Mahyeldi Ansharullah

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Mahyeldi Ansharullah
Mahyeldi wako Padang.jpg
Wali Kota Padang ka-13
Petahana
Assumed office
13 Mai 2014
Wakia Emzalmi
Didaului jo Erizal Agus (Plt.)
Wakia Wali Kota Padang
Maso jabatan
18 Februari 2009 – 18 Februari 2014
Didaului jo Yusman Kasim
Digantian dek Emzalmi
Wakia Ketua DPRD Sumatera Barat
Maso jabatan
2004 – 2008
Data paribadi
Lahia 25 Desember 1966 (umua 52

)
Bendera Indonesia Bukittinggi, Sumatera Barat, Indonesia

Partai politik Contoh Logo Baru PKS.jpg Partai Keadilan Sejahtera
Pasangan hiduik Harneli Bahar (bini)
Anak 9
Alma mater Universitas Andalas
Agamo Islam

H. Mahyeldi Ansharullah, SP gala Datuak Marajo (lahia di Bukittinggi, Sumatera Barat, 25 Desember 1966; umua 52 taun) adolah mubalig jo politisi dari Partai Keadilan Sejahtera (PKS). Inyo marupoan Wali Kota Padang nan mangawali panataan pasa tradisional jo objek wisata jo marelokasi padagang tanpa gajolak.[1] Salamo kapamimpinannyo, Padang maraih kamajuan di bidang infrastruktur jo kabarasiahan. Inyo manakankan pandidikan babasis Alquran jo mancanangkan Padang sabagai kota panghafal Alquran.

Lahia sabagai anak saurang buruh angkek, Mahyeldi basakolah sambia bakarajo untuak mambantu urangtuo. Inyo bakacimpuang dalam pagarakan Islam sawaktu berkuliah di Universitas Andalas jo turun ka masyarakaik sabagai mubalig. Malalui PKS, inyo tapilih sabagai anggota DPRD Sumatera Barat paraih suaro tabanyak hasia pamiliahan umum legislatif 2004. Inyo manjabat sabagai Wakia Katuo DPRD Sumatera Barat periode 2004–2009 sabalun mamutuihan maju sabagai wakia wali kota mandampingi pariode kaduo Wali Kota Fauzi Bahar untuak 2009–2014.

Sajak 13 Mei 2014, Mahyeldi manjabat sabagai Wali Kota Padang satalah mamanangan pamiliahan umum pado 2013.

Kahiduikan awa[suntiang | suntiang sumber]

Mahyeldi manjalani maso kaciak jo sakolahnyo di Bukittinggi. Inyo adolah kakak bagi anam adiaknyo. Lahia dari kaluarga sadarano jo saurang ayah nan bakarajo sabagai buruh angkek, inyo harus bakarajo kareh untuak mandapekan pitih sajak masih kelas tigo SD. Inyo sakolah sambia manjojoan kue punyo urang lain, manjua ikan di pasa, jo manjuaan koran.[2]

Mahyeldi rutin manghadiri kagiatan pambinaan kaislaman di lingkungan tampwk tingganyo sajak masiah duduak di bangku SMP.[2] Balanjuik katiko basakolah di SMA Negeri 1 Bukittinggi, inyo alah mangenal aktivis dakwah Islam misalnyo Hidayat Nur Wahid jo Irwan Prayitno. Salamo kuliah di Fakultas Patanian Universitas Andalas, inyo ikuik manggarakan kagiatan dakwah kampus.[3] Aktivitasnyo di bidang dakwah mengantanyo bagabuang jo Partai Keadilan Sejahtera, partai nan dimotori dek aktivis dakwah di kampus-kampus.

Pado pamiliahan umum legislatif 2004, Mahyeldi diusuang dek PKS sabagai calon anggota legislatif untuak DPRD Sumatera Barat. Pado saaik nan sama, inyo adolah Katuo Dewan Perwakilan Wilayah (DPW) PKS Sumatera Barat sajak 2002 sampai taun 2005. Hasia parolehan suaro manampekan PKS sabagai pamanang di Padang. Inyo duduak sabagai Wakia Ketua DPRD Sumatera Barat periode 2004–2009, tapi maunduan diri satalah mamutuihan maju sabagai Wakia Wali Kota Padang pado taun 2008.

Wakia Wali Kota Padang[suntiang | suntiang sumber]

Mahyeldi sabagai Wakia Wali Kota Padang maninjau banjir di salah satu lokasi di Kota Padang

Dalam pamiliahan umum Wali Kota Padang partamo 2008, Mahyeldi tapiliah sabagai wakia wali kota mandampingi Fauzi Bahar. Pasangan iko dilantik pado 18 Februari 2009 untuak periode 2009–2014.[4] Salamo bakurisi sabagai wakia wali kota, Mahyeldi manggarakkan pakoperasian babasis syariah di Padang. Inyp mamprakarsai tagaknyo Koperasi Jaso Kauangan Syariah nan maagiah akses permodalan jo lapangan karajo bagi warga. Limbago koperasi iko maanta Padang maraiah panghargaan Bakti Koperasi dan UMKM dari Mantari Koperasi jo UMKM pado paringatan Hari Koperasi ka-66 nan dipusatan di Nusa Tenggara Barat, 12 Juli 2013.[5]

Mahyeldi mancalonan diri sabagai Wali Kota Padang dalam pamiliahan umum Wali Kota Padang nan digala pado 30 Oktober 2013. Diikuiki 10 pasang calon, Mahyeldi basamo pasangannyo Emzalmi manang ateh 29,45% suaro.[6] Satalah manjalani putaran kaduo pado 5 Maret 2014, Mahyeldi kambali unggua jo parolehan 50,29% suaro. Palantikannya tatundo karano pasangan calon nan kalah maajuan gugatan ka Mahkamah Konstitusi.[7] Pado 13 Mei 2014, Mahyeldi rasmi dilantik satalah taundua-undua karano adonyo pamiliahan umum legislatif Indonesia 2014.[1]

Wali Kota Padang[suntiang | suntiang sumber]

Mahyeldi basalaman sausai dilantik sabagai Wali Kota Padang

Pandidikan perai masuak dalam program unggulan nan diusuang Mahyeldi jo Emzalmi dalam kampanye mareka. Pado semester kaduo 2014, Padang mamulai panyalanggaroan pandidikan perai 12 taun nan manjangkau saluruah siswa SD, SLTP, jo SLTA negeri. Lewaik APBD, pamarentah maningkekan alokasi dana bantuan siswa kurang mampu. Dari program nan alah ado, pamarietah mangevaluasi palaksanoan pasantren kilek jo wirik ramaja. Padi 2015, pamarentah mangalola langsuang pasantren Ramadhan di ampek sakolah.[8]

Dalam rangko maningkekan mutu SDM, pamarentah manargetkan palajar hafa Alquran jo maagiahan kaistimewaan bagi panghafa Alquran. Mareka dapek mamiliah bebas sakolah nan mareka nio sasuai janjang kalanjutannyo, sajuz bagi siswa SD, jo tigo juz bagi siswa SMP. Untuak siswa SMA nan hafa limo juz dapek mamiliah kasampatan masuak ka Universitas Andalas atau Universitas Negeri Padang.[9]

Pado 25 Oktober 2014, pamarentah maluncuaan program Padang Barasiah.[10][11] Takaik pangalolaan sampah, Padang punyo Perda Nomor 21 Taun 2012 nan mamuek pasal manganai sangsi bagi siapo sajo nan tatangkok mambuang sampah sambarangan. Jalang pambalakuan perda pado 1 Januari 2015, pamarentah malakuan sosialisasi palaksanaan perda sakaligus malangkoki sarana jo prasarana pandukung. Saluruah kelurahan mambantuak Limbago Pangalolaan Sampah (LPS) nan tadiri dari masyarakaik satampek untuak mamastian disiplin warga mambuang sampah.[12]

Di antaro program unggulan nan diusuang di bidang infrastuktur, Mahyeldi mangguliaan program palaksanaan betonisasi jo pangaspalan jalan lingkungan, pabaikan trotoar, jo pangandalian banjir. Dimulai pado Mai 2014, pamarentah marealisasi sapanjang 53,93 km jalan beton jo aspal pado 2014, diikuiki capaian target sapanjang 74 km pado 2015. Salain itu, pamarentah maningkekan alokasi pamaliharoan paningkekan jalan, trotoar, jo taman kota. Untuak pangandalian banjir jo ganangan air, pamarentah maupayoan lewat rehabilitasi cek dam, normalisasi saluran sungai, jo paningkekan jaringan irigasi.

Sajak 2014, pamarentah malalui Dinas Sosial jo Tenaga Kerja mamulai program bedah rumah jo alokasi dana dari Kamantarian Sosial, APBD Kota Padang, jo swadaya masyarakat. Pado 2014, 386 rumah alah direhab jo total anggaran Rp3,36 miliar, tamasuak swadaya masyarakaik Rp580 juta. Pado 2015, rehab dikarajoan tahadok 410 unit rumah indak layak huni (RTLH) jo total anggaran Rp5,97 miliar, tamasuak swadaya masyarakaik Rp1,685 miliar. Salain itu, Dinas Tata Ruang jo Tata Bangunan jo Perumahan nan dibantu Kamantarian Pakarajoan Umum jo Parumahan Rakyaik mangarajoan rehab RTLH sananyak 300 unit pado 2014 jo 840 unit pado 2015. Adopun program rehab jo bedah rumah malalui Baznas Kota Padang mampunyoi capaian target 72 unit pado 2014 jo 51 unit pado 2015.

Kahiduikan paribadi[suntiang | suntiang sumber]

Mahyeldi dikaruniai sambilan anak dari panikahannyo jo Harneli Bahar.[13] Inyo dikenal sabagai sosok pamimpin nan sederhana, santun, jo randah hati.[2][3] Saaik manjabat sabagai Wakia Katuo DPRD Sumatera Barat, inyo manulak manggunoan oto dinas mewah sabagai pimpinan DPRD. Badasaan hasia audit Komisi Pemberantasan Korupsi (KPK) jalang pamiliahan Wali Kota Padang pado 8 Oktober, KPU Padang marilis laporan harato kakayoannyo sanilai 281,509 juta.[14]

Mahyeldi tamasuak pasangan kapalo daerah nan akua salamo limo taun maso tugehnyo.[2] Fauzi Bahar mangatoan, mareka ndak pernah badebat atau batangka manganai tugeh masing-masing. "Ambo raso di Indonesia saaik iko nan paling harmonis hubungan kaduo pamimpin seperti, ambo sabagai Wali Kota Padang jo Mahyeldi Wakia Wali Kota Padang, ndak pernah salisiah paham jo batengka tantang tangguang jawab sabagai pamagang amanah rakyaik Kota Padang."[15]

Rujukan[suntiang | suntiang sumber]

Pranala luar[suntiang | suntiang sumber]

Templat:S-sport
Jabatan politik
Didaului jo:
H. Erizal, SH (Panjabat Wali Kota)
Wali Kota Padang
2014–sekarang
Digantian dek:
Petahana
Didaului jo:
H. Yusman Kasim, MM
Wakil Wali Kota Padang
2009–2014
Digantian dek:
Ir. H. Emzalmi, MSi
Didaului jo:
Wakil Ketua DPRD Sumatera Barat
2004–2008
Digantian dek:
Jabatan politik partai
Didaului jo:
DR. Shafwan Nawawi, MA
Ketua Dewan Perwakilan Wilayah (DPW) PKS
Sumatera Barat

2002–2005
Digantian dek:
Trinda Farhan Satria, MT
Didaului jo:
H. Yusman Kasim, MM
Ketua Umum PSP Padang
2009–sekarang
Digantian dek: