Gulo

Wikipedia Minangkabau - Lubuak aka tapian ilimu
Kristal Gulo yang sudah dimurnikan.


Gulo adolah suatu karbohidrat sederhana yang manjadi sumber energi jo komoditi padagangan utamo. Gulo paliang banyak dipadagangan dalam bantuak kristal sukrosa padek. Gulo digunoan untuak maubah raso manjadi manih dalam manjalehan kaadaan makanan atau minuman. Jinih gulo sederhana sarupo glukosa (yang diproduksi dari sukrosa jo enzim atau hidrolisis asam), manyimpan energi yang akan digunoan dek sel.

Gulo sabagai komoditi[suntiang | suntiang sumber]

Gulo sabagai sukrosa didapek dari nira, tabu, bit gulo, atau aren. Walaupun baitu, tadapek sumber-sumber gulo minor lainnyo, sarupo karambia. Sumber-sumber pamanih lain, sarupo umbi dahlia, anggur, atau bulir jaguang, mangasilan samacam pamanih tapi indak tasusun dari sukrosa sabagai komponen utamo. Proses untuak mangasilkan gulo masuak ka dalam tahap ekstraksi (paramehan) salanjuiknyo dimurnian malalui distilasi (panyulingan).

Negara-negara panghasil gulo yang paliang banyak adolah negara-negara baiklim angek sarupo Australia, Brasil, jo Thailand. Hindia Belanda (kini ko Indonesia) pernah manjadi produsen gulo utamo dunia pado tahun 1930-an, tapi tasaingi dek industri gulo baru yang labiah efisien. Pado tahun 2001/2002 gulo yang diproduksi di negara bakembang duo kali lipek labiah banyak dibandingan gulo yang diproduksi negara maju. Panghasil gulo yang paliang tinggi adolah Amerika Latin, negara-negara Karibia, jo negara-negara Asia Timur.

Lain halnyo jo gulo bit yang diproduksi di tampek yang baiklim labiah sajuak sarupo Eropa Barat Laut jo Timur, Japang utara, sarato sajumlah daerah di Amerika Sarikek, musim panumbuhan bit barakhia katiko maso panen di bulan September. Proses panen jo proses lainnyo balanjuik sampai Maret di sajumlah kasus. Lamonya proses panen jo proses lainnyo tu dipangaruhi dari sisi tasadio atau indaknyo tumbuhan jo cuaca. Bit yang alah dipanen dapek disimpan untuak di proses labiah lanjuik, untuak bit yang mambaku indak bisa diproses baliak.

Pangimpor gulo utamo adolah Uni Eropa (UE). Paraturan patanian di UE manetapan kuota maksimum produksi dari satiok anggota sasuai jo pamintaan, panawaran, jo harago. Sabagian dari gulo ko adolah gulo "kuota" dari industry levies, sisosnyo adolah gulo "kuota c" yang dijua pado harago pasa tanpa subsidi. Subsidi jo pajak impor yang tinggi mambuek negara lain sulik untuak maekspor ka negara negara UE, atau basaiang di pasa dunia. Amerika Sarikek manetapan harago gulo tinggi untuak mandukuang pambueknyo, hal iko punyo efek sampiang, tapi banyak para konsumen baraliah ka sirup jaguang (pambuek minuman) atau pindah dari negara tu (pambuek gulo-gulo).

Pasa gulo disarang pulo dek harago sirup glukosa yang murah. Sirup tu diproduksi dari jaguang (maizena). Kok dikombinasian jo pamanih buatan, pambuek minuman dapek mamproduksi barang yang haragonyo sangaik murah.

Sijarah Industri Gulo di Indonesia[suntiang | suntiang sumber]

Sumber gulo di Indonesia sajak maso lampau adolah cairan bungo (nira) karambia atau enau, sarato cairan batang tabu. Tabu adolah tumbuhan asli dari Nusantara, tarutamo di bagian timur.

Katiko urang-urang Balando mulai mambukak koloni di Pulau Jawa, parak-parak tabu monokultur mulai dibukak dek tuan-tuan tanah pado abaik ka-17, patamonyo di sakitar Batavia, salanjuiknyo bakambang ka arah timur.

Puncak kagamilangan pakabunan tabu dicapai pado tahun-tahun awal 1930-an, tasadio 179 pabrik pangolahan sarato mangasilan produksi tigo juta ton gulo per tahun[1]. Panurunan harago gulo akibaik krisis ekonomi marontokan industri ko sahinggo pado akhia dekade hanyo tasiso 35 pabrik yang produksinyo 500 ribu ton gulo per tahun. Situasi agak puliah manjalang Parang Pasifik yang ditandoan dari jumlah pabrik batambah manjadi 93 pabrik jo produksi 1,5 juta ton. Sausai Parang Dunia II, tasiso 30 pabrik aktif. Tahun 1950-an tadapek aktivitas baru sahinggo Indonesia manjadi eksportir netto. Pado tahun 1957 sadolah pabrik gulo dinasionalisasi sarato pamarintah sangaik maregulasi industri ko. Sajak 1967 sampai kini ko, Indonesia manjadi importir gulo baliak.

Macetnyo riset paguloan, pabrik-pabrik gulo di Jawa yang katinggalan teknologi, tingginyo tingkek konsumsi (tamasuak untuak industri minuman ringan), sarato kurangnyo investor untuak pambukaan lahan tabu di lua Jawa manjadi panyabab suliknyo swasembada gulo[1].

Pado tahun 2002 dicanangan target Swasembada Gulo 2007[2]. Untuak mandukuangnyo dibantuak Dewan Gulo Indonesia pado tahun 2003 (manuruik Kepres RI no. 63/2003 tantang Dewan Gulo Indonesia)[3]. Target ko kamudian ditundo-tundo taruih[2].

Jinih[suntiang | suntiang sumber]

Gulo merah[suntiang | suntiang sumber]

Gulo merah adolah jinih gulo yang dibuek dari nira, yaitu cairan yang dikaluaan dari bungo pohon keluarga palma, sarupo karambia, aren, jo siwalan. Gulo merah yang dipasaran dalam bantuak cetakan batangan silinder, cetakan satengah bola jo bubuak curah disabuik sabagai gulo samuik.

Gulo tabu[suntiang | suntiang sumber]

Gulo tabu kabanyakan dijua dalam bantuak gulo kristal curah. Mulonyo bahan mantah diancuan jo dipareh, sarinyo dikumpuan jo disariang, cairan yang tabantuak kamudian ditambahan jo bahan tambahan (biasonyo manggunoan kalsium oksida) untuak mailangan kaindakmurnian, campuran tu diputihan jo belerang dioksida kudian. Campuran yang tabantuak salanjuiknyo dididihan, endapan jo sampah yang mangambang salanjuiknyo dipisahan. Sasudah cukuik murni, cairan didinginan jo dikristalan (biasonyo sambia diaduak) untuak mamproduksi gulo yang dapek dituang ka cetakan. Sabuah masin sentrifugal dapek pulo digunoan pado proses kristalisasi.

Gulo batu adolah gulo tabu yang indak malalui tahap kristalisasi. Gulo kotak/blok adolah gulo kristal aluih yang dipres dalam bantuak dadu. Gulo mantah (raw sugar) adolah gulo kristal yang dibuek indak malalui proses pamutihan jo balerang. Rononyo agak kacoklatan dek masih manganduang molase, tapi kini ko gulo batu alah barasiah dalam pambuatannyo sahinggo gulo batu yang barono coklat alah indak ado lai.

Gulo bit[suntiang | suntiang sumber]

Sasudah dicuci, bit salanjuiknyo di potong-potong, gulonya di ekstraksi jo aia angek pado sabuah diffuse. Pamurnian dilakuan jo manambahan larutan kalsium oksida jo karbon dioksida. Sasudah panyaringan campuran yang alah tabantuak salanjuiknyo dididihan sampai kandungan aia yang tasiso hanyo 30% sajo.

Gulo salanjuiknyo diekstraksi jo kristalisasi takontrol. Kristal gulo dipisahan jo masin sentrifugal. Sentrifugasi dilakuan untuak mamisahan kristal gulo jo molasses. Supayo sentrifugasi balangsuang sacaro optimal, prosesnyo dipangaruhi jo pangaturan kacepatan putaran. Kacepatan putaran mampangaruhi pulo kakuatan masin dalam malapehan lapisan molasses dari kristal gulo. Kacepatan putaran sentrifugasi jo cairan yang tasiso digunoan untuak tambahan pado proses kristalisasi salanjuiknyo. Ampas yang tasiso (yang indak bisa diambiak gulonyo) digunoan untuak makanan taranak, sahinggo tabantuaklah gulo putiah yang salanjuiknyo disariang ka dalam tingkek kualitas tatantu untuak kamudian dijua.

Caliak pulo[suntiang | suntiang sumber]

Rujuakan[suntiang | suntiang sumber]

  1. a b Indonesia. Proc. of the Fiji/FAO Asia Pacific Sugar Conference
  2. a b Arifin, B. 2009. Ekonomi swasembada gula di Indonesia.
  3. Kepres RI no. 63/2003. Artikel di TempoInteraktif, edisi 02 April 2004

Pranala lua[suntiang | suntiang sumber]