Hasia dari tenun ikat dapek dijadikan sabagai bahan untuak mambuek baju adat, songket, selendang, pengikat kapallo dan lainnyo. Tenun ikat dianggap masyarakat sabagai aset budaya yang harus tatap dijago jo tarui dipaliharo kabaradaannyo. Dalam karajinan tenun ikat Dayak Desa iko, banyak makna yang takaduang dan satiok torehan motif yang dibuek. Sabagian gadang motif manggambarkan kahidupan sahari-hari. Suku Dayak Desa mayakini kalau dari segi warna urang mampicayoi tadapek tigo warna yang manjadi dasar, yaitu warna merah, putiah, jo itam. Warna merah manggambarkan mega atau alam samesta, putiah mengambarkan awan atau nirwana yang tabantang lueh di langit samesta, dan itam mancerminkan kagelapan atau bagian dari sirkulasi alam. Unsua alam juo dianggap oleh masyarakaik Suku Dayak Desa sabagai tando atau lambang yang di tenun jo mamiliki kakuatan magis. Alat tenun yang digunokan bukanlah masin. Proses pambuatan tenun oleh Suku Dayak Desa dilakukan jo caro mambuek hiasan gadang pado kain tenun, kamudian maikek rancana gambar untuak babarapo warna sasudah itu ditenun. Sabalun ditanun, helaian banang dibungkui (dikabek) jo tali plastik sasuai jo corak atau pola hias yang diinginkan.[4] Untuak mandapekkan motif, banang yang alah disusun sademikian rupo dikabek sasuai jo motif yang dibutuahkan, kamudian dicelupkan ka wadah yang alah mangandung zat pawarnaan. Bahan-bahan yang digunokan barasa dari akar kayu mangkudu, daun emarik, lemak babagai binatang jo banyak bahan alam.[3]
Proses manenun dalam budaya Dayak Desa indak buliah dilakukan oleh sambarang urang, saurang yang akan manenun harus malalui rangkaian syarat jo upacara adat. Khususnyo, katiko akan manenun babarapo motif “karamat” sarupo motif manusia, buayo, jo ula panenun wajib malakukan ritual. Motif karamat iko hanyo buliah ditenun oleh ibu-ibu yang alah jando atau ditingga mati dek lakinyo. Untuak panenun pamula, sasudah salasai manenun sabuah kain, panenun tasabuik harus mambarikan sesaji kapado roh nenek moyang sabagai simbol panghormatan jo parmohonan agar urang iko indak di gaduah manusia yang masih hiduik.[3]
Upacara adaik[suntiang | suntiang sumber]
Nyapik tangga[suntiang | suntiang sumber]
Acara adat Dayak Desa “Nyapik Tangga” atau dapek diaratikan sabagai maagiah tanggo makan, dilaksanakan dek masyarakaik Dayak Desa pado maso katiko nyo mandirikan tanggo ka rumah adat/rumah panjai. Adat Nyapik Tanggo dilakukan sasuai tradisi yang alah diwariskan sacaro turun tamurun. “Nyapik Tangga” mampunyai tujuan agar masyarakaik yang mahuni rumah adat salalu dilinduangi Tuhan/Petara.
Agamo jo kapicayoan[suntiang | suntiang sumber]
Masyarakaik Dayak Desa salain alah mamaluak agamo resmi yaitu Katholik, juga masih tadapek kapicayoan kapado makhluak-makhluak halus yang hiduik di sakaliliang urang suku iko sarato kakuatan-kakuatan gaib yang manguasoi alam. Urang suku iko hanyo picayo dan mangenal ciek Tuhan pencipta alam samesta yang urang ko sabuik banamo Segugah. Segugah sabagai pencipta alam samesta indak batindak sebagai pamelihara, tatapi tugas pamelihara alam semesta iko disarahkan kapado Pulang Gana. Oleh karanonyo, masyarakaik Dayak Desa picayo bahwa Tuhan pemelihara alam samesta adolah Pulang Gana.[5]
Segugah dalam penciptaan alam samesta indak sarupo keadaan alam kini ko (ado aia, langik, tumbuah-tumbuahan, bukik jo akar tumbuah-tumbuahan yang marambat), tatapi alam dalam keadaan kosong. Untuak panciptaan isi alam samesta yang kosong itu kamudian disarahkan kapado Segugit (Tuhan yang mancipta dan mameliharo langik, Kamudian ado Segugik (Tuhan yang manciptakan dan mamaliharo aia), Segugu (Tuhan yang manciptakan tumbuah-tumbuahan/pohon-pohon gadang) jo Segugar (Tuhan yang manciptakan akar tumbuah-tumbuahan yang marambat). Kabiasaan umum urang Dayak dalam mangungkapkan kayakinannyo, indak sacaro langsuang malainkan malalui urang-urang tatantu yang dapek dikatokan sabagai semi dewa. Demikian juo acara urang Dayak Desa mangungkapkan kapicayoanyo kapado Segugah yang diyakininyo sabagai pancipta alam samesta. Namun peranan Segugah sasudah panciptaan alam semesta seakan-akan salasai, bahkan namonyo pun jarang disabuik lai. Malahan yang acok disabuik atau ditakuti adolah babagai oknum tampek Segugah mandelegasikan kakuasaan-Nyo untuak mangatur dunia iko.
Tajadinyo sikap religius sarupo iko dikaranokan raso hormat yang bagitu gadang kapado Sang Pancipta (Segugah). Sadangkan manusia sandiri dinilai indak pantas untuak bahubuangan sacaro langsuang jo Sang Pancipta. Dalam pandangan masyarakaik Dayak Desa, Segugah (Tuhan Pencipta) ditampekkan bagitu jauah dari pasoalan hiduik manusia, sahinggo timbua kesan kalau Tuhan indak dihormati lai dalam kahidupan sahari-hari.
Rujuakan[suntiang | suntiang sumber]
- ↑ Hidayah, Zulyani (2015). Ensiklopedi Suku Bangsa di Indonesia. Jakarta: Yayasan Pustaka Obor Indonesia. p. 113.
- ↑ mbojoklopedia. "Lantunan Syair Bingkai Kehidupan Di Lembah Sambori". Mbojoklopedia. Diakses tanggal 2023-02-03.
- ↑ a b c link, Dapatkan; Facebook; Twitter; Pinterest; Email; Lainnya, Aplikasi. "TENUN IKAT: Kain Khas Suku Dayak Desa". Diarsipkan dari versi asli tanggal 2019-04-10. Diakses tanggal 2023-02-03.
- ↑ Efpriyani; Susilo, Firman; Amir, Amriani (2014). "ANALISIS SEMANTIK LEKSIKAL KOSAKATA PADA TENUN IKAT TRADISIONAL SUKU DAYAK DESA". Jurnal Pendidikan dan Pembelajaran Untan. 3 (11).
- ↑ Neni Puji Nur Rahmawati. (2017). Mengenal Suku Dayak Desa Dan Religinya. Hlm. 1-2. Diakses pada 2023-02-03.
