Kota Tanjungpinang

Wikipedia Minangkabau - Lubuak aka tapian ilimu
Kota Tanjungpinang
Panorama Kota Tanjungpinang كوتا تنجوڠڤينڠ
Panorama Kota Tanjungpinang
كوتا تنجوڠڤينڠ
Lambang Kota Tanjungpinang
Lambang
Semboyan: Jujur Bertutur Bijak Bertindak
Lokasi Kota Tanjungpinang di Pulau Bintan
Lokasi Kota Tanjungpinang di Pulau Bintan
Kota Tanjungpinang di Indonesia
Kota Tanjungpinang
Kota Tanjungpinang
Lokasi Kota Tanjungpinang di Pulau Bintan
Koordinat: 1°5′0″N 104°29′0″E / 1.08333°N 104.48333°E / 1.08333; 104.48333
Nagara Indonesia
ProvinsiKapulauan Riau
Ari jadi17 Oktober 2001
Panduduak
 • Totaljiwa
Demografi
 • Suku bansoMelayu, Tionghoa, Jawa, Minang, Bugis, Laut
Zona wakatuWIB
Kode pos29000
Kode SNITPG
Jumlah kecamatan4
Jumlah kelurahan18
DAURp. 252.716.560.000,-(2011)[1]
Palabuahan udaroPalabuahan udaro Internasional Raja Haji Fisabilillah
Kode Kemendagri21.72 Edit nilai pada Wikidata
Situs webtanjungpinangkota.go.id


Tanjungpinang atau sabelunnyo disabuik Tanjung Pinang (disingkek Tg. Pinang) adolah ibu kota Kapulauan Riau, Indonesia nan talatak di koordinat 0º5' lintang utara dan 104º27' bujua timur, tapeknyo di Pulau Bintan.

Kota iko mamiliki cukuik banyak daerah pariwisata takah Pulau Penyengat nan hanyo barjarak kurang labiah 2 mil dari palabuhan lauik Tanjungpinang - Palabuahan Sri Bintan Pura, Pantai Trikora jo pasia putiahnyo talatak kurang labiah 65 km dari kota, dan pantai buatan iyolah Tepi Laut nan talatak di garih pantai pusek kota sabagai pamanih atau wajah kota (waterfront city).

Palabuahan Lauik Tanjungpinang - Palabuahan Sri Bintan Pura mamiliki kapa-kapa janih feri jo feri capek (speedboat) untuak akses domestik ka pulau Batam jo pulau-pulau lain takah; kapulauan Karimun jo Kundur, sarato kota-kota lain di Riau darek, juo marupokan akses internasional ka nagari Malaysia jo Singapura.

Sajarah[suntiang | suntiang sumber]

Badasarkan Sulalatus Salatin kawasan kota iko marupokan bagian dari Karajaan Malayu, sasudah jatuahnyo Malaka ka tangan Portugih, Sultan Mahmud Syah manjadikan kawasan iko sabagai pusek pamarintahan Kasultanan Malaka. Kudian manjadi pusek pamarintahan Kasultanan Johor, sabalun diambiak aliah dek Balando tarutamo sasudah Balando manunduakan palawanan Rajo Haji Fisabilillah taun 1784 di Pulau Penyengat.

Pado maso kolonial Balando, Tanjungpinang ditingkekkan statusnyo manjadi pusek pamarintahan dari Residentie Riouw pamarintah Hindia-Balando. Kudian di awal kamardekaan Indonesia, manjadi ibu kota Kabupaten Kapulauan Riau. Sasudah manjadi Kota Administratif - Kabupaten Kapulauan Riau hinggo taun 2000, badasarkan UU Nomor 5 Taun 2001, pado tanggal 21 Juni 2001, statusnyo manjadi Kota Tanjungpinang. Pusek pamarintahan nan samulo barado di pusek Kota Tanjungpinang di pamukiman padek panduduak nan kudian dipindahkan ka Senggarang (bagian utara kota) sabagai pusek pamarintahan. Hal iko ditujuakan untuak mangimbangi kasanjangan pambangunan jo kapadekkan panduduak nan salamo iko bapusek di Kota Lama (bagian barat kota).

Pamarintahan[suntiang | suntiang sumber]

Pado taun 2002 Dra. Hj. Suryatati A. Manan tapiliah sabagai walikota patamo malalui pamiliahan dek DPRD Kota Tanjungpinang. Pado taun 2007, inyo tapiliah baliak untuak manjadi Wali Kota Tanjungpinang. Kudian pado taun 2013, inyo digantikan dek H. Lis Darmansyah.

Wilayah administrasi pamarintahan Kota Tanjungpinang tabagi manjadi 4 kacamatan jo 18 kalurahan.

Kacamatan-kacamatan di Kota Tanjungpinang adolah:

Geografi[suntiang | suntiang sumber]

Hutan bakau di Tanjungpinang

Sabagian wilayah Tanjungpinang marupokan dataran randah, kawasan rawa bakau, dan sabagian lain marupokan pabukikan sahinggo lahan kota sangaik bavariasi dan bakontur.

Iklim[suntiang | suntiang sumber]

Kota Tanjungpinang maupun Pulau Bintan kasaluruhan baiklim tropis jo temperatur 23 °C – 34 °C. Takanan udaronyo bakisar antaro 1.010,2 mbs jo 1.013,7 mbs.

Musim[suntiang | suntiang sumber]

Sacara rasmi mamiliki musim kamarau jo musim panghujan. Indak ado pabedoan musim nan mancolok di daerah iko. Hujan dapek turun sapanjang tahun. Namun satiok akhir sampai jo awal taun tajadi "Angin Utara" nan sangai babahayo jo galombang nan sangaik kuek.

Kependudukan[suntiang | suntiang sumber]

Pakampuangan nalayan di Senggarang

Suku Malayu marupokan panduduak asli dan kalompok suku bangso nan dominan di Tanjungpinang, salain itu tadapek juo suku Bugih dan Tionghoa nan alah ratuihan taun babaua jo suku Malayu dan manjadi panduduak tatok samanjak zaman Kasultanan Johor Riau dan Residentie Riouw. Suku Bugih awalnyo manatap di Kampuang Bugih dan suku Tionghoa banyak manampeki Jalan Merdeka dan Pagar Batu. Suku Jao mulai ramai mandatangi Tanjung Pinang pado taun 1960, pamukiman awal suku Jao talatak di Kampuang Jawa.

Bahaso nan digunokan di Tanjung Pinang adolah bahaso Malayu klasik. Bahaso Malayu di kota iko hampia samo jo bahaso Malayu nan digunokan di Singapura, karano memang sajak zaman pamarintahan kasultanan Riau Lingga dahulu Tanjungpinang alah manjadi pusek budayo Malayu basamo Singapura. Salain itu bahaso Tiochiu jo Hokkien juo banyak digunokan dek suku Tionghoa di Kota Tanjungpinang.

Transportasi[suntiang | suntiang sumber]

Di Kota Tanjungpinang tadapek palabuhan domestik jo internasional iyolah Palabuahan Sri Bintan Pura, terminal iyolah Terminal Sei Carang sarato palabuahan udaro internasional, Palabuahan udaro Internasional Raja Haji Fisabilillah.

Perekonomian[suntiang | suntiang sumber]

Pado taun 2001, sektor padagangan, hotel, dan restoran mambarikan kontribusi nan cukuik signifikan dalam mambangun parekonomian kota Tanjungpinang iyolah sabanyak 35,54% kudian diikuti dek sektor industri pangolahan 15,37%, sektor bangunan 13,29%, sektor jaso-jaso 12,51%, jo sektor pangangkutan dan komunikasi 10,82%. Sadangkan sektor lainnyo maliputi sektor listrik, gas, dan aia barasiah, kauangan, patanian, jo sektor patambangan dan panggalian sabanyak 12,47%.[2]

Pariwisata[suntiang | suntiang sumber]

Pulau Penyengat dilihat dari Tanjungpinang

Pulau Penyengat marupokan salah satu kawasan wisata di Kota Tanjungpinang. Pulau salaweh 3,5 km² iko barado di sabalah barat kota Tanjungpinang dan dapek ditampuah 15 minik jo transportasi lauik. Pado pulau iko tadapek banyak paninggalan lamo jo wujuik bangunan dan makam nan alah dijadikan situs cagar budaya. Salain itu juo dijumpai kalenteng atau vihara di kawasan Kampuang Bugis dan Senggarang nan sakaliguih manjadi kawasan wisata raligi. Wisata lainnyo juo dapek ditamukan di Pantai Impian, Tugu Pensil, Tepi Laut, Mall Ramayana Tanjung Pinang, Bestari Mall, Bintan Indah Mall, dan sabagainyo.

Pariwisata di kota Tanjungpinang ditunjang dek adonyo 13 hotel bintang, 43 hotel non bintang, 34 rumah makan dan pusek-pusek balanjo nan tadiri dari 13 supermarket sarato patokoan nan tasebar di wilayah kota. Samantaro jumlah kunjuangan wisatawan didominasi dari nagari Singapura, Malaysia jo Belanda. Kota iko juo manawarkan sajian kuliner aneka hidangan lauik, dan masakan Cino.[3]

Galeri[suntiang | suntiang sumber]

Referensi[suntiang | suntiang sumber]

  1. "Perpres No. 6 Tahun 2011". 2011-02-17. Diarsipkan dari versi asli tanggal 2016-01-13. Diakses tanggal 2011-05-23. 
  2. ciptakarya.pu.go.id Profil Kota Tanjungpinang Archived 2012-02-27 di Wayback Machine. (diakses pado 4 Februari 2012)
  3. http://www.bappedatanjungpinang.info Archived 2017-03-22 di Wayback Machine. Sekilas Kota Tanjungpinang Archived 2011-04-03 di Wayback Machine. (diakses pado 4 Februari 2012)

Pranala luar[suntiang | suntiang sumber]

Templat:Kota Tanjungpinang