Urang Mori
Urang Mori marupokan salah ciek suku nan barasa dari Kabupaten Morowali, Sulawesi Tengah, Indonesia. Wilayah otoritas suku ko adolah wilayah
| Urang Mori |
|---|
| Jumlah populasi |
| Kawasan bapopulasi cukuik banyak |
 Indonesia,  Sulawesi Tengah, Kabupaten Morowali
|
| Bahaso |
| Bahaso Morowali |
| Agamo |
| Kristen Protestan |
Kabupaten Morowali bagian utara. Babarapo namo kota dan kalurahan nan tamasuak dalam wilayah suku mori adolah Kolonodale, Beteleme, Tiu, Lembobelala, Lembobaru, Tingkea'o, Wawopada, Tomata, Taliwan, Ensa, Tompira, dan lain-lain. Daerah tampek tingga suku Mori marupokan daera nan subur dan jarang bana maninggaan daerahnyo, salain itu dikarajoan pendidikan jo perdagangan. pamukiman suku Mori umumnyo tingga bakelompok di tangah kampuang. Tapi dalam pangambangannyo tu salasai timbua parubahan sasuai jo pola mato pancaharian baru, sahinggo rumah-rumahnyo ado nan manyebar. Bentuk rumah pun barubah sasuai jo pangambangan pangetahuan dan teknologi mereka. Dek karano itu sebagian ado nan mangrupuahan dan sebagian tasebar. Bangunan dan sarana untuak kapentingan umum ditampekan di tampek nan strategis, misal lapangan olah raga, tampek ibadah, bangunan adaik.[1]
Bahaso
[suntiang | suntiang sumber]Sampai kini ko, bahaso Mori masih digunoan oleh sabagian anggota suku ko, tarutamo di daerah pedalaman. Suku Mori tabagi dalam babarapo subsuku dapek yaitu, urang Molongkuni, Roda, Ulu' Uwoi, Moiki, Watu, Ngusumbatu, dan Mobahono. Urang Mori punyo bahaso surang, yaitu bahaso Mori. Sumber tatantu manyatoan bahwa bahaso ko masih tabagi ka dalam babarapo dialek, yaitu dialek Malio'a, Ngusumbatu, Tiu, Moiki, Watu, Lmpo, Molongkuni, Ulu' Uwoi, Pado'e, dan Mori Atas. Sumber lain mangumpuakan bahwa bahaso Mori hanyo tadiri dari ampek dialek, yaitu dialek Watu, Karunsi'e, Ngusumbatu (Tinompo), dan Molongkuni. Awalnyo dialek Ngusumbatu marupokan bahasakomunikasi di kalangan urang Mori sacaro kasaluruahan, tapi kini mereka labiah banyak manggunoan dialek Molongkuni, mungkin dek jumlah panutur dialek ko relatif labiah gadang jumlahnyo.[1]
Tradisi adaik
[suntiang | suntiang sumber]Parayaan Padungku di ikuikan dek sadolah warga desa. Di satiok rumah, warga siap manarimoan tamu nan ka bakunjuang. Kagiatan saliang bakunjuang ka rumah warga dari kampuang lainnyo marupokan bantuak silaturahmi antaro warga setempat jo masyarakat nan marayo Padungku. Untuak malayani tamu, warga nan marayo Padungku wajib manyadioan babagai hidangan hasil patanian. Menu utamo dalam ucapan syukur ko adolah dinaha atau nasi bambu.[2]
Salain dinaha, babagai hidangan disajian untuak maanjamu tamu, antah hidangan khas Morowali Utara maupun jajanan pasa nan familiar basobok di banyak daerah. Pas makan dinaha, masyarakat biasonyo ka manyadioan lauk pauk pandamping bantuak bebek (dangkot) nan dimasak jo campuran rempah-rempah lengkuas, jahe, dan lainnyo. Salain kaduo hidangan tu, masih banyak lo hidangan lainnyo nan disadioan mode burasa (lontong basantan), katupat, dan ikan baka nan disadioan tuan rumah. Padaku sabujurnyo marupokan paduan antaro tradisi adat masyarakat nasrani tarutamo Suku Mori dan Pamona, suku Kabupaten Poso, untuak mangucapkan tarimo kasih atas barito nan alah diagiah Tuhan.[3]
Lazimnyo, Padungku dilakuan siap panen dan dikaitkan jo acara keagamaan untuak marayoannyo. Masyarakaik desa mulaonyo ka ma ikuik ibadah di gereja sabalun mabaliah tamu di rumah masiang-masiang. Padaku alah manjadi tradisi mangucapkan tarimo kasih nan turun-temurun dilakuan Suku Mori. Tuan rumah pado parayaan Padungku ka bagiliran antaro ciek desa jo yang lainnyo, tergantung parjanjian para tetua adat atau gereja lokal. Kagiatan ko surang ka mulai dilakuan di bulan Mei sampai abih di bulan Oktober satiok tahun, disasuai jo masa panen patani sabalun abih tahun.[3]
Pas marayoan Padungku, sadolah desa di Tanah Mori manggelar fiesta. Namun, khusus untuak desa nan ditunjuak sabagai tuan rumah parayaan Padungku, dipastian ka mangaluaan dana labiah banyak daripado desa-desa lain. Samota, supayo palaksanan tradisi ko balangsuang mariah. Salain itu masyarakat lokal ka malakuan molibu atau bakumpua di bali desa, mambaok makanan masiang-masiang untuak disantap basamo. Tapi sairing bajalan wakatu, molibu mulai ditangga dek masyarakaik dan labiah suko malayani tamu di rumah masiang-masiang. Salain itu, tuan rumah manyadioan sadolah jenis masakan khas Suku Mori, manunggu dan maanjamo tamu nan tibo. Hal ko juo diramaikan jo tari-tarian Lulo, Laemba, Metingke, dan Dero.[3]
Pakaian adaik
[suntiang | suntiang sumber]Pakayan adaik nan digunoan dek Urang Mori biasonyo identik jo warna hitam jo warna merah, atau biasonyo kombinasi dari kaduo warna hitam jo merah tadi tu. Dek Urang Mori, panggunoan warnamerah pado pakaian adaiknyo adolah bantuak dari perlambangan dari kemewaan jo lambang kakuatan. Sadangkan arati dari warna hitam ko dapek malambangkan warna nan dape menyerap energi-energi negatif, dan sapinteh narna hitam ko talihek elegan dan konvensional, serius jo konservatif.[4]
Pakaian wanita
[suntiang | suntiang sumber]Pakaian adaik nan di gunoan dek padusi Urang Mori biasonyo barupo Lambu jo Blus langan panjang bawarna merah jo variasi hiasa barupo motif jo hiasan rantai bawarna kuniang nan dipaduan jo rok pajang berwarna merah atau Hawu, nan juo dihiasi jo rantai bawarna kuniang. Sabagai paangkok diagiah mahkota atau pasapu di kapalo jo diagiah konde atau pewutu besuki, tusuak konde atau lansonggilo, anting-anting atau tole-tole, kalung atau enu-enu, gelan tangan atau mala, ikek pinggang atau pebo'o, dan cincin atau sinsi.[4]
Pakaian pria
[suntiang | suntiang sumber]Pakaian pria atau biaso disabuik sabagai Lambu, adolah blus nan bawarna kuniang nan diagiah rantai jo motif, biasonyo dipaduan jo celana panjang bawarna merah, nan disabuik jo salura.[4]
Kapicayoan
[suntiang | suntiang sumber]Urang Mori kabanyakan adalah pandeta Agamo Kristen Protestan. Agamo ko alah dianggap sabagai agamo rakyat bagu Urang Mori. Urang orang mori juo taaik dalam baragamo dan manjalankan tradisi kaagamoan nan urang tu yakini.[5]
Tokoh-tokoh Mori
[suntiang | suntiang sumber]Salah ciek tokoh Mori nan takenal adolah Raja Mori nan banamo Marunduh. Raja nan takenal jo semboyan "Metumbah allo komba aku monsuka" (bahaso Mori) ko mangumpuakan perlawanan rakyat Mori terhadap kakuwasoan Kolonial Balando pado tahun 1907.[3]
Namo kaluarga
[suntiang | suntiang sumber]Suku Mori ma ikuik kabiasaan bangsa eropa, sabagai penyebar agamo Kristen, untuak punyo namo kaluarga atau labiah takenal sabagai marga atau fam. Namo kaluarga biasonyo dijok dari namo nenek moyang nan partamo kali manjadi Kristen atau dibaptis. Di antaro lain marga Marunduh, Tampake, Batewa, Meronda, Lamaligi, Panta, dan nan lainnyo.[1]
Rujuakan
[suntiang | suntiang sumber]- ↑ a b c Melalatoa, M.Junus (1995). Eksklopedia Suku Bangsa di Indonesia. Departemen Pendidikan dan Kebudayaan RI. https://repositori.kemdikbud.go.id/7479/.
- ↑ Collins, James T. (2021-12-01) (dalam bahaso id). Linguistik Bandingan Historis: Sejarah, Metode, dan Praksisnya di Nusantara. Yayasan Pustaka Obor Indonesia. ISBN 978-623-321-074-4. https://books.google.com/books?id=qpxxEAAAQBAJ&newbks=0&printsec=frontcover&pg=PA70&dq=suku+mori&hl=id.
- ↑ a b c d Poelinggomang, Edward Lamberthus (2008) (dalam bahaso id). Kerajaan Mori: sejarah dari Sulawesi Tengah. Komunitas Bambu. ISBN 978-979-3731-30-8. https://books.google.com/books?id=xaAMAQAAMAAJ&newbks=0&printsec=frontcover&dq=suku+mori&q=suku+mori&hl=id.
- ↑ a b c https://fitinline.com/article/read/keunikan-pakaian-adat-suku-mori/"Keunikan Pakaian Adat Suku Mori". Fitinline. Diakses tanggal 08 Februari 2023.
- ↑ M.A, Suharta, S. Pd (2020-05-19) (dalam bahaso id). AGAMA SUKU, HINDU, DAN BUDHA. Penerbit Lakeisha. ISBN 978-623-7887-33-1. https://books.google.com/books?id=wrwlEAAAQBAJ&newbks=0&printsec=frontcover&pg=PT39&dq=suku+mori&hl=id. Diakses pado 8 Pebruari 2023.