Urang Ata Kiwan
| Urang Ata Kiwan |
|---|
| Jumlah populasi |
|
251.611 jiwa di Indonesia (2017) |
| Kawasan bapopulasi cukuik banyak |
| Bahaso |
| Solor |
| Agamo |
| Katolik |
Urang Ata Kiwan marupokan ciek dari suku nan sabutan yang diagiahkan kapado urang masyarakaik etnis Flores Timur dan Lembata sabalum masuak pangaruah moderenisasi. Etnik iko juo di kenal jo sabutan Lamaholot, nan mano ciri fisik urang iko adolah barambuik karitiang jo bakulik galok.[1] Ata Kiwan barasa dari bahaso Solor yang artinyo Urang Gunuang. Hanyo bagian Larantuka jo Ili Mandiri sajo yang ditajemahkan. Alasan mangapo hanyo bagian Larantuka jo Ili Mandiri yang ditajemahkan adolah karano panulisnyo cukuik lamo manatap di duo wilayah iko.[2] Sabananyo kalau di tarik ka maso kini, urang suku banso Ata Kiwan iko adolah urang suku etnik Flores Timua, kamudian ado manuruik artinyo Ata Kiwan "Urang Gunuang" bararti ado babarapo suku nan di mukasuik, iolah suku Lewonara, Suku Lewobunga, suku Lamaholot, Suku Ende, jo suku Kedang dan pado maso lalu suku-suku iko lah nan di sabuik sabagai Ata Kiwan dek Panaliti nan manulis buku Ata Kiwan yang marupokan deskripsi pajalanan banamo prof. Dr. Ernst Vatter di Kepulauan Solor-Alor dari Bulan November 1929 sampai awal Juli 1930. Vatter manggunokan Larantuka sabagai pangkalan panalitiannyo.
Sijarah Ata Kiwan[suntiang | suntiang sumber]
Manuruik babarapo sumber Ernst Vatter panulih buku Ata Kiwan iolah saurang misionaris dari Balando, dan manatap di Solor untuak manyebarkan paham agamo Katolik di daerah Flores Timua jo Lembata. [3] Vetter jo bini nyo, salain malakukan panalitian etnologi juo manyadiokan layanan kasehatan bagi panduduak satampek. Layanan kasehatan iko manjadi sarana nan elok untuak manjalin komunikasi jo panduduak satampek.
Salah satu suku nan manjadi parhatian si Vetter iolah salah satu suku nan tingga di sabuah pulau ketek di Nusa Tenggara Timua yang panaliti ko sabuik juo sabagai bagian dalam panyebutan Ata Kiwan.[4] Bahkan dalam panalitiannyo pulau iko dijuluakinyo sabagai Pulau pambunuah (killer island) dalam bukunyo yang bajudul "Ata Kiwan" yang ditabikkan pado taun 1932. Sabuah alasan yang mungkin masuak di aka katiko mandanga Adonara sabagai pulau pambunuah.[4]
Adonara sandiri adolah sabuah pulau ketek di ujuang Flores, Nusa Tenggara Timua. Mayoritas panduduak daerah iko baprofesi sabagai patani jo nalayan, masyarakaik jo mato pancaharian sabagai patani biaso hiduik dipadalaman atau di kaki bukik Gunuang Boleng. Urang iko di sabuik juo sabagai Ata Kiwan, Sadangkan urang-urang nan tingga di pantai jo bamato pancaharian sabagai Palawik disabuik juo Ata Watan.
Masyarakaik Adonara sangaik mamegang taguah kapicayoan, tradisi sarato adat istiadat, urang ko picayo kapado Rere Wulan Tanah Eken (Tuhan) sabagai pawujudan tatinggi yang manciptakan jo manguasoi alam samesta.
Masyarakaik Adonara mampunyoi sabuah tradisi jo budaya baparang nan uniak, babeda jo kalompok lain di Flores nan mano tradisi parang iko yang mambuek urang-urang malegitimasikan Adonara sabagai pulau pambunuah. Sabananyo julukan iko talalu kasa bagi urang iko, karano parang di Adonara sandiri samato-mato iolah untuak mancari kaadilan jo kabenaran. Mure Deino, Nalan Gokano Peke Lewum (Jiko kau batua, kau baka batahan iduik, Jiko kau salah kau baka mati). Itulah kalimaik atau kode yang diaggap sakral dalam sistim kaadilan di Adonara.
Praktik parang di Adonara tabilang sangaik uniak, indak sarupo parang gerilia atau parang suku pado etnik lainnyo, karano parang di Adonara samato-mato hanyo marabuikkan tanah jo mampartahankan hargo diri saurang padusi. Urang ko akan manatapkan hari sarato tanggal kamudian tampek untuak saliang mambunuah atau parang. Katiko pagi tibo urang ko mulai turun ka lokasi nan alah di tantukan, kamudian katuo atau pamimpin parang baka malepaskan anak panah sabagai tando kalau parang baka sagera dimulai, dan biasonyo parang di mulai pagi hari sakitar jam 06.00 sampai sakitar 09.00 dan jeda wakatu untuak istirahat sabanta.Biasonyo jam istirahat ikolah para tatuo adat atau pamimpin parang saliang badiskusi mambarikan instruksi jo strategi dalam parang, kamudian parang baru dimulai baliak sakitar jam 15.00 sampai 18.00 Wita.
Parang tandiang iko biasonyo juo dikatokan parang saudara karano masyarakaik Adonara mamandang urang sabagai Kakan no Arin (kakak jo adiak), dek karano ikolah mako parang tandiang mamiliki paraturan yang amaik ketat yoitu padusi, anak ketek, atau urang-urang yang indak talibat masalah atau konflik indak buliah dibunuah.
Ateh sijarah iko lah mungkin nan dikatahui panulis, dan kamudian panulis bakasimpulan kalau pulau Adonara iko adolah pulau nan di isi dek urang-urang nan suko mambunya, atau inyo juluki sabagai Pulau Pambunuah.[2]
Demografi[suntiang | suntiang sumber]
Pado taun 2017 jumlah panduduak Kabupaten Flores Timur di pakirokan sabanyak 251.611 Jiwa. Balun ado data yang pasti barapo jumlah urang suku Lamaholot jo Adonara di antaro jumlah panduduak kabupaten iko sarupo nan tasabuik di ateh. Namun dapek dipastikan kalau urang suku Lamaholot marupokan bagian mayoritas dari panduduak yang ado dikabupaten iko. [5] Bagian ketek adolah suku banso Kedang jo Labala yang badiam di pulau Lomblen, sarato pandatang dari daerah lain atau paranakan. Ado pandapek kalau panduduak asli daerah iko umumnyo tingkek mobilitas randah karano pangaruah latak pamukiman yang barado di puncak-puncak bukik jo karano katarikatan pado adatnyo. Namun urang Lamaholot tingkat mobilitasnyo labiah tinggi yaitu banyak barado di lua daerahnyo sandiri sahubuangan baragam mato pancaharian urang ko yoitu batani, palawik, jo padagang.
Sahubuangan asal-jo usua urang Lamaholot iko ado manuruik sijarah lisan yang mangatokan urang iko barasa dari Keroko Pukeng atau Lepan Batang, sabuah pulau ketek di sabalah Utara pulau Pantar yang kini tamasuak wilayah kabupaten Alor. Pado suatu maso pulau ketek itu kanai bancano dimano rumah-rumah taganang aia jo urang ko tapaso pindah dan akhianyo sampai di Flores Timua ko. Sadangkan asal-usua katurunan Lamaholot disabuik marupokan pangaruah Hindu-Budha dari India balakang yang di pangaruhi Islam dari Gujarat jo Persia dengan arus aliran pasinggahan dari India ka Malaka sarato dari Cino ka Muangthai dan batamu di pusaran Nusantara jo pasinggahan di Sumatera, Jawa, jo Kalimantan.[6]
Rujuakan[suntiang | suntiang sumber]
- ↑ "Ata Kiwan". Nusa Indah (dalam bahasa Indonesia). Diakses tanggal 2023-02-05.
- ↑ a b Widagdo, Handoko (2016-06-22). "Larantuka Tempo Doeloe - Urban - www.indonesiana.id". www.indonesiana.id (dalam bahasa Inggris). Diakses tanggal 2023-02-05.
- ↑ Yosep Yapi Taum. (2017). Wawasan Kebangsaan Dari Perspektif Budaya Flores. Hlm. 4-5. Diakses pada 2023-02-5.
- ↑ a b Kompasiana.com (2020-10-20). "Adonara dan Sebuah Tradisi Perang yang Unik". KOMPASIANA (dalam bahasa Indonesia). Diakses tanggal 2023-02-05.
- ↑ Vinsensius Fererius Payong; Muh. Ilham; Bambang Supriadi (2021-08-05). "STRATEGI PENGEMBANGAN SEKTOR PERIKANAN DALAM MENINGKATKAN PENDAPATAN ASLI DAERAH (PAD) KABUPATEN FLORES TIMUR PROVINSI NUSA TENGGARA TIMUR". VISIONER : Jurnal Pemerintahan Daerah di Indonesia. 13 (2): 187–196. doi:10.54783/jv.v13i2.425. ISSN 2807-1247.
- ↑ Ola, Simon Sabon; Kroon, Yosep B. (2020-04-01). "PERSEPSI TENTANG TANAH MENURUT ORANG LAMAHOLOT DI SOLOR BARAT FLORES TIMUR, NUSA TENGGARA TIMUR". Jurnal Lazuardi. 3 (1): 402–415. doi:10.53441/jl.vol3.iss1.29. ISSN 2685-1652.