Lompat ke isi

Bagindo Aziz Chan

Wikipedia Minangkabau - Lubuak aka tapian ilimu
(Dialiahkan dari Bagindo Azizchan)
Infobox orangBagindo Aziz Chan
Biografi
Lahia30 September 1910 Suntingan nilai di Wikidata
Alang Laweh Suntingan nilai di Wikidata
Kamatian19 Juli 1947 Suntingan nilai di Wikidata (36 tahun (id) terjemahkan)
Koto Padang Suntingan nilai di Wikidata
  Wali Kota Padang (id) Terjemahkan 

15 Agustus 1946 – 19 Juli 1947 Suntingan nilai di Wikidata
Data pribadi
Kalompok etnisUrang Minangkabau Suntingan nilai di Wikidata
AlmamaterRechtshoogeschool te Batavia (id) Terjemahkan Suntingan nilai di Wikidata
Kagiatan
KarajoGuru Suntingan nilai di Wikidata
Kaluarga
Pasangan hiduikRaden Entis Atisah (id) Terjemahkan
Siti Zaura Usman (id) Terjemahkan Suntingan nilai di Wikidata
AbakBagindo Montok (id) Terjemahkan Suntingan nilai di Wikidata, Djamilah (id) Terjemahkan Suntingan nilai di Wikidata
Panghargaan

Bagindo Aziz Chan (lahia di Padang, 30 September 1910 – maningga di Padang, 19 Juli 1947 pado umua 36 taun) adolah pajuang kamardekaan Indonesia. Baliau manjabaik sabagai Wali Kota Padang nan kaduo sasudah kamardekaan nan dilantiak pado tangga 15 Agustus 1946 manggantian Mr. Abubakar Jaar.[1] Baliau maningga pado umua 36 taun sasudah talibaik dalam sabuah patampuran malawan Balando. Jasadnyo dimakamkan di Taman Makam Pahlawan Bahagia, Bukittinggi. Gala Pahlawan Nasional Indonesia diagiahan kapado baliau pado 9 November 2005.

Riwayaik sakolah

[suntiang | suntiang sumber]

Bagindo Aziz Chan manampuah sakolah atau pandidikan HIS di Padang, MULO di Surabaya, jo AMS di Batavia. Tamaik dari AMS dan sampat pulo duo taun duduak di Rechtshoogeschool te Batavia (RHS), baliau sampat mambukak praktek manjadi pangacara sarato aktif di babarapo organisasi, di antaronyo sabagai anggota jo panguruih Jong Islamieten Bond di bawah pimpinan Agus Salim. Baliau baliak ka kampuang alamannyo pado taun 1935, lalu mangabdi sabagai guru di babarapo sakolah di Padang dan bakali-kali pulo pindah mangaja ka lua kota. Baliau sampat aktif di Persatuan Muslim Indonesia (Permi) sampai organisasi tu dibubaran pado taun 1937. Sasudah proklamasi kemerdekaan, baliau ditunjuak sabagai Wakil Walikota Padang pado tangga 24 Januari 1946 dan pado tangga 15 Agustus 1946 dilantiak sabagai Walikota Padang nan manggantiaan Mr. Abubakar Jaar, nan pindah tugeh manjadi residen di Sumatra Utara.[2]

Pajuangan

[suntiang | suntiang sumber]

Di tangah situasi pasca-kadatangan Sakutu di Padang pado 10 Oktober 1945, baliau manulak tunduak kapado kakuatan tantara Balando nan barado di balakang tantara Sakutu.[3] Baliau taruih malakuan palawanan jo caro manabikan surek kaba pajuangan nan banamo Republik Indonesia Jaya, bahkan turun lansuang mamimpin palawanan kapado Balando sampai akianyo tewas pado tangga 19 Juli 1947.[4] Manuruik asia visum nan dilakuan (di Rumah Sakit Tentara Dr. Reksodiwiryo, Ganting kini), baliau maningga karano takanai barang tumpua sarato tadapek tigo bakeh tembakan di wajahnyo.

Pangormatan

[suntiang | suntiang sumber]

Untuak maoromaiki jaso-jaso sarato jo pangorbanannyo, namonyo diabadian manjadi namo jalan di babarapo kota, sarupo di Padang jo Bukiktinggi. Di Padang, sabuah monumen babantuak kapalan tinju didirian di pasimpangan Jalan Gajah Mada jo Jalan Jhoni Anwar, Kampuang Olo, Nanggalo. Walaupun diresmian sabagai Monumen Bagindo Azizchan dek Walikota Padang Syahrul Ujud pado 19 Juli 1983, monumen tu labiah dikana jo namo Tugu Simpang Tinju. Monumen lainnyo, talatak di Taman Melati (kompleks Museum Adityawarman), asia karya palukih Wisran Hadi jo pemaek Arby Samah.

Rujuakan

[suntiang | suntiang sumber]
  1. ↑ Husein, Ahmad (1992). Sejarah Perjuangan Kemerdekaan R.I. di Minangkabau/Riau 1945-1950. Volume 1. Badan Pemurnian Sejarah Indonesia-Minangkabau. ISBN 978-979-405-126-9.
  2. ↑ "Simpang Tinju, Api Perjuangan Bagindo Aziz Chan Jelang Agresi Kesatu". Langgam.id (dalam bahasa Indonesia). 2019-07-19. Diakses tanggal 2020-06-13.
  3. ↑ Kahin, A. (1999). Rebellion to Integration: West Sumatra and the Indonesian Polity. 1926-1998. Amsterdam University Press. ISBN 90-5356-395-4.
  4. ↑ Sudarmanto, J. B. (2007). Jejak-jejak Pahlawan: Perekat Kesatuan Bangsa Indonesia. Grasindo. ISBN 978-979-759-716-0.

Pautan lua

[suntiang | suntiang sumber]
Jabatan politik
Didaului jo:
Mr. Abubakar Jaar		 Wali kota Padang
1946—1947		 Digantian dek:
Said Rasad

Templat:Daftar wali kota Padang

Diambiak dari "https://min.wikipedia.org/w/index.php?title=Bagindo_Aziz_Chan&oldid=3169744"