Kabupaten Dharmasraya

Dari Wikipedia baso Minang, ensiklopedia bebas
Jump to navigation Jump to search
Kabupaten Dharmasraya
Lambang Kabupaten Dharmasraya.png
Lambang Kabupaten Dharmasraya
Motto: Tau Jo Nan Ampek
Kantor Bupati Darmasraya
Kantor Bupati Darmasraya
Lokasi Sumatera Barat Kabupaten Dharmasraya.svg
Peta lokasi Kabupaten Dharmasraya
Koordinat: 0°47'7" LS – 1°41'56" LS
101°9'21" BT – 101°54'27" BT
Provinsi Sumatera Barat
Dasa hukum Undang-Undang Nomor 38 Taun 2003
Tanggal 7 Januari 2004
Ibu kota Pulau Punjung
Pamarintahan
 - Bupati Sutan Riska Tuanku Kerajaan
 - DAU Rp. 299.721.996.000,-(2011)
Laweh 2.961,13 km2
Populasi
 - Panduduak 229 313 (2016)[1]
 - Kapadatan 77,44[2]
Demografi
 - Kode area telepon 0754
Pambagian administratif
 - Kecamatan 11
 - Kelurahan 52 nagari
 - Laman web www.dharmasrayakab.go.id/

Kabupaten Dharmasraya adolah salah satu kabupaten nan barado di Provinsi Sumatera Barat, Indonesia, nan wilayahnyo babateh juo jo Provinsi Riau jo Jambi.[3][4] Kabupaten ko dibantuak dek Undang-undang no. 38 Taun 2003, di ma sabalunnyo wilayah iko adolah bagian dari kabupaten Sawahlunto-Sijunjung.[3] Ibu kota kabupaten ko adolah Pulau Punjung.[5]

Sijarah[suntiang | suntiang sumber]

Namo Dharmasraya patamo kali tasabuik pado batu basurek Padang Roco (1347 M), nan pado maso tu marupoan pusek Karajaan Malayupura, nan dipimpin dek rajo-rajo dari wangsa Mauliwarmadewa.[6] Batu basurek ko tapahek pado aleh (lapik) patuang Amoghapāśa Lokeśvara, nan dibao dari Jawa dek ampek pajabaik Karajaan Singhasari ateh parentah Maharajo Sri Kertanagara.[6][7] Tigo situs kompleks biaro paninggalan karajaan lamo tu, yaitu situs Padang Roco, situs Pulau Sawah jo situs Bukik Awang Maombiak, talatak di Nagari Siguntua di kecamatan Sitiung.[8]

Pado maso satalah masuaknyo agamo Islam di Minangkabau, di wilayah ko badiri Karajaan Siguntua, nan para panguasonyo bagala Sutan atau Sultan.[8][9] Paninggalan sijarah karajaan Islam ko antaro lain barupo naskah, musajik kuno, rumah gadang, sarato cap mohor (stempel) karajaan nan batulis jo uruf Arab.[8][10]

Sabagai kabupaten nan baru, Kabupaten Dharmasraya kudian dirasmikan pado tangga 7 Januari 2004 dek Gubernur Sumatera Barat ateh namo Menteri Dalam Negeri, dan kagiatan pamarentahan dimulai pado tangga 10 Januari 2004 dek Pjs Bupati Dharmasraya.[3] Pado tanggal 12 Agustus 2005, tapiliahlah Bupati jo Wakil Bupati Kabupanten Dharmasraya malalui pilkada lansuang.[3]

Pamarentahan[suntiang | suntiang sumber]

Kabupaten Dharmasraya tadiri dari 11 kecamatan, nan malingkupi 52 nagari jo 260 jorong.[11] Parincian laweh wilayah jo ibu kota satiok kecamatan tu sbb.:[5][12]

No Namo kecamatan Ibu kota kecamatan Laweh wilayah
1 Kecamatan Asam Jujuhan Sungai Limau 485,41 km²
2 Kecamatan IX Koto Silago 500,50 km²
3 Kecamatan Koto Baru Koto Baru 221,20 km²
4 Kecamatan Koto Besar Koto Besar 560,57 km²
5 Kecamatan Koto Salak Koto Salak 121,45 km²
6 Kecamatan Padang Laweh Padang Laweh 60,62 km²
7 Kecamatan Pulau Punjung Sungai Dareh 443,16 km²
8 Kecamatan Sitiung Sitiung 124,57 km²
9 Kecamatan Sungai Rumbai Sungai Rumbai 51,06 km²
10 Kecamatan Timpeh Tabek 323,01 km²
11 Kecamatan Tiumang Tiumang 134,43 km²

Geografi[suntiang | suntiang sumber]

Wilayah Kabupaten Dharmasraya talatak antaro 0°47'7" – 1°41'56" Lintang Salatan jo 101°9'21" – 101°54'27" Bujua Timua.[13] Di sabalah utara babateh jo Kabupaten Sijunjung Jo Kabupaten Kuantan Singingi (Riau), di timua jo Kabupaten Tebo jo kabupaten Bungo (kaduonuyo Jambi), di salatan jo Kabupaten Bungo jo Kabupaten Kerinci (kaduonyo Jambi), sarato di barik jo Kabupaten Solok jo Kabupaten Solok Selatan.[13]

Panduduak[suntiang | suntiang sumber]

Jumalah panduduak Kabupaten Dharmasraya badasa sensus taun 2016 adolah sabanyak 229.313 jiwa, di ma nan 118.801 jiwa adolah lalaki jo nan 110.512 jiwa adolah padusi.[1] Sadangkan jumalah angkatan karajo kabupeten ko manuruik sensus taun 2015 adolah sabanyak 102.861 jiwa.[14]

Manuruik sensus taun 2003, kabupaten ko diunyi dek panduduak dari baragam suku bangsa, yaitu:[13]

  • Minang 62,93%,
  • Jawa 32,96%,
  • Sunda 1,49%,
  • Batak 0,88%,
  • Malayu 0,71% jo
  • Suku bangsa lainnya 1,03%.

Sabauknyo baragam bana suku-suku bangsa nan di kabupaten ko, iolah karano antaro taun 1977-2002 Kabupaten Dharmasraya marupoan salah satu daerah tujuan transmigrasi dari Jawa, tarutamo dek panduduak dari Wonogiri nan tapaso pindah karano dibangunnyo Waduk Gajah Mungkur di sinan.[15]

Caliak pulo[suntiang | suntiang sumber]

Rujuakan[suntiang | suntiang sumber]

  1. ^ a b Jumlah Penduduk Menurut Jenis Kelamin dan Kecamatan di Kabupaten Dharmasraya, (2016), BPS Kabupaten Dharmasraya. Diakses 27 Juli 2018.
  2. ^ "Distribusi Persentase Penduduk dan Kepadatan Penduduk Menurut Kabupaten/Kota, 2005-2016". BPS Sumbar. https://sumbar.bps.go.id/statictable/2015/11/17/355/distribusi-persentase-penduduk-dan-kepadatan-penduduk-menurut-kabupaten-kota-2005-2016.html. Diakses pado 19 Juli 2018. 
  3. ^ a b c d "Dekat dengan Riau dan Jambi, Inilah Sejarah Kabupaten Dharmasraya ", (GoSumbar.com), 9 Mai 2016. Diakses pado 19 Juli 2018.
  4. ^ Mahyuzar (2015). Atlas Lengkap Indonesia & Dunia. Jakarta: Bmedia. pp. 8. ISBN 9789797576349. https://books.google.co.id/books?id=PFVhCgAAQBAJ&pg=PA8&dq=kabupaten+dharmasraya&hl=id&sa=X&ved=0ahUKEwjw77CY07fcAhXFbn0KHSWKCHoQuwUIODAD#v=onepage&q=kabupaten%20dharmasraya&f=false. 
  5. ^ a b Ibukota Kecamatan di Kabupaten Dharmasraya, (2016), BPS Kabupaten Dharmasraya. Diakses 26 Juli 2018.
  6. ^ a b Muljana, Slamet (1981). Kuntala, Sriwijaya dan Suwarnabhumi. Yayasan Idayu. pp. 308. https://books.google.co.id/books?id=8D1xAAAAMAAJ&q=dharmasraya+slamet+muljana&dq=dharmasraya+slamet+muljana&hl=id&sa=X&ved=0ahUKEwij46qU1LfcAhVPf30KHc4gBAMQ6AEINDAC. 
  7. ^ Coedes, George (2010). Asia Tenggara Masa Hindu-Buddha. Jakarta: Kepustakaan Populer Gramedia. pp. 276. ISBN 9789799102874. https://books.google.co.id/books?id=NihIDwAAQBAJ&pg=PA276&dq=penemuan+prasasti+padang+roco&hl=id&sa=X&ved=0ahUKEwj8h-3R3bfcAhUSfSsKHdJTAdwQuwUIKzAA#v=onepage&q=penemuan%20prasasti%20padang%20roco&f=false. 
  8. ^ a b c Jb, Syofiardi Bachyul (4 Januari 2014). "The hidden glory of Dharmasraya Kingdom". The Jakarta Post. http://www.thejakartapost.com/news/2014/01/04/the-hidden-glory-dharmasraya-kingdom.html. Diakses pado 25 Juli 2018. 
  9. ^ UPTD Museum "Aditiyawarman" (2008). Dari Pagaruyung sampai Semenanjung: refleksi sejarah Minangkabau. Pemerintah Propinsi Sumatera Barat, Dinas Pariwisata, Seni, dan Budaya. pp. 27. https://books.google.co.id/books?id=Zj9SAQAAMAAJ&q=Sultan+Hendri+Dharmasraya&dq=Sultan+Hendri+Dharmasraya&hl=id&sa=X&ved=0ahUKEwi1wNDbzbncAhXGs48KHXmyAmIQ6AEIKDAA. 
  10. ^ Sasongko, Agung (29 Juni 2016). "Sejarawan Teliti Perkembangan Islam di Kabupaten Dharmasraya". Copyright © 2018 Republika Online. https://www.republika.co.id/berita/dunia-islam/islam-nusantara/16/06/29/o9jc2o313-sejarawan-teliti-perkembangan-islam-di-kabupaten-dharmasraya. Diakses pado 25 Juli 2018. 
  11. ^ Jumlah Nagari dan Jorong di Kabupaten Dharmasraya, (2016), BPS Kabupaten Dharmasraya. Diakses 26 Juli 2018.
  12. ^ Luas Wilayah Menurut Kecamatan di Kabupaten Dharmasraya (2016), BPS Kabupaten Dharmasraya. Diakses 26 Juli 2018.
  13. ^ a b c "Geografis: Iklim dan wilayah Kabupaten Dharmasraya". Dinas Kominfo, Pemerintah Kabupaten Dharmasraya. 27 Mai 2017. http://dharmasrayakab.go.id/profil/6/geografis.html. Diakses pado 27 Juli 2018. 
  14. ^ Jumlah Angkatan Kerja di Kabupaten Dharmasraya, (2015), BPS Kabupaten Dharmasraya. Diakses 27 Juli 2018.
  15. ^ Maryadi (15 April 2016). "Sungai Batanghari, Kekayaan Alam yang Terabaikan". Harian Haluan. https://harianhaluan.com/mobile/detailberita/51849/sungai-batanghari-kekayaan-alam-yang-terabaikan. Diakses pado 27 Juli 2018. 

Pautan lua[suntiang | suntiang sumber]