Jepang-Indonesia

Tambah pautan
Wikipedia Minangkabau - Lubuak aka tapian ilimu
Nikkei Indonesia
インドネシアの日本人
(Indoneshia no Nihonjin)
Jepang-Indonesia
Jumlah populasi

19.612 Yang Tercatat Dari 38.135+ (2019)[1]

Kawasan bapopulasi cukuik banyak
Jakarta, Depok, Bali, Surabaya, Sumatra Utara, Sulawesi
Bahaso
Terutamanya: Jepang dan Indonesia
Juga: berbagai bahasa daerah lainnya di Indonesia
Agamo
Pawai mikoshi anak-anak pada festival Ennichisai di Blok M, Jakarta.

Urang Jepang Indonesia atau Jepindo adolah warga katurunan Japang yang tingga di Indonesia. Migrasi urang Japang ka Indonesia baru tajadi dalam skala gadang pado akhiaabad ka-19, meskipun alah ado kontak padagangan sacaro tabateh antaro Indonesia dan Japang saindaknyo sajak abad ka-17.[2] Populasi ekspatriat Japang di Indonesia cukuik gadang, kiro-kiro 19.717 urang pado OKtober 2017. Salain itu, ado pulo katurunan dari imigran Japang yang tibo labiah awal di Indonesia. Jumlah warga katurunan Japang yang hiduik dan tingga di Indonesia sajumlah sakitar 2.500 urang. Urang ko tatap manjalin silaturahmi sasamo komunitas katurunan Japang jo mandirikan Yayasan Warga Pasahabatan. Katurunan urang ko disabuik Nikkei Indonesia.[3][4]

Sijarah migrasi[suntiang | suntiang sumber]

Salah surang panduduk Indonesia katurunan Japang adolah Saartje Specx, anak padusi dari gubernur kolonial Balando Jacques Specx yang manguasoi Batavia (kini ko Jakarta) dari 1629 hinggo 1632.[2] Dalam statistik pamarintah kolonial 1898 tacatat 614 urang Japang tingga di Hindia Balando (166 laki-laki, 448 padusi).[5] Sajalan jo makin batambahnyo urang Japang di Hindia Balando, Konsulat Japang dibuka di Batavia pado taun 1909. Namun statistik panduduak pado babarapo taun partamo dibukanyo konsulat masih agak sambarangan.[6] Laporan konsulat manunjuan ado 782 migran Japang yang tadaftar di Batavia pado taun 1909 (dengan pakiroan ado 400 urang lainnyo yang alun mandaftar), ditambah 278 urang (57 laki-laki, 221 padusi) di Medan pado taun 1910.[7] Dimulai sajak akhia taun 1920-an, palawik dari Okinawa mulai manatap di Sulawesi Utara. Di Manado dibukak sabuah sakolah dasar Japang yang pado taun 1939 mampunyoi 18 murid.[8] Sacaro kasaluruahan alah ado 6.349 urang Japang yang tingga di Indonesia pado taun 1938.[9] Sasudah salasainyo pandudukan Japang di Indonesia (1942-1945), kiro-kiro ado 3.000 prajurit Angkatan Darat Kakaisaran Japang mamiliah untuak tingga di Indonesia dan bajuang basamo-samo rakyat satempat malawan tantara kolonial Balando pado maso Parang Kamerdekaan. Kiro-kiro sapartigo dari urang tu mati (di antaranyo dimakamkan di Taman Makam Pahlawan Kalibata), samantaro sapartigo lainnyo mamiliah untuak manatap di Indonesia sasudah parang barakhia.[10][11] Pado taun 1960-an Sukarno mamintak pamarintah Japang mambarikan beasiswa kapado mahasiswa Indonesia untuak baraja ka Japang sabagai bagian upaya aliah teknologi sarato bagian dari rampasan parang. Babarapo mahasiswa Indonesia iko kamudian manikahi urang Japang dan manghasilkan katurunan Nikkei Indonesia. Para mahasiswa Indonesia alumni dari Japang iko kini bagabuang dalam Persada, Persatuan Alumni dari Japang yang didirikan taun 1963.[12]

Pado taun 1970-an, parusahaan Japang tarutamo di sektor elektronik mulai mandirikan pabrik-pabrik di Indonesia. Pakambangan tasabuik mamicu tajadinyo galombang baru migrasi ekspatriat Japang, tarutamo manajer dan staf teknik yang dipakarajoan oleh parusahaan-parusahaan gadang Japang.[13] Pado akhia 1990-an juo tajadi arus migrasi sabaliknyo dari Indonesia ka Japang. Sabagian dari Nikkei Indonesia dari Sulawesi mulai bamigrasi ka Japang untuak bakarajo di bidang industri pangolahan makanan lauik.[14] Pado 2004, dipakirokan kiro-kiro ado 1.200 Nikkei Indonesia manatap di kota Ōarai, Ibaraki.[15] Salain itu, ekspatriat Japang di Indonesia mangalia kalua sacaro gadang-gadangan pado taun 1998 akibaik Karusuahan Mei 1998 jo kakacauan politik yang manyaratoinyo.[16] Maskipun mode itu, satu dekade barikuiknyo, komunitas ekspatriat Japang masih manduduaki paringkek kaduo tagadang di Jakarta sasudah urang Korea di Indonesia.[13]

Bisnis dan lapangan karajo[suntiang | suntiang sumber]

Sarupo halnyo di nagari-nagari lain di Asia Tenggara zaman kolonial, komunitas Japang di Hindia Balando hinggo Parang Dunia I sabagian gadang bagerak di bidang bisnis prostitusi.[17] Salah satu tampek yang masih manyisokan sijarah itu adolah daerah Kembang Jepun di Surabaya yang pado maso kolonial adolah kawasan prostitusi yang manawarkan padusi Japang. Pado taun 1912, prostitusi ditatapkan sabagai palanggaran hukum di Hindia Balando. Namun banyak padusi Japang yang tampaknyo wakatu itu tarui manjalankan profesi sabagai wanita panghibur sacaro diam-diam.[7] Pado taun 1930-an, fokus ekonomi komunitas Japang di Hindia Balando sabagian gadang barubah ka bidang patanian, industri parikanan, jo bisnis eceran manjua barang-barang impor dari Japang.[9] Ekspatriat Japang yang datang barikuiknyo tarutamo adolah para pananam modal yang bahubuangan jo pabrik elektronik.[13]

Integrasi sosial[suntiang | suntiang sumber]

Pamarintah Balando mangklasifikasikan parintis migran Japang di Hindia Balando sabagai "oriental asing".[5] Dengan status tasabuik barati urang tu tunduak tahadap pambatasan-pambatasan tahadap kabebasan bagerak, tampek kadiaman, dan pakarajoan. Namun pado taun 1898, urang tu diklasifikasikan ulang sabagai "urang Eropa tahormat", dan mambarikan urang tu kasetaraan hukum sacaro formal jo pihak kolonial dan pambatasan-pambatasan urang tu dihapui.[17] Walaupun alah dibarikan kasetaraan formal, citra urang Japang di mato panduduak lokal masih alun sapanuhnyo elok.[5] Samaso Parang Dunia II jo maso panduduakan Japang di Indonesia, perwira-perwira Japang banyak yang maambiak padusi satampek sabagai gundiak.[2] Anak-anak yang dilahiakan dari hubuangan sarupo itu, katiko digadangkan pado maso pascaparang, urang tu acok manjadi sasaran bullying karano katurunan urang tu, sarato mandarita diskriminasi resmi di bawah kabijakan pamarintah yang manomorsatukan pribumi katiko marekrut pagawai negeri sipil.[18]

Sajumlah 759 urang Japang yang tingga di Indonesia mampunyoi hak izin tingga tatap tarutamo tadiri dari padusi Japang yang manikah jo laki-laki Indonesia.[19] Babarapo di antaro inyo batamu suami sahubuangan baraja di lua nagari, baik katiko calon suami sadang baraja di Japang, atau katiko kaduonyo sadang baraja di nagari-nagari babahaso Inggirih sarupo Amerika Serikat jo Australia.[20] Sisonyo datang ka Indonesia, khususnyo Bali sabagai wisatawan, dan batamu suami inyo di Bali. Japang adolah salah satu sumber wisatawan untuak Bali, jo padusi Japang banyak yang manikah jo laki-laki Indonesia dan tingga di situ. Pado taun 1994, saurang panaliti yang manaliti fenomena itu mampakirokan wakatu itu kiro-kiro ado 400 padusi Japang yang tingga di Bali.[21][22] Sajumlah gadang wisatawan dari Japang adolah padusi muda dari kota. Urang tu maliek Bali bukan sabagai tujuan wisata eksotis, malainkan sabagai tampek banostalgia, manamukan baliak pamandangan maso lalu di Japang, dan "baliak" ka diri inyo sabananyo yang inyo raso alah dikabek oleh kahidupan di kota-kota gadang Japang. Di antaro urang tu, sabagian datang patamo kali sabagai wisatawan, tarutamo ka Kuta jo Ubud, dan sasudah barulang-ulang datang ka Bali, urang tu manikah jo laki-laki satampek.[23] Dalam babarapo kasus, kunjuangan-kunjuangan itu babantuak "wisata romantis" atau "wisata seks wanita", dengan adonyo wanita yang bahubuagan jo pamuda pekerja seks yang dikenal sahari-harinyo sabagai "Koboi Kuta".[24][25][26] Pasangan suami-istri Japang-Indonesia manggunokan bahaso Indonesia jo bahaso Jepang, atau meskipun kurang umum, manggunokan bahaso Inggris katiko bakomunikasi jo pasangan, anak-anak, atau cucu, tatapi bahaso Indonesia jauah labiah banyak dipakai katiko bakomunikasi jo sanak saudara lainnyo.[27]

Media massa[suntiang | suntiang sumber]

The Daily Jakarta Shimbun adolah satu-satunyo surek kaba babahaso Japang di Indonesia. Surek kaba iko didirikan pado taun 1998 oleh Yasuo Kusano, mantan kapalo biro Mainichi Shimbun di Jakarta (1981-1986) yang baliak ka Indonesia sasudah kajatuhan rezim Suharto. Ia mangatahui terbitan-terbitan yang dilarang terbit samaso Suharto bakuaso, banyak yang ditabikkan baliak, dan mamutuskan untuak manerbitkan surek kaba yang manyadiokan informasi mandalam dan akurat mangenai proses demokratisasi Indonesia kapado pambaco Japang. Sajak patamo tabik, sirkulasi surek kaba iko alah bakambang dari 50 eksemplar manjadi labiah dari 4.000 eksemplar.[16]

Galeri[suntiang | suntiang sumber]

  • Ennichisai, festival budaya Jepang yang diselenggarakan oleh komunitas orang Jepang di Jakarta.
    Ennichisai, festival budaya Jepang yang diselenggarakan oleh komunitas orang Jepang di Jakarta.
  • Rumah abu orang Jepang di Jakarta (TPU Petamburan)
    Rumah abu orang Jepang di Jakarta (TPU Petamburan)

Liek pulo[suntiang | suntiang sumber]

Rujuakan[suntiang | suntiang sumber]

Catatan kaki[suntiang | suntiang sumber]

  1. ↑ https://www.mofa.go.jp/mofaj/area/indonesia/data.html
  2. ↑ a b c Harsanto, Damar (2008-04-13), "Shining Japan: From mercenaries and sex workers to entrepreneurs", The Jakarta Post, Archived from the original on 2008-04-13, diakses tanggal 31 Januari 2023 
  3. ↑ Meguro 2005, p. 49
  4. ↑ Shin 2004, p. 83; the term "Indonesian Nikkei" is also used therein to refer to Japanese expatriates who have settled permanently in Japan
  5. ↑ a b c Shiraishi & Shiraishi 1993, p. 8
  6. ↑ Murayama 1993, p. 89
  7. ↑ a b Murayama 19s93, p. 90
  8. ↑ Meguro 2005, p. 65
  9. ↑ a b Fukihara 2007, p. 27
  10. ↑ Hatakeyama & Hosaka 2004, pp. 676–677
  11. ↑ "秋篠宮ご夫妻、英雄墓地に献花　ジャカルタ", Sankei Shimbun, 2008-01-19, diarsipkan dari versi asli tanggal 2009-01-09, diakses tanggal 31 Januari 2023 
  12. ↑ "Persada, Persatuan Alumni dari Jepang". Diarsipkan dari versi asli tanggal 2010-09-14. Diakses tanggal 31 Januari 2023. 
  13. ↑ a b c "Changing Faces", The Jakarta Post, 2008-03-28, diakses tanggal 31 Januari 2023 
  14. ↑ Meguro 2005, p. 50
  15. ↑ Meguro 2005, p. 62
  16. ↑ a b Hara, Chisato (2009-11-30), "'Jakarta Shimbun' a bridge to Indonesia", The Jakarta Post, diakses tanggal 31 Januari 2023 
  17. ↑ a b Shiraishi & Shiraishi 1993, p. 9
  18. ↑ Fukihara 2007, p. 28
  19. ↑ Shin 2004, p. 83
  20. ↑ Shin 2004, p. 84
  21. ↑ Suzuki 1997, p. 341
  22. ↑ Yamashita 2003, pp. 87, 97
  23. ↑ Yamashita 2003, p. 94
  24. ↑ Toyota 2006, pp. 171–172, 178
  25. ↑ "New Documentary Capture's Kuta Cowboys' Gigolo Lifestyles", The Jakarta Globe, 2010-04-26, diakses tanggal 31 Januari 2023 
  26. ↑ "'Kuta Cowboys' strutting their stuff for lovelorn visitors", The Jakarta Post, 2002-05-05, diakses tanggal 31 Januari 2023 
  27. ↑ Shin 2004, p. 87

Sumber[suntiang | suntiang sumber]

Pranala luar[suntiang | suntiang sumber]

Diambiak dari "https://min.wikipedia.org/w/index.php?title=Jepang-Indonesia&oldid=2836566"