Zuiyen Rais

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Drs. H Zuiyen Rais, M.S. manjadi wali kota Padang salamo duo periode (1993-1998 dan 1998-2003). Zuiyen Rais marupokan mahasiswa di Universitas Andalas (UNAND), baliau lahia di Nagari Kapau, Bukittinggi, 13 Desember 1940. Karier wartawan Zuiyen Rais bamulo di Harian Aman Makmur taun 1963. Koran Aman Makmur rasmi tabik sajak 1 Maret 1963, sasudah itu Zuiyen Rais muloi ditugaskan sabagai reporter nan inyo jalani hinggo koran itu dilarang jo pamarintah Orde Lamo manjalang G30S PKI.

Awa taun 1968 Zuiyen Rais manjadi utusan PWI Sumbar dalam acara kongres PWI di Banjarmasin, dan kamudian sasudah baliak ka Padang baliau tapiliah manjadi Katuo PWI Sumbar dalam musyawarah anggota PWI di Padang. Indak lamo tapiliah manjadi katuo PWI, baliau mandapek undangan untuak mangikuti pandidikan ka Bulando salamo 6 bulan. Sasudah manyalasaian sikolah di Bulando baliau mandapek undangan malakukan kunjuangan jurnalistik ka Amerika Serikaik salamo duo pakan.

Pado taun 1963, Zuiyen Rais Karajo rangkap jabatan sabagai wartawan dan dosen PNS di IKIP Padang. Aktivitas sabagai dosen tasabuik dijalaninyo hinggo baliau kamudian masuak ka jajaran pamarintahan Kota Padang. Tujuah taun kudian, sabagai Badan Pamarentahan Harian (BPH) Kota Padang katiko Walikota dijabaik dek Kolonel (L) Achiroel Jahja (1968-1972). Zuiyen Rais alah manduduaki babagai jabatan bamulo dari wartawan, dosen IKIP Padang, Asisten II Bidang Pambangunan, Sekretaris Daerah (SEKDA) Kota Padang dan kudian manjadi Walikota Padang.

Pandidikan[suntiang | suntiang sumber]

  • SD (Sekolah Rakyat) Nagari Kapau
  • SMP Bukittinggi
  • SMA Bukittinggi
  • S1 - Universitas Andalas (UNAN)
  • S2 - Institut Pertanian Bogor (IPB)

Karier[suntiang | suntiang sumber]

  • Wartawan di Harian Aman Makmur
  • Wartawan AB edisi Padang
  • Katua PWI Sumbar
  • Dosen PNS IKIP Padang
  • Asisten II Bidang Pembangunan
  • Sekretaris Daerah (SEKDA) Kota Padang
  • Walikota Padang
  • Katua Badan Pembina Universitas Bung Hatta.[1]

Rujuakan[suntiang | suntiang sumber]

  1. Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 456-459. ISBN 978-602-51382-0-1.