Mohammad Hatta

"Hatta" baraliah ka laman iko. Untuak kagunoan lain, caliak Hatta (disambiguasi).

Dr. Drs. H. Mohammad Hatta
Wakil Presiden Indonesia ka-1
Maso jabatan 18 Agustus 1945 – 1 Desember 1956
Presiden	Soekarno
Didaului jo	Indak ado, jabatan baru
Digantian dek	Sri Sultan Hamengkubuwono IX
Pardano Mantari Indonesia ka-3
Maso jabatan 29 Januari 1948 – 5 September 1950
Presiden	Soekarno
Didaului jo	Amir Sjarifuddin
Digantian dek	Muhammad Natsir
Mantari Partahanan ka-4
Maso jabatan 29 Januari 1948 – 4 Agustus 1949
Presiden	Soekarno
Didaului jo	Amir Sjarifuddin
Digantian dek	Sri Sultan Hamengkubuwono IX
Data paribadi
Lahia	12 Agustus 1902 Fort de Kock (kini Kota Bukittinggi, Sumatera Barat), Hindia Balando
Wafaik	14 Maret 1980 (umua 77) Jakarta, Indonesia
Kabangsaan	Indonesia
Partai politik	Non partai
Pasangan hiduik	Rahmi Rachim
Anak	Meutia Hatta Gemala Hatta Halida Hatta
Agamo	Islam
Tando tangan

Dr. Drs. H. Mohammad Hatta nan populer jo namo panggilan Bung Hatta lahia di Fort de Kock (kini Kota Bukittinggi, Sumatera Barat), Hindia Balando, 12 Agustus 1902 – maningga di Jakarta, 14 Maret 1980 pado umua 77 taun) adolah pajuang kamardekaan Indonesia nan takamuko basamo jo Soekarno, Sutan Sjahrir, Tan Malaka, Soedirman, sarato nan lain-lain. Hatta baduo jo Soekarno adolah tokoh nan manandotangani naskah proklamasi kamardekaan Indonesia pado tanggal 17 Agustus 1945, sahinggo baliau nan baduo ko disabuik Proklamator Kemerdekaan Indonesia.

Sasudah Indonesia mardeka dari panjajahan Balando, Hatta manjadi wakil presiden Republik Indonesia nan partamo bapasangan jo Soekarno nan manjadi presiden. Baliau-pun pernah pulo manjadi pardana mantari sampai tigo kali katiko sistim pamarentahan Indonesia masih manganuik sistim parlementer katiko negara baru mulai tagak.

Mohammad Hatta ko surang ahli ekonomi sarato sangek paduli jo koperasi nan bakaadilan sosial, sahinggo baliau di agiah gala Bapak Koperasi Indonesia.

Pado taun 1956, baliau mangundurkan diri dari jabatan wakil presiden karano indak sapandapek lai jo Soekarno dalam caro mangalola negara. Baliau maningga pado taun 1978 dan dikubuakan di pakuburan Tanah Kusia, Jakarta. Karano jaso-jaso baliau nan gadang kapado bangso, baliau diagiah gala Pahlawan Nasional Indonesia dek pamarentah Indonesia.

Kahidupan

Mohammad Hatta manikah jo Rahmi Rachim. Dari panikahan tu mareka dikaruniai tigo urang anak, yaitu Meutia Hatta, Gemala Hatta sarato Halida Hatta. Hatta laia dari pasangan Muhammad Djamil jo Siti Saleha nan bakarajo sabagai padagang di Batuhampa, nagari nan talatak di antaro Payokumbuah jo Bukiktinggi.

Caliak pulo

• Daftar wakil Presiden Indonesia

Rujuak-an

• Imran, Amrin (1991). Mohammad Hatta:Pejuang, Proklamator, Pemimpin, Manusia Biasa. Jakarta: Mutiara Sumber Widya. OCLC 9072338. 
• Noer, Deliar (2012). Jaap Erkelens. ed. Mohammad Hatta:Hati Nurani Bangsa. Jakarta: Gramedia Pustaka Utama. ISBN 978-979-709-633-5. 

Bacoan lanjuik

• Hatta, Mohammad, Mohammad Hatta Memoir, Tinta Mas Jakarta, 1979
• Deliar Noer. 1990. Mohammad Hatta, Biografi Politik. Jakarta: LP3ES.
• Greta O. Wilson (ed.). 1978. Regents, reformers, and revolutionaries: Indonesian Voices of Colonial Days. Asian Studies at Hawaii, no 21. The University Press of Hawaii.
• George McTurnan Kahin. 1952. Nationalism and Revolution in Indonesia. Cornell University Press.