Es teler

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Es Teler

Es teler adolah minuman buah asli Indonesia. Pokat, Karambia Mudo, Cincau, Nangko, dan buah-buahan lainnyo dihidangan jo santan, susu kental manih, daun Pandanus amaryllifolius (biasanyo dalam bantuak sirup raso karambia jo pandan), gulo, jo saketek garam.

Sejarah[suntiang | suntiang sumber]

Es teler marupoan minuman asli dari Jawa Tangah, Indonesia. Asal mulo atau sajarah kironyo dari Kabupaten Sukoharjo. Pado taun 1957, minuman iko muncul dek di sobokan dek Hj.Samijem Darmo Putro (Ibunda Tukiman Darmowijono), urang kampuang Juron,Kecamatan Nguter, Kabupaten Sukoharjo, Jawa tengah.

Hj. Samijem jo Tukiman adolah urang pertamo nan menyobokannyo. “Memang awalnyo ambo nan manyobokan racikan es teler itu. Sudah itu, es teler banyak dima - dima. Ambo sangajo indak mematenkannyo,” keceknyo.

Demi menopang hidup, kaluargo Darmo Putro merantau ka Jakarta sabagai padagang buah asongan didaerah Menteng, Jakarta Pusat. Diraso hasil dari badagang buah kurang untuak memenuhi kabutuhan sehari-hari, kaluargo Darmo Putro (Tukiman Darmowijono) lalu berinisiatif untuak manjua es buah. Seiringnya bajalannyo waktu, mareka berinovasi jo mancampuran buah nangka, karambia, pokat, sirup, jo susu. Tanpa diduga, banyak urang nan suko jo campuran babagai buah tasabuik.

Namo itu diambiak dari ungkapan saurang pelanggan nan mengecekan “esnyo mambuek teler“. Dari ungkapan itu es teler diraso cocok sabagai namo minuman lamak iko.

Bamodalan keberanian, tekat, dan saketek pitih, kaluargo darmo putro lalu mambuka waruang makan didaerah Cikini, Jakarta Pusek di kawasan metropol Megaria. Rumah makan tasabuik diagiah namo Es Teler Sari Mulia Asli. Dirumah makan iko, manyadioan juo Ayam Goreng, Bakso, Siomay, jo babagai aneka minuman. Dan usaho kaluargo Darmo Putro bakambang hinggo kini.

Hingga kini beliau alah punyo 7 cabang nan alah didirianyo. Indak tangguang-tangguang pelanggannyo pun banyak dari kalangan artis jo politisi tanamo, misalnyo Rieke Dyah Pitaloka, Jarwo Kuat, Puan Maharani, Faisal Basri, Gatot Amrih nan juo mantan Bupati Sukoharjo, dan indak ketinggalan sajumlah sanak jo Keluarga Cendana (keluarga mantan Presiden Soeharto). Beliau juo pernah diundang Ebeth Kadarusman nan juo manjadi salah satu pelanggan setia es telernyo, untuak mangikuti siaran di televisi pado taun 1993.

Ndak nio dianggap lupo jo kampuang halaman, Keluarga Darmo Putro juo mambuka rumah makan di Sukoharjo, di Jl. Raya Veteran No.30. Sabagai tampek nan dicari untuak makan, pado taun 2005 Es Teler rasmi dijadian minuman khas Sukoharjo dek Bambang Riyanto Bupati Sukoharjo nan menjabaik wakatu itu 2005.

Referensi[suntiang | suntiang sumber]

http://klatenupdate.com/184/ternyata-penemu-es-teller-adalah-orang-sukoharjo/