Urang Amatoa

Suku Ammatoa Kajang
Jumlah populasi
kurang labiah 3000 Jiwa.
Kawasan bapopulasi cukuik banyak
Indonesia: Kacamatan Kajang Kabupaten Bulukumba Sulawesi Selatan 3000 Jiwa
Bahaso
Bahaso Makassar (Dialek Konjo)
Agamo
Mayoritas Islam dan banyak juo nan manjalankan kapicayoan niniak moyang banamo (Patuntang)
Kalompok etnik takaik
Suku Makassar, Suku Bugis, Suku Buton.

Suku Ammatoa atau Kajang Ammatoa, Urang Kajang adolah salah satu suku di Indonesia yang cukuik dikenal, urang ko identik jo pakaian bawarna itam, lengkap jo Passapu' atau paikek kapalo. Sacaro administratif, suku Ammatoa talatak di kampuang Tana Toa, Kacamatan Kajang, Kabupaten Bulukumba, Sulawesi Selatan. Kajang sandiri tadiri dari duo bagian; Kajang dalam jo Kajang Luar. Di wilayah Kajang Dalam tadapek Suku Ammatoa. Wilayahnyo tadiri dari tujuah dusun jo dihuni kurang labiah 3.000 panduduak. Masyarakaik Adat Ammatoa Kajang marupokan masyarakaik yang masih mamacik taguah kahidupan yang harmonis jo salaras dengan lingkuangan dan salalu manjago hubuangan relasi jo alam dan laluhuanyo. Sabuah caro-caro hiduik yang marupokan tradisi dari suku-suku banso di Indonesia warisan budaya panutua bahaso Austronesia. Bahkan uniknyo lai, komunitas masyarakat sangat selektif tahadap panarimoan budaya lua sarupo hasil teknologi maso kini yang sakironyo dapek manggaduah hubuangan relasi jo lingkuab ngan alam.

Ammatoa

Sacaro etimologi, Amatoa atau Ammatoa tadiri dari duo kato yoitu Amma (Bapak) jo Toa (Gaek). Pangaratian Ammatoa indak hanyo bapak yang alah gaek umuanyo tapi labiah kapado saurang nan dituokan karano mampunyoi pangatahuan yang lueh sarato baparilaku elok jo bijak. Istilah ammatoa dimulai sajak datangnyo (Tomanurung) manuruik kapicayoan urang iko adolah cikal bakal masyarakaik di Sulawesi Salatan, Ammatoa yang partamo iolah Datuk Moyang dan sampai kini alah masuak ka Ammatoa yang ka-22 sajak Ammatoa nan partamo.

Ammatoa marupokan pamimpin adat nan tatinggi dalam komunitas suku ammatoa iko atau suku kajang ko jo maso jabatan saumua hiduik, artinyo sampai urang yang dilantik manjadi ammatoa maningga dunia. Pangangkatan Ammatoa iolah indak badasarkan piliahan rakyat, indak pulo marupokan warisan dari urang tuonyo atau panunjuakan pamarintah. Masyarakaik mamahami dan mampicayoi kalau Ammatoa ditunjuak langsuang dek Turiek Akrakna (Tuhan Yang Maha Kuasa) malalui proses ritual dalam hutan keramat nan banamo Hutan Tombolo.

Yang paliang penting dari iko adolah saurang Ammatoa haruslah urang nan jujua, Idak parnah manyakiti, manjago diri dari pabuatan jahek, indak marusak alam sarato sanantiaso mandakekkan diri pado Turiek Akrakna(Tuhan Yang Maha Kuasa).

Ritual Doti

Doti sandiri iolah marupokan ilmu jenis santen yang digunokan untuak manyakiti atau manghilangkan nyawo urang lain, ritual iko sandiri dilakukan jo manggunokan media sarato benda-benda tatentu kamudian dilakukan jo prosesi khusus. Salain itu, praktik Doti juo dapek dilakukan hanyo dengan mambaco mantra-mantra tatantu. Bagi masyarakaik Sulawesi Salatan, Doti indak asiang lai di talinggo. Kajang atau urang Ammatoa marupokan suku yang ditakuti samo disagani karano dikenal jo ilmu doti yang hebat. Bagi masyarakaik yang dakek jo daerah urang Ammatoa iko tantu indak asiang jo alah acok mandanga mangenai Doti.

Bagi urang nan kanai ritual Doti baka mangalami cacek parmanen pado ingatannyo sarato sakik nan lua biaso sahinggo barakibat pado kamatian mandadak. Doti indak hanyo bisa manyerang ciek urang sajo, malainkan bisa manyerang ciek kaluaga sakaligus. Bahkan Doti sandiri indak dapek diubek malalui pangobatan medis.

Kamudian dalam manjalankan kahidupan sahari-hari masyarakaik mamacik taguah ajaran "Pasang Ri Kajang" yoitu ajaran yang dinilai ampuah untuak malestarikan hutan, sadangkan bahaso nan di gunokan panduduak iko iolah bahaso Makassar nan badialek Konjo, masyarakaik Kajang sangaik manjunjuang tinggi samboyan dan papatah yoitu " Kamase-mase" atau kasadarhanaan.

Adaik kabudayoan

Kajang tabagi manjadi duo, yaitu Kajang dalam atau yang biaso disabuik “Ri lalang Embayya (Tanah Kamase-Masea)” dan Kajang luar atau yang biaso disabuik “Ipantarang Embayya (Tanah Kausayya)”.

Kajang luar atau “Ipantarang Embayya (Tanah Kausayya)” marupokan masyarakaik nan tingga di sakitar suku Kajang jo urang iko manarimo modernisasi. Dengan kato lain urang iko hiduik dalam kamajuan teknologi sarupo listrik, internet, jo lainnyo. Babeda jo Kajang dalam atau “Ri Lalang Embayya (Tanah Kamase-Masea)” yang indak manarimo kamajuan teknologi. Ammatoa (kapalo suku Kajang) bakato “Di Kajang tala kulle modern” artinyo di Kajang indak bisa modern sarupo masyarakaik pado umumnyo.

Keunikan dari adat Kajang Ammatoa yoitu, urang suku iko indak buliah pakai aleh kaki jo indak punyo kendaraan sarato alat elektronik sarupo kamera, handphone jo wajib manggunokan pakaian itam atau putiah. Itam marupokan warna adat yang kental jo kasakralan dan putiah manunjuakkan kasucian. Warna itam mampunyoi makna bagi masyarakaik Ammatoa sabagai bantuak pasamoan dalam sagalo hal, sarupo pasamoan darajat jo kasederhanaan. Babeda jo masyarakaik yang mamakai baju putiah. Urang iko dianggap sabagai urang yang barilmu tinggi. Mamakai pakaian salain warna hitam jo putiah sangaik indak dipakenankan tarutamo warna merah. Sabab warna iko dianggap sabagai panentangan. Ammatoa bakato: “Ri Kajang andekki ma’ ring amminahang ri zaman, iaji kullea antama’ ammake pi baju le’leng areka baju pute, na tala ma’ ringki ammake sandala antama”. Artinyo “Di Kajang itu indak buliah modern dan yang bisa masuak di Kajang hanyo baju itam dan putiah, sarato indak mamakai sandal”.

Sarupo nan di sabuik sabalunnyo urang suku iko indak manggunokan listrik untuak panerangan, malainkan urang iko manggunokan sulo atau pelita dari sumbu jo minyak tanah. Sumber aia pun barasa dari mato aia nan di alirkan manggunokan buluah. Rumah-rumah yang ado di dalam kawasan adat Ammatoa itu sagalonyo manghadap ka arah barat, nan mano arah iko dianggap sabagai simbolik kabaradoan niniak moyangnyo. Salain itu, rumah-rumah yang ado di suku kajang ammatoa babantuak sarupo, sagalonyo tadiri dari 16 tiang dan badindiang kayu sarato atok rumah dibuek dari daun rumbia nan di anyam.

Ado tigo aturan untuak anak padusi jo 2 aturan untuak anak laki-laki yang disakralkan Ammatoa, untuak padusi iolah basanggua, baju, sarawa dalam sarato kain saruang itam. jiko wisatawan nan datang haruslah mamakai pakaian sarupo untuak padusi dan dibuliahkan pakai hijab nan bawarna hitam kamudian untuak padusi Ammatoa sandiri indak buliah pakai jilbab. Adopun aturan untuak laki-laki iolah mamakai baju jo sarawa, gunonyo aturan iko indak lain iolah untuak manutuik aurat bagi urang suku Amatoa, dan jikok anak kaluargo ammatoa malakukan palanggaran mako ammatoa indak sagan mahagiah hukuman apopun karano ammatoa harus basikap adia.

Nan manjadi kaistimewaan dari kabijakan suku ammatoa ko iolah urang iko meski manjunjuang tinggi adat jo paninggalan niniak moyang tapi indak malarang anak-anaknyo untuak basikolah jo kuliah sampai kalua nagari, tapi tetap katiko baliak ka kampuang halaman, mako urang ko harus malaksanakan aturan jo tradisi nan ado.

Salain aturan-aturan adat suku iko juo punyo tradisi manenun nan rancak, hasil tenun iko pun dijadikan sabagai sumber pandapatan bagi urang amatoa. Salain batenun pandapatan urang suku iko juo dadri hasia batani jo bakabun yang kamudian di jua ka pasa tradisional di lua kawasan kajang.

Suku Kajang Ammatoa juo dikenal sangat manjago kalestarian hutan. Hutan baliakkan kapado pamangku adat untuak di kalola. Menteri Lingkuangan Hiduik jo Kahutanan manetapkan hutan adat Kajang Ammatoa salueh 314 hektare. Masyarakaik Kajang dalam mangalola sumber daya hutan indak lapeh dari pasang (amanah). Masyarakaik Kajang mamahami kalau dunia yang diciptakan oleh Turie’ A’ra’na (Tuhan) sarato isinyo haruslah dijago, tarutamo hutan. Salah satu pasal dari pasang atau amanah iko babunyi : “Anjo boronga anre nakulle nipanraki, punna nipanraki boronga, nupanraki kalennu” artinyo, hutan indak buliah dirusak, kalau kau marusak hutan, samo halnyo kau marusak dirimu surang. Salain itu ado juo pasal lain yang babunyi : “Anjo natahang ri boronga karana pasang, rettopi tanayya rettoi ada” artinyo, hutan bisa lestari karano dijago oleh adat, jiko bumi hancua, mako hancur pulo adat Ammatoa.