Urang Dayak Pitap
| Urang Dayak Pitap |
|---|
| Jumlah populasi |
|
50.000 jiwa |
| Kawasan bapopulasi cukuik banyak |
| Kalimantan Selatan |
| Bahaso |
| Meratus, Banjar, Indonesia |
| Agamo |
| Kaharingan |
| Kalompok etnik takaik |
| Suku Dayak Meratus, Dayak Ngaju, Banjar |
Urang Dayak Pitap Masyarakaik adaik Dayak adolah nan biasonyo dikategorikan sabagai bagian dari urang Dayak Meratus/urang Dayak Bukit nan mandiami kacamatan Tebing Tinggi, Balangan. Kawasan bapopulasi cukuik banyak Kalimantan Selatan Bahaso Meratus, Banjar, Indonesia. [1]Menurut masyarakaik Pitap, asa-usua nenek moyangnyo adolah dari daerah dataran bawah hinggo pasisia. Lah banyak pandatang, nan umumnyo padagang urang Banjar atau lain, masyarakat adaik Dayak Meratus baangrang-angrang pindah ka arah ulu-ulu sungai jo pagunuangan Meratus. Proses ko labiah disababkan dek perbedaan budaya dan usaho malinduangan diri.
Konflik sosial nan batangkaian nan balatar di balakang isu kayakinan jo ekonomi, tarutamo panyebaran agamo dan penguasaan lahan-lahan patanian nan babuah mambuek masyarakat Dayak Pitap/Meratus batahan di pagunuangan Meratus hinggo kini.[2]
Etimologi
[suntiang | suntiang sumber]Dayak Pitap marupokan sebutan untuak kalompok masyarakaik nan takaik sacaro turun-tuneh dan aturan adaik berdasarkan agamo Kaharingan, mandiami kawasan disekitar ulu-ulu sungai Pitap dan anak sungai lainnyo. Sungai Pitap itu surang awalnyo banamo sungai Kitab. Menurut kayakinan urang-urang tu, di tanahnyo lah turunnyo kitab nan manjadi jadi rebutan. Dek datu nyo supayo pangajaran kitab ko taruih ado maknyo kitab tu ditangan/damakan atau dalam istilahnyo dipitapek, sahinggo pangajaran agamo inyo akan taruih ado di ati dan ado di aka pikiran. Kato kitab pun akhianyo barubah manjadi pitap sahinggo namonyo sungai dan masyarakaik nan tingga kawasan tu barubah manjadi Pitap.[3]
Sadangkan sebutan Dayak ko mangacuik ka kesukuan mereka. Dek babarapo literaturnyo inyo tamasuak ka dalam rumpun Dayak Bukit, tapi pado kenyataannyo inyo labiah sanang disabuik sabagai urang Pitap atau Dayak Pitap, iko juo tajadi ka daerah-daerah lain di Meratus.
Para leluhur masyarakaik Dayak Pitap mulo-mulo tingga di daerah Tanah Hidup, yaitu daerah perbatasan antaro Kabupaten Balangan jo Kabupaten Kotabaru (dipuncak pagunuangan Meratus). Tanah iduik manjadi wilayah tanah keramat nan diyakini sabagai daerah asa mula leluahnyo urang tuo.[4]
Kapamarintahan
[suntiang | suntiang sumber]
Secara administratif, urang Dayak Pitap talatak di 3 Desa yaitu Dayak Pitap, Langkap dan Mayanau di Kacamatan Tebing Tinggi, Balangan.
Samolah marupokan ciek Dayak Pitap punyo pamarintahan surang jo pusek pamarintahan barado di Langkap. Dengan ado peraturan sistem pamarintahan desa pado tahun 1979 dibuek pamarintahan desa Dayak Pitap jo pusek pamarintahan wakatu itu talatak di Langkap. Dayak Pitap tabagi tadiri dari 5 kampung gadang yaitu: [5]
- Langkap
- Iyam
- Ajung
- Panikin
- Kambiyain.
Kalau tu tahun 1982 daerah Dayak Pitap dibagi manjadi 5 desa, berdasarkan peraturan menteri dalam negeri no 2/tahun 1980 tentang pedoman pambentukan, pamcahan, penyatuan dan panghapusan kelurahan dan peraturan menteri dalam negeri no 4 tahun 1981 tentang pambentukan, pamcahan, penyatuan dan panghapusan desa. Salain tu berdasarkan Sk Camat tahun 1993 kampuang Ajung digabung ka Iyam. Taun 1998 kampuang Iyam dan kampuang Kambiyain digabungkan jadi ciek samo kampuang Ajung jo pusek pamarintahan di Ajung Hilir.
Secara geografis, daerah Dayak Pitap talatak di bantangan pagunuangan Meratus nan talatak antaro 115035'55" hinggo 115047'43" Bujur timur dan 02025'32" hinggo 02035'26" Lintang selatan. Jarak desa ka ibu kota kecamatan 35 Km, Jarak desa ka ibu kota Kab. 48 Km dan jarak desa ka ibu kota provinsi 231 Km.
Sablah timur babateh jo daerah Kecamatan Sungai Durian, Kotabaru, sabalah barat babateh jo Desa Gunuang Batu dan Desa Auh, sabalah utara babateh jo Halong, Balangan dan sabalah selatan babateh jo Kecamatan Sungai Durian, Kotabaru dan Kecamatan Batang Alai Selatan, Hulu Sungai Tengah.[5]
Kabudayaan
[suntiang | suntiang sumber]Saroman jo sub etnis Dayak Meratus lainnyo, baragam adaik-istiadaik Dayak Pitap punyo daya tarik tinggi untuak dikaluangan sabagai destinasi wisata budaya untuak para wisatawan maupun lokal maupun lua. Tapi tentu se jo catatan kalau dikaluo jo sebaik-baiknyo. Salah ciek nan bisa manjadi aset nan punyo nilai jual nan tinggi untuak dunia pariwisata adolah nilai-nilai budaya nan melekat erat dan taruih dijunjung tinggi oleh masyarakaik Dayak Pitap yaitu mode "Prosesi dan Ritual adaik Dayak Pitap" nan mana masyarakaik Dayak Pitap nan indak nio dipisah dari alam, yaitu hutan tampek inyo iduik dan bakehidupan.[6]
Di antaro kabudayaan Dayak Pitap nan bias dijadian objek wisata budaya adolah Aruh Bawanang nan disabuik juo Aruh Ganal. Aruh marupokan salah ciek kabudayaan nan alah picayo sabagai warisan nenek moyang-leluhur nyo taladahulu (nenek moyang). Di dalam aruh ado juo unsur religi yaitu latak religi nan paliang bawah adolah religi asli nan disabuik juo religi basahaja atau religi primitif.[6]
Kakerabatan
[suntiang | suntiang sumber]Kerabatan jo Urang Banjar manuruik mitologi Mitologi suku Dayak Pitap atau Urang Dayak Bukit manjalehan bahwa Urang Banjar dan Urang Bukit marupokan katurunan dari duo kakak badunsanak yaitu Si Ayuh alias Datung Ayuh alias Dayuhan alias Sandayuhan nan manurun suku Bukit dan Bambang Siwara alias Basiangwara nan manurun suku Banjar.
Dalam khasanah carito prosa rakyaik bahaso Dayak Meratus basobok legenda nan sipaiknyo mangaku atau malaligaliakan keserumpun genetika (salain bakabat sacaro geneologis) antaro urang Banjar jo urang Dayak Meratus. Dalam carito prosa rakyat bahaso Dayak Meratus dimaksud takambangan kalau nenek moyang urang Banjar nan banamo Bambang Basiwara adolah adik dari nenek moyang urang Dayak Meratus nan banamo Sandayuhan. Bambang Basiwara digambaran sabagai adiak nan bakisik lamah tapi batua pintar. Sadangkan Sandayuhan digambaran sabagai kakak nan bakisik kuek dan jago bakaluahi.[2]
Sasuai jo statusnyo sabagai nenek-moyang atau cikal-bakal urang Dayak Pitap, mako namo Sandayuhan sangaik populer di kalangan urang Dayak Pitap. Banyak bana tampek-pandangan di santero pagunuangan Meratus nan sajarah adoannyo diceritakan datang usul dari aksi heroik Sandayuhan. Salah ciek di antaronyo adolah tabiang batu bakpala tujuah, nan konon adolah panjelmaan dari Samali'ing, setan bakapalo tujuah nan berhasil dikalahkan dek inyo dalam sabuah kontak fisik nan sangaik manantuakan.[2]
Rujuakan
[suntiang | suntiang sumber]- ↑ https://books.google.co.id/books?id=FbGECgAAQBAJ&pg=PA687&lpg=PA687&dq=kalimantan+pulau+urank+dayak&source=bl&ots=kLH3tOV-mT&sig=QwjteAL8pieJ0EDI1J9N2mFVBgI&hl=id&sa=X&ved=0ahUKEwjm78_u6IXTAhXHMY8KHR7eB1k4ChDoAQggMAE#v=onepage&q=kalimantan%20pulau%20urank%20dayak&f=false
- ↑ a b c https://www.downtoearth-indonesia.org/sites/downtoearth-indonesia.org/files/R-5-Meratus.pdf
- ↑ https://books.google.co.id/books?id=vEMFAAAAQAAJ&dq=Buguet,+or+Bukit&hl=id&pg=PA14&redir_esc=y#v=onepage&q=Buguet%2C%20or%20Bukit&f=false
- ↑ https://www.downtoearth-indonesia.org/sites/downtoearth-indonesia.org/files/R-5-Meratus.pdf
- ↑ a b Saifuddin, Achmad Fedyani (1998). Di bawah bayang-bayang Ratu Intan : proses marjinalisasi pada masyarakat terasing. Jakarta: Yayasan Obor Indonesia. ISBN 979-461-306-1. OCLC 968514603. https://www.worldcat.org/oclc/968514603.
- ↑ a b "Sepenggal Kisah Hidup Dayak Pitap Balangan". jejakrekam.com (dalam bahasa Indonesia). 2017-05-08. Diakses tanggal 2023-01-20.
