Angkot Padang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Angkot Padang
Angkot di Padang

Angkot Padang (disingkek dari Angkutan Kota) adolah salah satu moda transportasi nan digunoan dek masyarakaik di Kota Padang. Jaso transportasi ko alah ado samanjak puluahan taun saisuak sarato alah banyak nan batuka dari bantuak jo ragamnyo, baiak itu palayanan sampai desainnyo nan samakin kamari ko mamanciang paratian masyarakaik nan ka naiak.[1]

Kaunikan pado moda transportasi ko dibandiangan jo daerah lain di antaronyo adolah dek banyaknyo corak nan malakek di dindiang oto. Muloi dari gambar inggo ka tulisan-tulisan graviti.

Salain itu, sound system jo speaker nan gadang sarato kareh alah manjadi ciri khas angkot Padang. Sadoalah itu batujuan untuak manariak palanggan khususnyo pelajar nan manjadi panumpang dominan tiok harinyo. Untuak biayo nan dikaluakan dek sopir untuak mamparancak otonyo dapek sampai pitih jutaan untuak desain jo speaker.

Rono angkot[suntiang | suntiang sumber]

Angkot Padang ado banyak rono. Rono ko lah nan manjadi panando kama tambangan angkot ko. Ado rono ijau langik, biru tuo, ijau, biru agak dakek ka ijau, rono jingga, sirah mudo, ijau taruang, putiah, sirah, jo itam. Ado sabanyak 13 janih tambangan angkot, manuruik aturan pamarintah. Rono ijau pakek tambangannyo ka Universitas Andalas atau Limau Manih.

Rujuakan[suntiang | suntiang sumber]

  1. Media, Kompas Cyber, "Budaya Pop di Angkot Minangkabau - Kompas.com ". Diakses pado 24 Maret 2018.