Universitas Negeri Padang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Universitas Negeri Padang
Motto Alam Takambang Jadi Guru
Didirian 1 September 1954
Jinih Nagari
Rektor Prof. Drs. H. Ganefri, M.Pd., Ph.D.
Staf akademik 967 dosen tatap
Mahasiswa 29.664 urang
Sarjana 52 program studi
Magister 22 program studi
Doktor 7 program studi
Lokasi Padang, Sumatera Barat, Indonesia
Kampus Jl. Prof. Dr. Hamka, Air Tawar Barat, Padang Utara, Kota Padang
Namo lamo
  • PTPG Batusangkar
  • FKIP Unand
  • IKIP Jakarta cab. Padang
  • IKIP Padang
Situs web unp.ac.id
Padang State University logo.jpg
Auditorium Baru di UNP

Universitas Nagari Padang (UNP) adolah paguruan tinggi negeri nan tadapek di Kota Padang, Sumatera Barat.[1] Partamo badiri pado tanggal 23 Oktober 1954 nan banamo Perguruan Tinggi Pendidikan Guru (PTPG) Batusangkar nan barado di Batusangka Kabupaten Tanah Data,[1][2] Pado taun 1964, kampus nan barado di Batusangka Kabupaten Tanah Data ko di pindahan ka kota Padang[2]. Kamudian di taun 1999, Malalui Kepres Nomor 93 ditatapan sacaro rasmi manjadi Universitas, labiah tapek nyo pado tanggal 24 Agustus 1999.[1]

Kampus utamo Universitas Nagari Padang talatak di Jln. Prof. Dr. Hamka, Air Tawar, Kota Padang. Sedangkan kampus iko mampunyoi babarapo fakultas nan talatak di babagai tampek, tamasuak di lua kota Padang. Lokasi kampus lainnyo antaro lain barado di Gadut, Padang, Lubuak Buayo, Padang, Padang Pariaman dan di Balakang Balok kota Bukitinggi[3].

Pado taun 2011, Universitas  Nagari Padang atau nan di singkek jo namo UNP manjadi sala ciek dari 28 Parguruan Tinggi  Nagari lainnyo nan dinobaikan dek Direktorat Jenderal Pendidikan Tinggi (Ditjen Dikti) sabagai 50 parguruan tinggi nan paliang manjanjian di Indonesia, atau 50 Promising Indonesian Universities.[4] Salanjuiknyo pado tanggal 29 Desember 2016, UNP mamparoleh akreditasi untuak predikat A dari Badan Akreditasi Nasional Perguruan Tinggi (BAN PT). Kamudian pado tanggal 17 Agustus 2018, Kemenristekdikti maumumkan paringkek-paringkek dari 100 paguruan tinggi Indonesia nan non-vokasi taun 2018. UNP barado pado paringkek 26 dan tamasuak dalam kluster kaduo.[5]

Kini ko Universitas Nagari Padang lah tadiri dari dalapan fakultas, 70 program studi, jo 1 program pandidikan profesi konselor, barikuik iko parinciannyo::

  1. Fakultas Ilmu Pendidikan (FIP)
  2. Fakultas Bahaso dan Seni (FBS)
  3. Fakultas Matematika dan Ilmu Pengetahuan Alam (FMIPA)
  4. Fakultas Ilmu Sosial (FIS)
  5. Fakultas Teknik (FT)
  6. Fakultas Ilmu Keolahragaan (FIK)
  7. Fakultas Ekonomi (FE)
  8. Fakultas Perhotelan dan Pariwisata (FPP)
  9. Program Pascasarjana

Caliak pulo[suntiang | suntiang sumber]

Rujuakan[suntiang | suntiang sumber]