Koto XI Tarusan, Pesisir Selatan

Koto XI Tarusan
Kecamatan
Nagara	Indonesia
Provinsi	Sumatera Barat
Kabupaten	Pesisir Selatan
Pamarintahan
• Camat	Gunamwan SSos MSi
Luas	- km²
Kapadatan	- jiwa/km²
Nagari/kelurahan	/-

Koto XI Tarusan adolah sabuah Kecamatan nan ado di Kabupaten Pesisir Selatan, Sumatera Barat, Indonesia.

Etimologi

Kato "Tarusan" sacaro harfiah bararti tarusan dikaranoan wilayah Tarusan ko talatak pado jalua tambuak dari Painan manuju kota Padang di utara.

Asa Usua Panduduak

Sabagian banyak nenek moyang Tarusan barasal dari Nagari Guguak (kini Luhak Kubuang Tigo Baleh), jo sabagian ketek marupokan ekspansi dari nenek moyang urang Bayang tarutamo di sakitar Api-api.

Sijarah

Sijarah tabantuaknyo Nagari Koto XI Tarusan labiah dulu dibandiangkan jo tabantuaknyo Nagari Bayang Nan VII jo Nagari Padang VIII Suku tamasuak Bunguih jo Taluak Kabuang bahkan sabagian panduduak kota Padang kini marupokan panyabaran dari katurunan urang Tarusan. Dahulu di Koto XI Tarusan tadapek sabuah karajaan tuo banamo Karajaan Sungai Nyalo nan samulo bapusat di Nagari Taratak Sungai Lundang, nan masih marupokan karabaik dari Karajaan Pagaruyung jo Karajaan Sungai Pagu. Kamudian pusat karajaan bapindah ka Tarusan kini, arah ka muaro sungai Batang Baruih atau dikanal juo Batang Tarusan.

Panamoan Koto XI Tarusan awalnyo tadapek sabaleh koto di karajaan ko nan juo barasal dari sapuluah banda atau Banda Sapulu nan awal. Namun kamudian namo Banda Spuluah digunoan untuak manyabuik wilayah antaro Painan jo Indrapura di kamudian hari, nan marupokan wilayah parluasan dari Karajaan Sungai Pagu.

Di sapanjang kacamatan ko masih banyak ditamui rumah-rumah tradisional berarsitektur Kajang Padati sarupo nan ditamui di pakampuangan di kota Padang.

Disabuik Koto XI Tarusan karano awalnyo wilayah kacamatan ko asalnyo tadiri dari sabaleh koto, nan kini adolah:

1. Kapuh
2. Ampang Pulai
3. Nanggalo
4. Batu Hampa
5. Duku
6. Baruang-baruang Balantai
7. Koto Panjang
8. Sungai Lundang
9. Sungai Pinang
10. Siguntua Tuo
11. Siguntua Mudo

Bateh wilayah

Barikuik marupokan bateh wilayah kacamatan Koto XI Tarusan.

Utara	Kecamatan Bungus Teluk Kabung
Selatan	Kecamatan Bayang
Barat	Kabupaten Kepulauan Mentawai dan Samudra Hindia
Timur	Kabupaten Solok dan Bukit Barisan

Kantua

Alamaik kantua kacamatan:

Jl. Raya Padang - Painan Km 55 Tarusan

Wilayah administratif

Kacamatan Koto XI Tarusan maliputi sajumlah nagari barikuik:

1. Siguntua

1. Taratak Sungai Lundang
2. Baruang2 Balantai
3. Barung Barung Balantai Selatan
4. Baruang2 Tangah
5. Duku
6. Batu Hampar
7. Batu Hampar Selatan
8. Nanggalo
9. Setara Nangga
10. Mandeh
11. Ampang Pulai
12. Jinang Kampung Pansur Ampang Pulai
13. Pulau Karam Ampang Pulai
14. Cerocok Anau Ampang Pulai
15. Sungai Pinang
16. Kapuah
17. Kapuah Utara

Panduduak

Pado taun 2003 tacatat jumlah panduduaknyo sabanyak 23.949 urang.

Potensi

Di Kacamatan ko tadapek banyak objek wisata, diantaronyo pantai Batu Kalang jo pantai Taluak Sikulo, pantai Mandeh jo babarapo objek wisata lainnyo.

Salain itu, Kacamatan iko juo marupokan daerah panghasil gambir tarutamo di nagari Baruang-Baruang Balantai, Baruang-Baruang Balantai Salatan jo Nagari Siguntua (Siguntur), ikan didaerah pantai sarupo di Nagari Ampang Pulai.

Daerah kacamatan iko juo panghasil padi jo daerah paternakan nan sangaik bakambang sarupo taranak jawi,

Pautan lua

• http://www.visitpadang.com/?p=48
• http://www.pu.go.id/publik/ind/produk/info_statistik/infosta/11miskin/kec.asp?kdprop=13&kdkab=02&kdkec=110&tx=jpddkpr