Asam padeh

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Asam Padeh
Ikan Asam Padeh Padang.jpg
Asam Padeh Ikan
Asa
Namo lainSampadeh, sampodeh, asam podeh (dialek Minangkabau lainnyo)
Asam pedas (Indonesia)
NagaraIndonesia
DaerahSumatera Barat
PambuekMinangkabau
Detail
Jinih idanganMakanan Utamo
PanyajianAngek atau Ngilu Kuku
Bahan utamoIkan dimasak dalam kuah asam jo padeh

Asam padeh, sampadeh, atau asam podeh (bahaso Melayu: Asam pedas, bahaso Inggirih: Sour and spicy) adolah salah satu masakan tradisional Minangkabau jo Malayu (Riau, Kepulauan Riau, Jambi, jo Samananjuang Malaya) nan punyo raso asam jo padeh. Masakan ko mampagunokan baragam jinih ikan jo hidangan lauik sarupo ikan ambu-ambu, kakap, tuna, Ikan gambolo, kaluih, jo cumi-cumi sabagi bahan utamo nan kudian dibumbui jo asam jao, lado, jo rempah-rempah lainnyo. Salain ikan, asam padeh ko ado pulo nan babahan utamo dagiang.[1]

Caro mambuek[suntiang | suntiang sumber]

Asam padeh ikan

Bahan-bahan nan digunoan untuak mambuek asam padeh ko barupo asam kandih, langkueh, kunyik, bawang merah, bawang putih, sarai, sipadeh, daun ruku-ruku, jo daun salam. Langkah patamo mambuek asam padeh ko iolah mambarasiahan jo mamotong ikan sarato diagiah garam jo cuko. Sasudah tu bahan-bahan untuk bumbunyo dialuihan kecuali daun-daun, langkueh, jo asam kandih. Bumbu nan alah dialuihan tadi diabuih jo aia, daun kunyik, daun salam, jo sarai sampai manggalagak. Sasudah tu ikan nan alah bapotong tadi dimasuakan ka bumbu tadi, dimasak sampai agak masak. Dimasuakan pulo asam kandih jo garam, dimasak sampai bumbunyo marasok ka ikan. Manjalang api dimatian, masuakan daun ruku-ruku tu dimasak sabanta. Kalau alah masak, matian api, asam padeh siap untuak dihidangan.[2]

Rujuakan[suntiang | suntiang sumber]

  1. Detikfood, Tim. "Masak Masak : Asam Padeh Ikan Tongkol yang Pedas Segar". detikfood. Diakses tanggal 2021-05-23. 
  2. Media, Kompas Cyber (2020-09-28). "Resep Ikan Asam Padeh, Hidangan Berkuah dari Padang Tanpa Santan". KOMPAS.com. Diakses tanggal 2021-05-23.