Pisang goreng

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Pisang goreng adolah makanan ringan nan banyak di tamuan di Indonesia, salah ciek nyo di provinsi Sumatera Barat. Makanan iko dibuek dari buah pisang. Buah pisang tasabuik kamudian di kupeh kuliknyo, kamudian dipotong-potong sasuai bantuak nan diinginan. Salanjuinyo, buah pisang tadi di masuakan kadalam adonan kental nan tabuek dari campuran tapuang, saketek garam jo gulo. Salanjuiknyo barulah digoreng ka dalam minyak goreng.[1]

Pisang goreng ko acok ditemuan atau dijual di pinggia-pinggia jalan atau di kadai kopi sabagai makanan pandampiang teh atau kopi. Pado maso kiniko pisang goreng marupoan makanan nan sangaik tanamo di Indonesia. Kadang-kadang pisang goreng diagia tambahannyo sarupo keju, susu kental manih, cokelat, dan lainnyo.[1]

Macam-macam pisang goreng[suntiang | suntiang sumber]

Ado babarapo jinih dari olahan pisang goreng ko sarupo pisang molen nan bantuaknyo labiah ketek nan dibaluik jo lilitan adonan tipih kamudian digoreng dalam minyak goreng. Salan itu ado lai babagai jinih dari pisang goreng nan dapek batahan lamo, sahinggo dapek dibungkuih dan dijadian sabagai oleh - oleh khas, namanyo pisang sale, produsen makanan iko dapek di tamui di babarapo daerah di indonesia, salah ciek nyo di Sumatera Barat.[2]

Rujuakan[suntiang | suntiang sumber]

  1. a b "Manajemen Psiang Goreng Crispy" (PDF). Diakses tanggal 26 Januari 2020. 
  2. "Studi Komparatif Usaha Pisang Sale" (PDF). Diakses tanggal 26 Januari 2020.