Urang Tengger
| Urang Tengger |
|---|
 |
| Pendeta Tengger pada masa Hindia Belanda |
| Jumlah populasi |
|
1.000.000. |
| Kawasan bapopulasi cukuik banyak |
| Pegunungan Bromo-Tengger-Semeru, Jawa Timur |
| Bahaso |
| Bahasa Jawa Tengger & Bahasa Indonesia |
| Agamo |
| Sebagian besar beragama Hindu, serta minoritas Islam dan agama lainnya. |
| Kalompok etnik takaik |
| Suku Jawa Arekan, Suku Osing, Suku Madura Pendalungan dan Suku Bali |
Urang Tengger atau lazim disabuik Jawa Tengger (tənggər) atau juo disabuik urang Tengger atau urang Brama adolah urang nan manguniangi dataran tinggi sakitaran kawasan pagunuangan Bromo-Tengger-Semeru, Jawa Timur, Indonesia.[1] Panduduak urang Tengger manampuah sabagian wilayah Kabupaten Pasuruan, Kabupaten Lumajang, Kabupaten Probolinggo, dan Kabupaten Malang.[2]
Asa namo
[suntiang | suntiang sumber]Ada 3 teori nan menjelaskan asa namo Tengger:
- Tengger baarti beadiri tagak atau badiam tanpa garak, nan malambangkan watak urang Tengger nan babudi pekerti luhur, nan harus tercermin dalam segala aspek kehidupan.
- Tengger bamakna pegunungan, nan sesuai dengan daerah kediaman urang Tengger.
- Tengger basal dari gabungan namo leluhur urang Tengger, yakni Rara Anteng dan Jaka Seger.[3]
Agamo
[suntiang | suntiang sumber]
Agamo asli urang Tengger mungkin adolah sajenis campuran agamo hindu-buddha jaman Majapahit jo babarapo elemen pemujaan ka leluhur, babeda jo agamo Hindu Dharma dari Bali. Agama urang-urang tu disabuik agamo Hindu Jawa atau Buda Tengger, untuak mambedahan jo agamo Buda Jawa (kejawen) dan Buda Bali (Hindu Dharma Bali). Pas tahun 1970an, urang Tengger tapaso maadoan agamo resmi nan diakui pemerintah untuak maindari tuduhan sabagai pendukung PKI. Kabanyakan pemimpin adaik (dukun pandhita) menyerukan untuak maanut agamo hindu dharma dari Bali (nan pado wakatu itu labiah dulu mandapekan pangakuan resmi dari pamarintah) dek mancaliak kamiripan dalam tata caro peribadaikan. Tapi, dukun pandita desa Ngadas di Kabupaten Malang, indak manarimo kaputusan itu.[4]
Panduduak kampuang tu katiko maanut agamo buddha. Sebagian kini maanut Islam atau kristen, tarutamo panduduak di liwarang bawah. Babarapo desa tu alah samo sakali maninggaan tradisi Tengger sahinggo bantuaknyo indak babeda lai jo panduduak urang Jawa kabanyakan. Namun, desa Wonokerto di Probolingggo tatap iduik jo caro Tengger, walaupun tabateh hanyo ka interaksi sahari-hari. Urang-urang urang tengger takenal taat jo aturan dan agamo Hindu. Walaupun alah maanut agamo Hindu Dharma, tapi tradisi-tradisi sabalunnyo tatap dilakuan. Panduduak urang Tengger diyakini marupokan turun langsung dari Karajaan Majapahit. Namo Tengger barasa dari legenda Rara Anteng dan Jaka Seger nan diyakini sabagai asal usul namo Tengger, yaitu "Teng" akiran namo Rara An-"teng" dan "ger" akiran namo dari Jaka Se-"ger".[5]
Alur carito legenda tu simpang siur, tapi carito nan paliang dipercaya mangaguangan bahwa Rara Anteng adolah putri Raja Brawijaya V dari Majapahit. Putri tu balari ka pagunuangan Tengger siap mahancuran Majapahit. Di Tengger, Inyo diangkek anak dek salah surang pandita nan banamo Resi Dadap Putih. Samantaro Jaka Seger adolah surang pemuda daru Kediri nan mancari pamannyo di pagunuangan Tengger. Inyo baduo basobok tu mambantuak kaluarga nan ka manurunkan panduduak Tengger.
Parasaannyo sabagai ciek saudara dan ciek keturunan Rara Anteng-Jaka Seger ikolah nan manyababkan urang Tengger indak mangimplokan sistem kasta dalam kahidupan sahari-hari.[5]
Budayo
[suntiang | suntiang sumber]Untuak urang Jawa Tengger, Gunuang Bromo atau Gunuang Brahma picayo sabagai gunuang suci. Sataun sakali masyarakaik tengger mangadokan upacara Yadnyo Kasada atau Kasodo. Upacara ko barado di ciek pura nan ado di bawah kaki Gunuang Bromo utara yaitu Pura Luhur Poten Bromo dan dilanjuikan ka puncak gunuang Bromo. Sabalun didirikan pura di tampek tu hanyo pelataran dari semen, tampek sado dukun pandita se-Tengger mangarajoan Upacara Kasadha. Upacara diadoan pado tangah malam sampai pagi hari satiok bulan purnamo sakitar tangga 14 atau 15 di bulan kasada (kaduabelas) manuruik penanggalan Tengger.[6]
Upacara adaik lain nan dikarajoan urang Tengger dapek dibagi manjadi upacara kalenderis dan upacara non-kalenderis. Sadonyo upacara ko intinyo dilakuan untuak maharap kasalamatan untuak manusia dan lingkungannyo.
Babarapo upacara kalenderis nan tajadi satiok tahun jo waktu nan taruih samo dalam kalender Tengger antaro lain:
1. Upacara Pujan: dilakukan pado bulan-bulan tatantu, sebagai barikuik:[6]
a. Pujan Karo/Riyaya Karo: dilaksanokan pado bulan ka-2 (bulan Karo) sajak tangga ka-7 hingga ka-22. Tamasuak salah satu upacaro gadang untuak mangingatakan tajadiannyo dualitas di dunia tarutamo laki-laki dan padusi, ancak jo buruak. Makna lainnyo, tarutamo di desa Ngadas Malang adolah untuak mangingati perseteruan abdi Ajisaka jo Nabi Muhammad, dan sacaro umum mangingati hubungan Buddha jo Islam (dalam Hefner, 1980). Puncak upacara dikarajoan pado tangga 15 pas bulan purnamo. Palaksanan di satiok desa Tengger babeda-beda. Urang Tengger di Pasuruan (Brang Kulon) mangarajoan Tari Sodoran nan di ikuikan babarapo desa tapi dipusatakan di ciek desa. Urang Tengger Probolinggo khusus di desa Ngadisari, Wonotoro, jo Jetak mangarajoan Tari Sodoran basamo-samo. Salah ciek desa bagantian manjadi tuan rumah samantaro duo desa lainnyo jadi pangunjuang laki-laki jo padusi (nan diperankan dek masiang-masiang kepala desa). Tari sodoran adolah tati nan manyimbolkan hubungan intim antaro laki jo bini. Desa Ngadirejo, Ngadas, dan Wonokerto juo mangarajoan tradisi ko, tapi karano panduduak desa Wonokerto alah maanut Islam dan indak mangarajoan adaik Tengger lai mako tari sodoran katigo desa ko alah indak dilakuan. Samantaro itu desa-desa sisonyo indak mangarajoan taro sodoran, tapi mangarajoan doa basamo nan disabuik banten gadang di rumah masiang-masiang kepala desa. Upacara ko lujuak ditutup debgan nyadran (mangunjuangi dan makan basamo di makam desa) pado tangga 22 bulan Karo.[6]
b. Pujan Kapat: dilaksanokan pado bulan ke-4 (Kapat) pado tangga ke-4 di rumah kepala desa/dukun pandhita di masing-masing desa.
c. Pujan Kapitu: dilaksanokan pado bulan ke-7 (Kapitu) pado tangga ke-15 di rumah kepala desa/dukun pandhita di masing-masing desa.
d. Pujan Kawolu: dilaksanokan pado bulan ke-8 pado tangga ke-1 di rumah kepala desa/dukun pandhita di masing-masing desa.
e. Pujan Kesanga: dilakuan pasa bulan ka-9 pado malam hari tangga 24 di rumah kepala desa/dukun pandhita di masiang-masiang desa. Tuik dilanjuikan jo bakaliliang desa mambaok obor dan alat musik tengger khas. Khusus untuak desa Ngadas Kabupaten Malang, pado tangga ko inyo mangadaangan upacara Grebeg Tengger Tirto Aji di sumber aia pamandian Wendit Malang. Sabalun tahun 2003, upacara ko dilakukan di mata aia Gua Widodaren di gugusan pagunuangan Bromo.[6]
f. Pujaan Kasada: dikarajoan pado bulan ka-12 pado tangga ka-15 dini hari sacaro tapusat si Pura Luhur Poten. pado seremoni ko dilakukan pulo pelantikan calon dukun. Calon dukun nan mampu mambaco mantra Pulun tanpa salah di adok-an sadolah hadirin ka lolos jadi dukun. Namun, proses baraja manjadi dukun baru dimulai sasudah tu. Butuah batahun-tahun lai sabalun dukun baru dapek mangarajoan upacara.
2. Upacara Galungan: Upacara nan dilakuan pado wuku Galungan. Upacara ko babeda jo hari raya Galungan dalam agamo Hindu Bali. Sajak urang Tengger maanut agamo Hindu Bali, mako parayaanannyo kamudian disatuikan jo Hari Raya Galungan.
3. Unan-unan/Mayu Bumi: Upacara paliang gadang nan dilakuan sakali saban 8 tahun wuku atau saban 5 tahun masehi. Dilakuan pado tahun Pahing/tahun landhung (tahun lamo) pado kalender Tengger nan tadiri dari 13 bulan. Tahun ko tajadi saban 5 tahun sakali. pado upacara ko itungan tahun dikurang 1 bulan, sahinggo itungan tahun Manis/Legi tatap 12 bulan walaupun kenyataannyo total 13 bulan. Unan-unan hanyo dilakukan pado bulan Karo, Kalima, dan Dhesta bagantian satiok 5 tahun. Setelah dilakukan upacara Unan-unan pado bulan tu, mako bulan sabanta masiang-masiang ka tatap jadi Karo, Kalima, atau Dhesta. Unan-unan dilakuan di satiok desa, dipusatakan di Sanggar Agung satiok-tiok. pado tahun 2018 M, Unan-unan sarantak dikarajoan pado Bulan Kalima batampuah pado Jumaik 23 November 2018. Namun, parayaan Unan-unan di desa Ngadas Malang alah dilakuan labiah dulu pado bulan Dhesta tangga 31 Mei 2018. Unan-unan basamo juo dikarajoan dek babarapo dukun pandita dari Tengger Brang Wetan di Kabupaten Lumajang pado Rabu 28 November 2018. Upacara dipusatokan di Sanggar Sejati di desa Kandangan kacamatan Senduro. Salah ciek situs punden baandak jo babarapo menhir dan dolmen nan alah manjadi tampek upacara urang tengger sabalun bagabuang jo agamo Hindu Bali. Jadwal palaksanaan unan-unan nan ka tibo pado bulan Dhesta tangga 24 April 2024.[6]
Sadangkan upacara nan indak ado di kalender antara lain:
1. Entas-entas: upacara rumit nan batujuan mangentas roh nenek moyang nan alah mati supayo dapek mancapai "panggon" (tamo) nan abadi. Biasonyo dilakukan sacaro kolektif. Identik jo upacara "nyewu" (1000 hari) pado masyarakaik Jawa pado umumnyo. Tapi entas-entas indak harus dikarajoan pado hari ke-1000.
2. Tugel Kuncung/Tugel Gombak: Upacara untuak anak balita jo manotong rambuik bagian ka balakang (kuncung) pado laki-laki atau rambuik ateh (gombak) pado padusi.
3. Walagara: Upacara panikahan
4. Barikan: dilakukan setelah terjadi bencana seperti gunung meletus, gerhana, gempa bumi, dan lainnyo.
5. Mayu Desa: Upacara selametan penobatan kepala desa nan baru.
6.Pambaron: Upacara nan alah indak lamo dilakukan, bahkan kabanyakan urang Tengger alah indak tau tentang upacara ko. Terakhir dikarajoan pas pandudukan Japang. Upacara nan khusus dikarajoan kapado dukun pandhita atau kepala desa (petinggi) untuak manjadi surang "Baru" di usia nan alah lanjut. Salah surang baru adolah urang nan alah maninggaan hasrat duniawi, di mano rohnyo ka langsuang ka puncak mahameru setekah mati. Samantaro urang biaso ka manuju puncak bromo. pado upacara ko calon Baru ka mambaco syair Puja Limbang.
7. Upacara lain nan takaitan jo daur hidup, mambuek rumah, pindah rumah, ka bajalanan, paresmian jalan baru, pambukaan jalur panakik gunuang Semeru dan lainnyo.
Sado upacara itu dipimpin dek pamimpin adaik nan disabuik dukun padhita. Dukun pandhita Tengger babeda jo dukun di komunitas Jawa lainnyo. Resi Pujangga adolah namo kuno dari profesi ko. Penyebutan jadi dukun mungkin dek panduduak Tengger maniru dari panduduak non-tengger disekitar. Resi Pujangga punyo parumpamoan nan menarik jo Resi Bujangga (dari klan sengguhu) di Bali, di mana duo-duonyo mairihan mantra Purwabhumi Kamulan dan masih marapalkannyo pado saat-saat tatantu sampai kini ko. Dukun pandhita dalam tugasnyo dibantu dek babarapo asisten, antaro lain:
1. Wong sepuh/nan tuo lelaki nan batugeh mambuek boneka Petra sebagai tampek roh leluhur nan diundang turun ke bumi seperti pado upacara unan-unan, entas-entas, atau karo. Selain itu juo menata sesajen saat upacara.
2. Legen lelaki nan bartugeh mambaok benda-benda upacara milik dukun. Tugas-tugas lain Legen juo batumpang tindih jo tugas Wong Sepuh.
3. Mbok Dandan / pedandan Biasanyo adolah istri dari dukun pandhita. Bertugas mamasak, mambuek, dan marangkai sesajen pado sebuah upacara.
4. Pak Sanggar Lelaki nan batugeh manjago sangga agung nagari. Indak ado disetiap desa, karano biasonyo tugeh ko dilakukan oleh kepala nagari. Diperkirakan baru muncua kamudian, karano perintah panjajah untuak mamisahkan peran kapalo nagari dari ranah ritual.[6]
Rujuakan
[suntiang | suntiang sumber]- ↑ Jalan-Jalan ke Desa Kuno Suku Tengger, Bromo [4K] #indonesianwalk (dalam bahasa Indonesia), diakses tanggal 2023-01-17
- ↑ http://sp2010.bps.go.id/files/ebook/kewarganegaraan%20penduduk%20indonesia/index.html
- ↑ Muti, Abdul (2023-01-17) (dalam bahaso id). Suku Tengger. Kanak. ISBN 978-623-6043-34-9. https://books.google.com/books?id=b86nEAAAQBAJ&newbks=0&printsec=frontcover&pg=PA2&dq=Suku+Tengger&hl=id.
- ↑ Tempo, Pusat Data Dan Analisa (dalam bahaso id). Suku Tengger dan Kehidupan di Bromo. Tempo Publishing. ISBN 978-623-339-617-2. https://books.google.com/books?id=HgNTEAAAQBAJ&newbks=0&printsec=frontcover&pg=PA62&dq=Suku+Tengger&hl=id.
- ↑ a b Batoro, Jati (2017-05-01) (dalam bahaso id). Keajaiban Bromo Tengger Semeru: Analisis Kehidupan Suku Tengger – Antropologi-Biologi di Lingkungan Bromo Tengger Semeru Jawa Timur. Universitas Brawijaya Press. ISBN 978-602-432-141-3. https://books.google.com/books?id=82JVDwAAQBAJ&newbks=0&printsec=frontcover&dq=Suku+Tengger&hl=id.
- ↑ a b c d e f Suyitno (2001) (dalam bahaso id). Mengenal upacara tradisional masyarakat suku Tengger. Satubuku. ISBN 978-979-9413-09-3. https://books.google.com/books?id=Ux1vAAAAMAAJ&newbks=0&printsec=frontcover&dq=Suku+Tengger&q=Suku+Tengger&hl=id.
Pustaka
[suntiang | suntiang sumber]- Robert W. Hefner. 1980. Hindu Javanese, Tengger Tradition, and Islam. Princeton University.
- Dwi Ratna Nurhajarini. 2015. Sistem Kalender Tengger Mecak dalam Tata Kehiduoan masyarakaik Tengger. Balai Pelestarian Nilai Budaya Yogyakarta
