Urang Aru
| Suku Aru |
|---|
| Jumlah populasi |
|
1930: kurang lebih 20.000 Jiwa dan tahun 1986: 44.413 Jiwa |
| Kawasan bapopulasi cukuik banyak |
| Indonesia:
Kapulauan Aru: 'Maluku Tenggara |
| Bahaso |
| bahasa Aru : termasuk 10 bahasa terbesar dalam bahasa Siwalima. |
| Agamo |
| Islam dan Kristen, dan masih ado juo yang manganut agamo Niniak moyang, Animisme |
Suku Aru marupokan Suku banso yang mandiami wilayah kapulauan Aru di Maluku Tenggara.[1] Kapulauan yang dikaruniai kakayoan potensi sumber daya alam dan juo budaya iko talatak di Lepengan Sahul badampiangan jo Papua dan Benua Australia, yang tadiri dari lima pulau besar dikelilingi oleh 182 pulau kecil dengan total luas 8.563 km2.[1]
Kapulawan ko walaupun banyak tapi cuman ado 23 pulau yang takonfirmasi bisa di huni, antaro lain pulau Maikoor, Kobroor, Trangan, Penjuring, Workai, Wokam, Baun dan pulau-pulau ketek lainnyo.[2] Pulau yang di huni samo suku Aru ko rato-rato daratannyo indak ado daerah yang tinggi atau samacam bukik jo pagunungan dan relatif data mode daerah pasisia pantai sahinggo kabanyakan masyarakaik mahuni wilayah rimbo yang ado di tapi pasia yang mana rimbo yang ado disitu iolah jenis rimbo primer yang rimbun dan tanahnyo subur.
Sijarah[suntiang | suntiang sumber]
Suku Aru acok dikaikkan barasa dari Pulau Eno-Karang. Sacaro sosial dan budayanyo Suku Aru tamasuak rumpun Melanesia Pasifik dan tadiri dari 16 suku asli dan babarapo suku lainnyo dari wilayah Maluku, Jawa, jo urang Tionghoa. Oleh sabab itu, urang-urang Aru indak jauah babeda jo urang yang mandiami wilayah-wilayah di kapulauan Jawa, Sumatra, Kalimantan dan kapulauan lainyo yang jup marupokan rumpun Melanesia Pasifik, Suku Aru tacatat mampunyoi babarapo bahaso yang dijadikan sabagai alat komunikasi nyo; Bahasa Barakai, Batuley, Karey, Koba, Kompane, Lola, Larong, Manombai, Mariri, Tarangan, dan Ujir.[3]
Karagaman suku dan bahaso Aru sarato kakayoan sumber daya alamnyo mambuek wilayah kapulauan Aru sangaik istimewa. Tacatat pado taun 1600 urang-urang Tionghoa alah mamijakkan kaki di Kepulauan Aru untuak badagang. Urang Tionghoa jo urang Aru kamudian mambantuak sabuah komunitas masyarakaik “Aru baru”. Papaduan budaya yang elok dalam tatanan kahidupan sosial budaya, agamo, ekonomi, dan pandidikan antaro urang Aru asli jo masyarakaik pandatang kamudian terjalin elok.[3]
Kakayoan sumber daya alam di kapulauan Aru juo alah mangundang nagari-nagari lain untuak datang dan bahkan mancubo manguasainyo. Balando tacatat datang ka kapulauan Aru taaun 1623, kamudian Inggrih pado taun 1857.[3]
Kabudayaan[suntiang | suntiang sumber]
Masyarakaik yang ado di kapulauan Aru (Maluku Tenggara) mampunyoi paradapan yang Ekosentrisme, hal iko tacamin bagaimano masyarakaik suku urang Aru mamanfaatkan Sumber Daya Alam lawik dan pasisianyo. Hal iko manjadi spesial karano pamanfaatan kakayoan alam bawah lawik dan pasianyo di manfaatkan jo kamampuan yang elok dan sangat tradisional dari suku urang Aru di tambah lai jo pangatahuan lokal tentang ekosistem pasisia dan kapulauan.
Pado bulan Mai-Oktober yang dikenal sabagai musim timua, urang-urang aru biasonyo akan bakarajo di kabun-kabunnyo dan mambuek kanji atau tapuang dari sagu. Urang-urang suku Aru juo bisa baburu ruso jo ciliang di rimbo sarato ma ambiak hasil rimbo sarupo kayu jo kulik kayu sarato mangumpuan babagai jenis Moluska, kapitiang, jo Taripang di pinggia pantai.
Dalam hubungannyo jo kapicayoan tahadap niniak moyang, masyarakaik Aru masih sangaik mampicayoi apo yang di ajan niniak moyangnyo. Tarutamo dalam kahidupan iduik badampiangan manusia jo alam. Adopun kapicayoan agamo urang Suku Aru di maso kini alah ado yang mamaluak agamo Islam, jo Kristen akibat perkembangan dan pangaruah kabudayaan dari lua yang dibaok pandatang atau urang badagang, tapi meski alah mamiliki kapicayoan agamo urang suku Aru masih ado juo yang mamaluak dan picayo ka agamo niniak moyangnyo (Animisme).
Katurunan[suntiang | suntiang sumber]
Taun 2013 nan lalu sempat di kabakan Katua Dewan Adat dan LMA basamo masyarakaik Aru manyampaikan aspirasi di kota Jayapura kapado MPR bahwasanyo kultur adat jo budaya urang yang ado kapulauan Aru malalui struktur adat, sosial dan antropologi, mampunyoi ciri khas yang samo jo masyarakaik yang ado di tanah Gadang. Tanah Gadang iolah sabutan masyarakaik Aru untuak masyarakaik yang tingga di tanah Papua sacaro kasaluruhan. Urang Aru yang tingga di kapulauan Aru manjadi sagarih sakaturunan jo urang yang tingga di tanah gadang Papua.
Urang yang ado di kapulauan Aru iolah satu daratan jo tanah gadang (Papua kini) manuruik pandapek urang Aru, tapi akibat adonyo pangaruh alam kapulauan Aru talapeh dari tanah gadang. Sacaro prilaku dan psikologis urang Aru sangat mirip jo urang papua. Manuruik Sijarahnyo urang Aru pado taun 2012 tanggal 30 November alah mandeklarasikan dirinyo kalau Urang Aru iolah Ras Melanesia yang mandiami dangkalan soul Australia dan Papua. Hal iko mamatahkan kalau Urang Aru iolah urang Maluku yang rato-rato Rasnyo iolah Malayu.[4]
Kasenian[suntiang | suntiang sumber]
Tambororo marupokan kasenian yang dimiliki samo suku Aru iko, yang mano iko marupokan sabuah pamentasan seni yang barupo lagu-lagu adat yang di nyanyikan sacaro basamo.[5] Urang yang ikuik dalam Tambororo akan duduak malingka dan biasonyo indak ado bateh bara urang yang harus ikuik, kamudian di iriangi jo bunyi gong jo Tifa dan kamudian dalam kalompok iko juo ado saurang Peduang yang marupokan samacam biduan untuak mamimpin kalompok yang sadang ba lagu.
Tambaroro iko sabananyo iolah samacam hiburan atau ritual musik sabalum acara inti adat dilaksanokan, jadi di dalam acara Tambororo iko masyarakaik suku Aru akan malalui 3 hari tigo malam untuak ciek kasenian iko sabalum ritual inti adat akan dilaksanakan. Salain untuak pembuka ritual adat, kasenian iko juo sabagai hiburan jo sabagai kasenian untuak mangutarakan kabahagiaan masyarakaik urang suku Aru iko.[5]
Referensi[suntiang | suntiang sumber]
- ↑ a b "Portal Kepulauan Aru". kepulauanarukab.go.id. Diakses tanggal 2023-02-26.
- ↑ Melalatoa, M.J. (1995). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. hlm. 53. Diakses tanggal 2023-1-17.
- ↑ a b c Khielsing, W. 1973. Kebudayaan dan adat istiadat Kepulauan Maluku.
- ↑ "Masyarakat Kepulauan Aru Klaim Satu Keturunan dengan Orang Papua". #PapuaUS - Papua Untuk Semua (dalam bahasa Indonesia). Diakses tanggal 2023-01-17.
- ↑ a b Maluku, Kantor Bahasa (2017-01-03). "Tambaroro, Kesenian Adat Masyarakat Aru". KANTOR BAHASA MALUKU (dalam bahasa Indonesia). Diakses tanggal 2023-01-27.
