Kabupaten Pesisir Selatan

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kabupaten Pesisir Selatan
Sumatera Nuvola single chevron right.svg Sumatera Barat
Coat of arms of Pesisir Selatan Regency.svg
Lambang
Semboyan: Tekatku Membangun Pesisir Selatan
Lokasi Sumatra Barat Kabupaten Pesisir Selatan.svg
Nagara Indonesia
ProvinsiSumatera Barat
Dasa hukumUU no 12 taun 1956 Jis UU Drt no 21 taun 1957 Jo UU no 58 taun 1958
Ibu kotaPainan
Pamarintahan
 • BupatiH. Nasrul Abit
Laweh
 • Total5.749,89 km2 (222,004 sq mi)
Panduduak
 • Total433,181 (2.008) jiwa
Zona wakatu
Kode telepon0756,0757
Jumlah kecamatan15
Jumlah kelurahan182 nagari
DAURp. 514.412.081.000,-(2011)[1]
Kode Kemendagri13.01 Edit the value on Wikidata
Situs webhttp://www.pesisirselatan.go.id

Kabupaten Pesisir Selatan adolah sabuah kabupaten di Sumatera BaratIndonesia. Kabupaten iko mamiliki laweh wilayah 5.749,89 km² jo populasi ±420.000 jiwo. Ibu kotanyo iyolah Painan.

Geografis[suntiang | suntiang sumber]

Kabupaten Pesisir Selatan atau disabuik juo Kabupaten Pasisie Selatan, disingkek jo Pessel, sabalah utara babatehsan jo Kota Padang, sabalah timur jo Kabupaten Solok sarato Provinsi Jambi, sabalah selatan jo Provinsi Bengkulu sarato sabalah barat jo Samudera Indonesia.

Kabupaten Pesisir Selatan talatak di tapi pantai, jo garih pantai sapanjang 218 kilometer Topografinyo tadiri dari dataran, gunuang dan pabukiktan nan marupokan papanjangan guguihsan Bukik Barisan. Badasarkan panggunoan lahan, 45,29 parsen wilayah tadiri dari rimbo, tamasuak kawasan Taman Nasional Kerinci Seblat, Cagar Alam Koto XI Tarusan, jo rawang gambuit.

Sajarah[suntiang | suntiang sumber]

Namo Pesisir Selatan atau Pasisie Selatan barasa dari namo daerah iko pado maso panjajahan Balandoafdeling zuid beneden landen (dataran randah bagian salatan). Kutiko itu pado taun 1903 wilayah Banda Sapuluh Indopuro jo Kurinci manjadi afdeeling nan dipimpin dek asisten residen nan bakaduduakkan di Indopuro sabagai pusek pamarentahan.

Malalui UU no 12 Taun 1956 daerah iko manjadi kabupaten Pesisir Selatan Kerinci. Taun 1957 jo lapehnyo Kerinci manjadi kabupaten surang di bawah provinsi Jambi, namonyo barubah manjadi Pesisir Selatan sajo.

Sabalun abaik 16[suntiang | suntiang sumber]

Sabalun abaik 16, wilayah Pesisir Selatan marupakan daerah sapanjang pasisia pantai Sumatera Barat nan tadiri dari rawang-rawang atau rao-rao dataran randah jo pabukiktan nan alah bapahuni. Pahuninyo wakatu itu masiah sangaik saketekt. Mereka barasa dari babagai nagari asa. Mereka tingga di sapanjang pasisie pantai sabagai nalayan. Sabagian mareka datang dari padalaman Sumatera atau hulu sungai Batang Hari. Sabagian lai panyabaran dari daerah Indojati atau Aie Puro. Dan sabagian dari mareka adolah urang-urang nan dikana sabagai Urang Rupik palarian dari daerah Sungai Pagu Muara Labuah jo sakitarnyo nan kamudian manyubarang ka Pulau Pagai.

Dipicayo sabalun abaik 16 di mano pado era iko banyak tajadi ekspansi dan migrasi dari masyarakaik Darek (Luhak Nan Tigo) ka babagai daerah nan disabuik rantau, diduga kuaik wilayah Pesisir Selatan Tarusan Bayang dan Banda Sepuluh alah didiami dek masyarakaik dari Inderapura karano karajaan Teluk Air Pura alah eksis samanjak abaik 9 Masehi, samantaro kerajaan Sungai Pagu baru badiri pado abaik 17 Masehi, baitu pulo karajaan Pagaruyung nan juo baru tagak pado abaik 17.

Rujuakan[suntiang | suntiang sumber]

Pautan lua[suntiang | suntiang sumber]