Lompat ke isi

Azhari

Wikipedia Minangkabau - Lubuak aka tapian ilimu
Infobox orangAzhari
Biografi
Lahia22 Juli 1923 Edit nilai pada Wikidata
Ampang Gadang Edit nilai pada Wikidata
Kamatian7 September 1997 Edit nilai pada Wikidata (74 tahun (id) terjemahkan)
Koto Padang Edit nilai pada Wikidata
  Wali Kota Padang (id) Terjemahkan 

Edit nilai pada Wikidata
Data pribadi
Kalompok etnisUrang Minangkabau Edit nilai pada Wikidata
AlmamaterUniversitas Gadjah Mada Edit nilai pada Wikidata
Kagiatan
KarajoBirokrat (id) Terjemahkan jo pejabat pemerintahan (id) Terjemahkan Edit nilai pada Wikidata
Kaluarga
AbakSaidi Rullah St. Basa (id) Terjemahkan Edit nilai pada WikidataDalimah (id) Terjemahkan Edit nilai pada Wikidata

Drs. H. Azhari gelar Sutan Samponokayo (lahia di Parik Putuih, Ampang Gadang, Ampek Angkek, Kabupaten Agam, Sumatra Barat, 22 Juli 1923 – maningga di Padang, Sumatra Barat, 7 September 1997 pado umua 74 taun) adolah birokrat jo tokoh pendidikan Sumatera Barat. Inyo marupoan Penjabat Wali Kota Padang periode 1966-1967.[1][2] Inyo mamimpin pasca-Gerakan 30 September, manggantian wali kota sabalinnyo nan dipaso turun dek kalangan mahasiswa.[3]

Latar balakang[suntiang | suntiang sumber]

Azhari lahia di Parik Putuih, Nagari Ampang Gadang, Kecamatan Ampek Angkek, Kabupaten Agam pado 22 Juli 1923. IInyo marupoan anak dari Saidi Rullah St. Basa (ayah) jo Dalimah (mandeh). Ayahnyo adolah pajuang kamerdekaan dan digelari “Tanbasa Digoel” dek parnah dicampakan Pamarentah Hindia Balando ka Boven Digoel.[2]

Pandidikan[suntiang | suntiang sumber]

Azhari mangenyam pandidikan di Sekolah Desa “Sikola Basi” Bonjo Alam pado 1930 jo Sakolah Lanjutan Schakelschool Tanjuang Alam pado 1933.[2]

Lulus sakolah lanjutan, Azhari lakeh mulai karajo di “Kunu V & W” (kini Pekerjaan Umum) manjadi juru tulis, juru gambar, jo juru ukur berturut-turut sajak 1939 hinggo 1947.[2]

Pado 1947, Azhari mandapek kasempatan malanjuikan pandidikan pamong praja di Akademi Pemerintahan Dalam Negeri hinggo 1948. Pado wakatu seleksi, Azhari tamasuak di antaro 30 orang nan ditarimo dari total 250 urang nan mandaftar.[2]

Pado akhir 1948, sairiang jo Agresi Militer Belanda II, inyo mulai bakarajo untuak Pamarentahan Darurat. Inyo diagiah mandat managakan Sakolah Manengah Patamo (SMP) Darurat Tanjung Alam (kini SMP Negeri 1 Ampek Angkek).[2]

Karier pamarentahan[suntiang | suntiang sumber]

Azhari (berbaris paling kiri) menerima penghargaan dari Sekwilda Sumatra Barat Syurkani

Inyo diangkek manjadi Kapalo Seksi Politik di Kantua Bupati Solok pado awal Agustus 1950. Sasudah itu, inyo diangkek marangkap sabagai Camaik Kubuang.[2]

Samaso manjadi Camaik Kubuang, inyo bertugas sabagai Sekretaris Presidium Sekolah Guru Atas (SGA) Solok jo managakan Kursus B.I. Sejarah Solok.[2]

Berbekal kinerjanyo nan elok, pado 1954 inyo mandapek kasempatan malanjuikan pandidikan di Fakultas Hukum Ekonomi Sosial Politik (HESP), Universitas Gadjah Mada, nan inyo selesaian salamo 4 tahun hinggo lulus pado 1958.[2]

Sapulang dari studi, Azhari baliak ka Sumatera Barat nan sadang bagejolak akibaik krisis politik pascadeklarasi Pamarentahan Revolusioner Republik Indonesia (PRRI). Demokrasi Terpimpin maagih paluang Partai Komunis Indonesia (PKI) samakin kuek. Wakatu itu, Azhari manjabaik Sekretaris Daerah Kotamadya Padang hinggo 1966.[2][4]

Sausdah panumpasan Gerakan 30 September (Gestapu), pimpinan militer Sumatra Barat Mayor Imam Suparno mansyaratkan pamimpin sipil harus mamanuhi kriteria yaitu indak ambisius, tageh, saderhana, jujur, jo berjiwa anti-Gestapu/PKI. Azhari mamanuhi syarat itu sahinggo inyo diangkek sabagai Penjabat Wali Kota Padang.[2]

Salesai manjabaik wali kota, pado 1967 Azhari diangkek sabagai Asisten V Bidang Pengawasan dan Efisiensi dek Gubernur Sumatera Barat Harun Zain hinggo 1969. Inyo kudian manjadi Administrator Sosial Politik hinggo 1970. Inyo mangakhiri karier birokrat sabagai Kapalo Pembangunan Desa dan pensiun pado umua 60 tahun.[2]

Kiprah pendidikan[suntiang | suntiang sumber]

Pada 1953, parnah tagak Perguruan Tinggi Islam Darul Hikmah Bukittinggi, nan diresmian sabagai universitas pado 1957, lalu tapaso ditutuik pado 1962 dek terjadinyo PRRI. Azhari jo kawan-kawan lalu managakan Yayasan Imam Bonjol pado 1962. Yayasan iko tacantum dalam Akta Notaris No. 34 tangga 19 Februari 1962. Kainginan Azhari yaitu mambangun pandidikan Islam masyarakat Sumatera Barat dengan managakan perguruan tinggi Islam.[5] Yayasan iko mambuka Fakultas Sosial Politik jo Fakultas Tarbiyah pado 5 Juni 1962 di Padang. Fakultas Tarbiyah iko dinegerian manjadi Fakultas Tarbiyah Cabang IAIN Syarif Hidayatullah Jakarta.[2]

Sabagai katua yayasan,[6] Azhari basamo pengurus yayasan nan lain takah Mansur Datuk Nagari Basa, Firdaus Efendi (Ketua Pengadilan Negeri Bukittinggi), jo Naimah Djambek mambuka Fakultas Agama Islam Syari'ah (FAIS) Yayasan Imam Bonjol di Bukittinggi dan diresmian pado 20 Januari 1963. Peresmian hampir batal dek pihak kapolisian manolak maagiah izin sebab sadoalah mahasiswa FAIS sato dalam PRRI.[2]

Wafat[suntiang | suntiang sumber]

Azhari maningga dunia di Rumah Sakit Umum Pusat Dr. M. Djamil, Padang pado 7 September 1997 dalam usia 74 tahun.[2]

Rujuakan[suntiang | suntiang sumber]

Jabatan politik
Didaului jo:
Z. A. St. Pangeran
Wali kota Padang
19661967
Digantian dek:
Drs. Akhiroel Yahya