Karupuak Sanjai
 | |
| Asa | |
|---|---|
| Nagara asa | Indonesia  |
| Rincian | |
| Jinih | makanan, Keripik (id)  , jajanan pasar (id) jo kulek-kulek |
| Bahan utamo | singkong (id) , Lado, garam dapua, bawang putih (id) , Minyak sawit (id) , gula merah (id) jo asam jawa (id) |
Karupuak Sanjai atau karipik sanjai adolah pangulekan karupuak nan tabuek dari ubi parancih atau singkong nan disaik tipih taruih digoreang jo diagiah garam sabagai palamak. Kerupuak nan ko sangaik populer sabagai oleh-oleh khas kota Bukitinggi, Sumatera Barat. Karupuak sanjai alah ado sajak tahun 1970-an. Dulu hanyo ado tigo urang nan manjua karupuak sanji di Pasa Ateh, Bukittinggi. Kini alah banyak ditamui panggaleh karupuak sanjai di lua Bukittingi. Bahan-bahan untuak mambuek karupuak sanjai ko tadiri dari ubi parancih, minyak goreng, jo aia.[1][2][3]
Jinih
[suntiang | suntiang sumber]Karupuak sanjai biasonyo ado tigo macam yaitu :
Sanjai Tawa
[suntiang | suntiang sumber]Sanjai jinih ko indak balado jo indak bagulo (gulo anau atau saka), atau disabuik urang original. Walaupun baitu, karupuak sanjai original ko ado nan sabana tawa, ado nan agak asin (bagaram), ado nan manih (bagulo saketek)
Sanjai Saka
[suntiang | suntiang sumber]Sanjai jinih ko dicampua jo saka atau gulo anau. Rasonyo manih jo gurih.
Sanjai Balado
[suntiang | suntiang sumber]Sanjai jinih ko diagiah lado. Walaupun baitu, Sanjai Balado biasonyo rasonyo manih-padeh sabab lado nan diagiah bagulo pulo.[1]
Galeri
[suntiang | suntiang sumber]-
Sanjai tawa -
Sanjai balado
Rujuakan
[suntiang | suntiang sumber]- ↑ a b "Cara Membuat Keripik Singkong Balado atau Keripik Sanjai Halaman 2". merdeka.com (dalam bahasa Inggris). 2020-08-13. Diakses tanggal 2021-06-14.
- ↑ "GenPI.co". GenPI.co (dalam bahasa Indonesia). 2019-12-08. Diakses tanggal 2021-06-15.
- ↑ Sasra, Dikhy. "Melihat Pembuatan Keripik Sanjai Balado". detikfinance (dalam bahasa Indonesia). Diakses tanggal 2021-06-15.