Tugu Bagindo Aziz Chan

Tugu Bagindo Aziz Chan adolah sabuah tugu nan dibuek untuak maingek jaso Walikota Padang nan ka-2 nan banamo Bagindo Aziz Chan. Sabuah bangunan nan babantuak buku tenju itu talatak di Kota Padang iyolah di Simpang Kandih atau Simpang Lapai. Simpang itu labiah dikenal jo namo Simpang Tinju. Bangunan itu dibuek pado taun 1988.

Sajarah Hiduik Bagindo Aziz Chan

Bagindo Aziz Chan dilahian pado tanggal 30 September 1910 di Kampuang Alang Laweh Kota Padang. Inyo marupokan anak ka ampek dari limo basudaro. Ayahnyo banamo Bagindo (Bgd.) Montok, barasa dari Kurai Taji. Inyo bakarajo sabagai pagawai kareta api di Simpang Haru. Sadangkan Mandehnyo banamo Djamilah nan barasa dari Sunur. Kampuang asa kaduonyo samo-samo dari Pariaman.