Mi celor

Wikipedia Minangkabau - Lubuak aka tapian ilimu
Mie Celor
Sapiriang Mie Celor dihidangkan jo lado.
Asa
NagaraIndonesia
DaerahPalembang, Sumatera Selatan
Detail
PanyajianAngek
Bahan utamoMi, santan, kuah ebi (udang kariang), taoge, talua abuih, saladari, daun bawang, bawang goreang

Mi Celor adolah hidangan mi nan barasa dari kota Palembang, Sumatra Selatan, Indonesia. Kato celor dalam bahaso Palembang artinyo dirandam ka dalam aia angek (seduh), itulah sajian ko disabuik jo Mi Celor karano mi disajian jo caro dicelor (disaduah), tu mi dicampuangkan ka kuah santan jo kaldu udang nan pakek dan guriah dan disajian jo palangkoknyo cando talua abuih, tauge, dan kucai. Ukuran mi nan dipakai labiah gadang daripado mi umumnyo, sarupo Mi Aceh atau Udon Japang.

Asa usua[suntiang | suntiang sumber]

Asa usua Mi celor indak dikatahui pasti, tapi alah umum kataui baso mi barasa dari Cino, sainggo mi celor marupokan papaduan dari hidangan Malayu jo Tionghoa.[1] Kato "celor" dalam bahaso Palembang aratinyo dicampuang-campuangkan kadalam aie angek. Hal iko marujuak ka caro panyajian mi nan dicampuangkan ka aie angek sabalun dihidangkan.[2]

Panyajian[suntiang | suntiang sumber]

Mi celor manggunoan mi kuniang atau mi talua. Ukuran mi gadang dan lueh mode mi nan dipakai untuak Mi Aceh atau udon. Mi dicampuangkan sabanta ka aia angek supayo teksturnyo labiah lunak lalu disiram kuah pakek. Mi jo kuah pakek ko sarupo jo mie dari Cino.[3] Kuah ko dibuek jo kaldu nan datang dari udang atau ebi, sudah tu dicampua jo santan, susu, tapuang tarigu, dan bumbu lainnyo sarupo marica, garam, gulo, dan palamak raso sainggo rononyo putiah kakuniangan dan teksturnyo pakek. Talua abusan, udang, ayam, kucai, jo tauge bisa ditambahkan sabagai palangkok. Mi disajikan dalam kondisi angek dan bisa ditambah sambalado, bawang goreng, dan irisan daun bawang.[3][4]

Umumnyo masyarakaik Palembang mamakan mi celor di pagi hari untuak sarapan.[2][5] Mi celor murah ditamui di kota Palembang, walaupun masih payah ditamui di kota gadang lainnyo.[3]

Kandungan Gizi[suntiang | suntiang sumber]

Mi celor manganduang karbohidrat, protein, vitamin, dan mineral. Hidangan ko bisa manjadi sumber karbohidrat pangganti nasi. Protein didapek dari banyak palangkoknyo sarupo udang, ayam, dan talua. Vitamin jo mineral didapek dari sayuran palangkok.[2]

Rujuakan[suntiang | suntiang sumber]

  1. Sondang, Ester (2022-02-09). "Asal Usul dan Resep Mie Celor Khas Palembang yang Menggugah Selera". id.theasianparent.com (dalam bahasa Indonesia). Diakses tanggal 2022-03-28. 
  2. a b c "4 Keunikan Mie Celor Makanan Tradisional Palembang, Asal Usul Sampai Gizi - Travel Tempo.co". Tempo.co. 2021-05-16. Diarsipkan dari versi asli tanggal 2022-03-28. Diakses tanggal 2022-03-28. 
  3. a b c Mustinda, Lusiana (2018-07-12). "Dicelup dan Disiram Kuah Kental Jadi Ciri Khas Mie Celor". DetikFood. Diarsipkan dari versi asli tanggal 2022-03-28. Diakses tanggal 2022-03-28. 
  4. Primadia, Adara (2017-06-07). "Sejarah Makanan Khas Palembang Yang Mendunia (Paling Lengkap)". Sejarah Lengkap (dalam bahasa Inggris). Diarsipkan dari versi asli tanggal 2022-03-31. Diakses tanggal 2022-03-28. 
  5. "Mie Celor, Menu Sarapan Masyarakat Palembang". Indonesia Kaya. Diakses tanggal 2022-03-28.