Sate Padang
 | |
| Asa | |
|---|---|
| Nagara asa | Indonesia  |
| Kaâhlian mamasak | Masakan Indonesia |
| Rincian | |
| Jinih | Sate, jajanan jalanan (id)  , jajanan pasar (id) jo makanan siap saji (id) |
| Metode penyajian | baka |
| Bahan utamo | ketumbar (id) , bawang (id) , garam dapua, gulo, peppercorn (en) , Tapuang bareh, sipadeh jo Kacang tanah (id) |
Sate Padang adolah istilah untuak makanan khas Minangkabau nan tabuek dari dagiang nan dipotong ketek sarato diagiah kuah padeh di atehnyo. Ado baragam jinih Sate Padang, di antaranyo Sate Padang Panjang, Sate Padang Pariaman, Sate Biaro, jo Sate Danguang-Danguang.
Sate Padang mamakai bahan dagiang jawi, lidah, atau jerohan (jantuang, usus, jo tetelan)[1] jo bumbu kuah kacang kental (mirip bubua) ditambah lado nan banyak sahinggo rasonyo padeh.
Jinih Sate
[suntiang | suntiang sumber]Pado umumnyo sate iko tabagi duo manuruik jinih kuahnyo yaitu, Sate Padang Panjang jo Sate Padang Pariaman. Patamo adolah Sate Padang Panjang, jinih sate iko nan umum dijumpoi jo kuahnyo nan kuniang, sadangkan sate Padang Pariaman (dipasingkek jadi Sate Pariaman) kuahnyosirah.
Ado varian lain salain kaduo jinih sate tasabuik. Ado Sate Biaro jo Sate Danguang-Danguang. Sate Biaro adolah sate nan baasa dari Biaro, Kab. Agam nan punyo ciri khas dilumuri jo dadiah sabalun [2]. Sadangkan Sate Danguang-Danguang adolah sate nan baasa dari Danguang-Danguang, Nagari Guguak VIII Koto, Kec. Guguak, Kab. 50 Kota, nan punyo ciri khas kuah bawarna kuniang pucaik dek diagiah santan, babedo jo Sate Padang Panjang nan indak diagiah santan.[3][4]
Proses Mambuek Sate Padang
[suntiang | suntiang sumber]
Dagiang segar dimasuakkan dalam drum gadang baisi aia jo diabuih duo kali supayo lunak mamakai drum aia nan babedo. Dagiang diirih-irih , dilumuri jo rempah-rempah. Samantaro aia abuihan dipakai sabagai kuah kaldu, bahan mambuek kuah sate. Lalu kuah kaldu ko dicampua jo 19 macam bumbu rempah-rempah nan alah dihaluihan (bawang merah, bawang putiah, kunyik, jahe, jo sarai) dicampua jo babagai macam lado. Sadoalah bumbu kamudian dijadian satu, dimasak salamo limo baleh minik. Rempah-rempah ko lah nan mambuek raso kuah sate manjadi kayo raso nan malimpah,.
Satenyo itu surang hanyo dibaka katiko dipasan, mamakai arang dari tampuruang karambia. Dimakan dalam kaadaan angek, biasonyo ditambuah jo karipiak balado khas Padang.
Rujuakan
[suntiang | suntiang sumber]- ↑ Saking Enaknya, Sate Padang Murni Juara Archived 2012-06-24 di Wayback Machine., Kompas.com, diakses tanggal 27 Juni 2011.
- ↑ [1] Archived 2013-08-08 di Wayback Machine., Ayojajan.com, diakses tanggal 6 Oktober 2013
- ↑ [2], diakses tanggal 6 Oktober 2013
- ↑ [3] diakses 6 Oktober 2013
