Nasi sek

Wikipedia Minangkabau - Lubuak aka tapian ilimu
Nasi sek
Nasi sek nan taidang jo samba lainnyo
Asa
NagaraIndonesia
DaerahKota Pariaman, Sumatera Barat
PambuekUrang Pariaman
Detail
Jinih idanganMakanan utamo
Panyajiantaidang angek
Bahan utamoNasi dalam porsi ketek nan ditungkuih daun pisang dan ditambahkan samba lain katiko ka dimakan
Informasi lainnasi seratus kenyang

Nasi sek adolah nasi nan ditungkuih jo daun pisang nan alah disalai, khas dari Pariaman. Nasi sek ko ditungkuih katiko nasinyo sadang angek. Ukuran tungkuih nasi ko sagadang tinju anak ketek. Bareh nasi sek ditanak di ateh tungku. Katiko ditanak baun wanginyo tabaun dari jauah, biasonyo dek campuran bumbu. Di Indonesia, ado makanan lain nan sarupo jo nasi sek yaitu nasi jamblang dari Cirebon jo nasi kucing dari Jawa Tengah jo Yogyakarta.[1]

Nasi sek biaso taidang dalam piriang bajumlah limo sampai anam tungkuih nasi. Nasi sek ko biaso dimakan jo sambalado, lauak baka, lauak goreang, gulai jariang, kapalo lauak, gulai pucuak ubi, taruih acok pulo dimakan jo sala lauak nan masih angek. Salain itu, nasi sek ko labiah acok dimakan jo hasia lauik. Nasi sek ko biaso dijua di sakitar Pantai Gandoriah, Pariaman.[1][2]

Sijarah[suntiang | suntiang sumber]

Nasi sek alah ado sajak taun 1980-an. Nasi ko dijua dalam porsi ketek, tapi langkok jo samba sarato sayua nan dijual jo harago saratuih rupiah. Jo saratuih rupiah, pambali alah kanyang, sainggo nasi ko dinamokan nasi seratus kenyang (nasi saratuih kanyang) nan disingkek manjadi nasi sek. Kini, harago sakapa nasi sek rato-rato duo ribu inggo tigo ribu rupiah di lua samba sarato palangkok lainnyo.[2] Dek sabagian urang namo nasi ko diganti manjadi Sepuluh ribu Enak Kenyang.[3]

Galeri[suntiang | suntiang sumber]

Rujuakan[suntiang | suntiang sumber]

  1. a b "Nasi sek, santapan khas di pinggir pantai di Pariaman". merdeka.com (dalam bahasa Inggris). 2014-06-03. Diakses tanggal 2021-05-28. 
  2. a b Khaira, Bismi. "Mencicipi Nasi Sek, Nasi Seratus Kenyang di Kota Pariaman". www.goodnewsfromindonesia.id (dalam bahasa Indonesia). Diakses tanggal 2021-05-28. 
  3. "Nasi sek Pariaman dulu Rp100 kini Rp10 ribu". beritagar.id. Diakses tanggal 2021-05-28. [pranala nonaktif permanen]