Rijsttafel
 Acara rijsttafel ketek-ketek kutiko alek di Balando | |
| Asa | |
|---|---|
| Namo lain | "Rice table" |
| Nagara | Hindia Belanda (Abaik 19-awal abik 20 Indonesia) |
| Daerah | Jao |
| Pambuek | Masyarakat kolonial Indonesia |
| Detail | |
| Jinih idangan | idangan utamo |
| Panyajian | angek atau suhu kamar |
| Bahan utamo | Nasi jo lauaknnyo |
| Variasi | Nasi campur, Nasi Rames (Indo) |
| Informasi lain | konsepnyo makan sacaro mewah, bukan idangan populer Belanda |
Rijsttafel (dibaco "rèisttafel" sacaro harafiah dalam Bahasa Belanda nan barati "meja nasi") marupoan caro panyajian makanan nan diuruik jinih makannyo, makanan nan disajian barasa dari babagai daerah di Nusantara. Caro panyajian sarupo iko bakambang sajak maso kolonial Hindia Belanda nan mamaduoan adaik jo caro makan basamo Eropa jo kabiasoan makan panduduak satampek nan mamakan nasi sabagai makanan pokok jo sambanya. Caro panyajian iko populer di kalangan masyarakaik Eropa-Indonesia, namun juo disanangan dsi Belanda jo masih ado di Indonesia pado maso kini ko.[1]
Rijsttafel pado mulonyo konsep panyajian makanan nan langkok sasuai caro makan basamanyo urang Eropa dalam acaro rasmi, nan didului makan makanan pambuka (appetizer), lalu makanan utama, jo ditutuik makanan panutuiknyo. Ado pulo pandapek lain nan mangatoan jiko rijsttafel mengadopsi caro panyajian "idang" (makanan disajian jo piriang ketek) nan biaso ditamun di rumah makan Nasi Padang, dari Sumatra Barat.[2] Poin utamo rijsttafel adolah caro panyajian jo mariahnyo kutiko makan. Dalam rijsttafel, makanan nan disajian bukanlah masakan Eropa malainkan masakan Nusantara, masakan "hibrida" barat, Asia, jo Nusantara, sarato —sabagian ketek— makanan Barat. Nan biasonnyo ado bakatan jo minuman beralkohol, sarupo bir, anggur jo gin.
Menu nan disajian pun baragam manyasuaian salero. Walau co itu, ado pulo menu nan biasonyo ado yaitu nasi goreng, randang, opor ayam, sate (babi), jo sarato karupuak jo sambalado.
Maskipun masakan nan disajian adolah masakan Indonesia, asa-mulo rijsttafel adolah sijarah kolonial. Pado maso kolonial Hindia Belanda, para panguaso jo urang kayo Balando mambuek pajamuan iko sabagai sarana untuak menikmati aneka ragam makanan Nusantara dalam satu kesempatan, sakaligus untuak mambuet para tamu takasan jo mancaliak kakayoan jo katapandangan koloninyo nan eksotik.[3]
Etimologi[suntiang | suntiang sumber]
Dalam bahasa Belanda: rijst barasa dari bahaso Prancis kuno ris; berarti bareh atau nasi, sadangkan tafel dalam bahaso Balando barasa dari Latin tabula; barati meja [4] Mako rijsttafel sacaro harfiah barati "meja nasi", atau tapeknyo idangan nasi sarato babagai sayur-mayua jo lauak-pauak nan disajian dalam satu meja.
Sijarah[suntiang | suntiang sumber]
Dikana jo jamuan alek pado era Kolonial Belanda, rijsttafel dibuek sabagai bantuak pajamuan rasmi (makan siang atau makan malam) nan mariah dapek mawakili keanekaragaman suku-bangsa di Nusantara. Aneka macam idangan ko dikumpuan dari ujuang ka ujuang nagari; khazanah kuliner khas dari berbagai pulau di Indonesia — dari Jawa Tengah, makanan nan tanamo jo disanangi antaro lain sate, tempe, jo serundeng. Dari Batavia jo Priangan masakan sayuran nan disukuoi sarupo gado-gado, lodeh jo sambal jo lalab. Citoraso padeh jo kayo bumbu rampah dalam idangan rendang jo gulai dari Ranah Minang di Sumatra Barat. Idangan populer Hindia Belanda lainnyo juo disajian sarupo nasi goreng, soto ayam jo karupuak. Ado pulo sajian idangan Indonesia "hibrida"; sarupo masakan Tionghoa Indonesia babi kecap, lumpia, jo bakmi, sarato idangan nan tapangaruah Eropa sarupo semur daging. Masih banyak pulo pilihan idangan dari ratusan pulau di Indonesia nan tadiri dari 300 suku bangsa.
Pado maso kolonial, sajian rijsttafel paliang bergengsi di Hindia Belanda adolah luncheon (makan siang) tiok ari Akaik di Hotel des Indes di Batavia jo Hotel Savoy Homann di Bandung, nan nasi disajian basamo labiah dari 60 macam idangan.[5] Pado maso jayanyo di era Hindia Belanda, versi jamuan resmi rijstaffel paliang mewah tadiri ateh iring-iringan para palayan bapakaian resmi (kain kebaya untuak palayan wanita atau beskap, blangkon, barsaruang kain batik untuak palayan pria), sacaro khidmat jo resmi manyajian belasan inggo puluhan piriang barisi babagai macam idangan sacarp maraton ka meja makan di tampek para tamu pajamuan duduak. Sajian partamo adolah nasi putiah kadang babantuak tumpeng ketek disajian di piriang tamu, kudian ciek ciek palayan datang mambaok aneka macam idangan nan tadiri ateh lauak-pauak, sayuran, goreang, sambalado jo karupuak. Idangan iko dilatakan jo dibasoan kapado para tamu jamuan makan nan ado pulo langsuang maambiak surang piriang yang dibaok palayan. Iriang-iriangan palayan iko datang siliah baganti mambaok idangan hinggo labiah dari 40 macam idangan. Ado pulo caro panyajia manyadion nasi putiah nan dikaliliangi dek banyak lauak, samba, jo sayua, idangan ko mirip prasmanan nan kini dikana.
Pado maso pendudukan Jepang jo salapeh kemerdekaan Indonesia 1945, rijsttaffel di bawa ke Belanda dek urang Balando kolonial jo orang Indo nan barangkek repatriasi ka Balando. Sajian iko tetap manjadi kabiasaan pado keluarga Belanda nan mampunyoi latar jo aka keluarga kolonial Hindia Belanda. Akan tetapi di Indonesia salapeh parang kemerdekaan 1945, bakambang gerakan nasionalisme nan manulak sagalo unsur budaya jo tradisi paninggalan kolonial Balando nan dianggok mengeksploitasi bangsa Indonesia, tamasuak rijsttafel jo jajaran palayan pribumi nan dianggok talalu mewah jo flamboyan. Kini rijsttafel sacaro praktis hampia ilang di Indonesia, hanyo disajian di rumah makan mewah di Indonesia dan jumlahnyo anyo saketek.
Daftar idangan nan disajian dalam rijsttafel[suntiang | suntiang sumber]
Barikuik iko adolah daftar singkat, maskipun kurang langkok, atas berbagai hidangan nan acok disajian dalam pajamuan rijsttafel. Kombinasi jinih idangan dapek babeda-beda tagantuang pado salero jo nan tasadio.
- Babi kecap – parui babi dimasak dalam kecap manis digemari di Belanda,untuak versi halal di Indonesia lazim diganti jo semur daging
- Bebek betutu – bebek panggang jp daun pisang
- Gado-gado
- Karupuak
- Lumpia
- Nasi goreang
- Nasi kuniang
- Perkedel
- Pisang goreng
- Sambal iris
- Sambal kacang
- Sambal ulek
- Sate dapek disajian dalam babagai pilihan dagiang: sate ayam, sate kambiang, sate babi, sate lilit
- Semur daging
- Serundeng
- Tahu talua
- Talua balado
- Sayur lodeh
- Rendang
- Lemper
- Opor ayam
Rijsttafel kini[suntiang | suntiang sumber]
Meski populer di Balando jo lua nagari, rijsttafel jarang ditamuan di Indonesia. Iko mungkin karano kabanyakan idangan Indonesia ado ciek atau bahkan bamacam-macam lauak pauak sabagai palangkok makan nasi (ikan, ayam, dagiang, talua ayam, atau sumber protein lainnya), sayua (baiak disajian sacaro mantah, tumih, atau sup) sarato idangan palangkok lain sarupo sambalado, acar, atau karupuak. Mengkonsumsi makanan labiah dari jumlah nan lazim dapek dikecek an balabiahan, terlalu mewah, maha jo cama. Patuik diingek idangan nan disajian dalam rijsttafel antaro 7 inggo 40 jinih makanan. Versi paliang dakek idangan sarupo iko dapek ditamuan di nasi padang atau nasi campur. Salah satu restoran nan masih batahan manyajian rijsttafel otentik adolah Restoran Oasis di Jakarta. Rijsttafel Oasis disajian dek 15 palayan. Akan tetapi di babagai restoran Indonesia di luar negeri, khususnyo Belanda jo Afrika Selatan, rijsttafel tetap populer.
Sejak Juli 2011, Garuda Indonesia menyajian rijsttafel Indonesia untuak panumpang kaleh eksekutif sabagai layanan khas dalam penerbangan.[6] Jamuan makan khas Indonesia iko dimaksuikan untuak mangenalan para panumpang jo ragam masakan Indonesia dalam satu kesempatan, sabagai bagian dari pengalaman tabang basamo Garuda Indonesia. Idangan rijsttafel dalam penerbangan iko tamasuak aneka idangan khas Indonesia nan tanamo: pilihan nasi kuning atau nasi putih, jo aneka idangan sarupo sate, randang, gado-gado, ayam rica-rica, kakap saus acar kuning, sambal goreng udang, perkedel kentang, tempe, dan pilihan karupuak atau rempeyek.[7] [8]
Caliak pulo[suntiang | suntiang sumber]
Rujukan[suntiang | suntiang sumber]
- ↑ Soemantri, Kevindra (2021). Jakarta A Dining History. Jakarta: Gramedia Pustaka Utama. pp. 20. ISBN 9786020649108.
- ↑ "What is rijsttafel?". Diarsipkan dari versi asli tanggal 2016-09-13. Diakses tanggal 2021-09-29.
- ↑ "Bob Martin: The Rise and Fall of Indonesia's Rice Table". Diarsipkan dari versi asli tanggal 2011-10-07. Diakses tanggal 2013-07-28.
- ↑ http://www.merriam-webster.com/dictionary/rijsttafel rijsttafel
- ↑ Fadly Rahman (16 December 2010). "Rijsttafel: The History of Indonesian Foodways". Kompasiana. Kompasiana. Diarsipkan dari versi asli tanggal 2013-09-21. Diakses tanggal 28 July 2013.
- ↑ New TV Commercial: Discover our Signature In-flight Service with Revitalized Fleet
- ↑ Rijsttafel di Udara
- ↑ All new Garuda Indonesia Experience 2011 Commercial
Pranala luar[suntiang | suntiang sumber]
- "Rijsttafel - The Crown Jewel Of The Indonesian Cuisine". Artikel pada ThingsAsian edisi14 Desember 2003. Diakses 13 Nov. 2008.
- Hulupi, ME. "Rijstafel: finding enough room for all those dishes"[pranala nonaktif permanen][pautan nonaktif salamonyo]. Arsip The Jakarta Post edisi 29 Okt 2003. Diakses 13 Nov. 2008.
