Sipadeh
| Sipadeh
| |
|---|---|
Zingiber officinale  | |
 | |
| Data | |
| Sumber dari |
sipadeh, ginger rhizome (en)  jo Zingiberis Siccatum Rhizoma (en) |
| Tumbuahan | |
| Jenis buah |
kapsul |
| Status konservasi | |
| Kakurangan data | |
| UICN | 88308170 |
| Taksonomi | |
| Divisi | Tracheophytes |
| Subdivisi | Spermatophytes |
| Klad | Angiosperms |
| Klad | monocots |
| Klad | commelinids |
| Ordo | Zingiberales |
| Famili | Zingiberaceae |
| Genus | Zingiber |
| Spesies | Zingiber officinale Roscoe, 1807 |
|
| |
 | |
Sipadeh (namo ilmiah: Zingiber officinale, Indonesia: Jahe) adoleh ciek tumbuahan babungo nan akanyo (rimpang) biaso dipakai urang untuak langkok-langkok jo ubek tradisional.[1]
Produksi
[suntiang | suntiang sumber]Di taun 2013, produksi sipadeh dunia mancapai 2,1 juta ton, di mano India mangasiakan 33%, diikuti dek Cino (19%), Nepal, Indonesia, jo Nigeria (caliak tabel).[2]
Komposisi jo kaamanan
[suntiang | suntiang sumber]Apobilo dimakan dalam jumalah nan patuik sajo, sipadeh umumnyo indak ado efek sampiangnyo.[3] Sipadeh tamasuak dalam daftar "makanan nan aman sacaro umum" dari FDA,[4] sungguahpun dapek tajadi interaksi jo babarapo ubek, misanyo jo ubek antikoagulan warfarin[5] sarato ubek kardiovaskular nifedipine.[6]
Panah ditamuan produk asa Cino di Taiwan nan manganduang sipadeh nan lah tacampua diisobutyl phthalate (aditif plastik), inggo sakita 80.000 kapsul suplemen nutrisi nan dibuek dari tapuang sipadeh impor disita dek Departmen Kasiatan Umum Taiwan pado bulan Juni 2011.[7]
Kandungan kimiawi
[suntiang | suntiang sumber]Aroma jo raso kusuih sipadeh baasa dari minyak-minyak atsiri nan marupoan 1-3% dari barek sipadeh baru, tarutamo adolah zingerone, shogaol jo gingerol, di mano [6]-gingerol (1-[4'-hydroxy-3'-methoxyphenyl]-5-hydroxy-3-decanone) adolah sanyao padeh utamo.[1][8][9]
| Produksi Sipadeh, 2013 | ||||
|---|---|---|---|---|
| Nagara | Produksi (juta ton) | |||
 India |
||||
 China |
||||
 Nepal |
||||
 Indonesia |
||||
 Nigeria |
||||
|
Sumber: Food and Agricultural Organization of the United Nations, FAOSTAT[2] | ||||
Zingerone diasiaan dari gingerol salamo pangariangan, padehnyo agak kurang jo aromanyo padeh-manih.[9]
Efek biologis
[suntiang | suntiang sumber]Sipadeh maasiaan aksi sialagogue, iyolah maransang produksi aia liua, nan mambuek labiah mudah manalan.[10]
Amo jo panyakik
[suntiang | suntiang sumber]Serangga atau binatang ketek marupokan amo nan dominan marusak sipadeh. Tigo amo nan dominan antaronyo kepik, ulek panggiriak urek, sarato kumbang. Kepik manyarang daun inggo balubang, sadangkan ulek panggiriak urek manyarang urek inggo tanaman manjadi kariang jo mati.[11]
Panyakik nan dijumpoi pado sipadeh, di antaronyo:[12]
- Panyakik layu bakteri
- Panyakik busuak rimpang
- Panyakik bacak daun
Panyakik layu bakteri manyarang sipadeh nan barumua 3-4 bulan. Paliang banyak dipanagaruahi dek udaro nan dingin, ganangan aia, sarato tanah nan lambok. Gajalo dari panyakik ko adolah alaian daun bawah malipek sarato mangguluang kudian barubah warono manjadi kuniang inggo mangariang. Tuneh batangnyo manjadi mambusuak, inggo tanaman mati rabah. Pado rimpang nan sakik, ka nampak baso warononyo manjadi galok jo mambusuak saketek sarato bagaladia putiah katiko dikarek.[12]
Panyakik busuak rimpang dapek masuak ka rimpangnyo dek luko pado rimpangnyo. Panyakik ko muncua pado suhu udaro 20-25oC. Gajalo dari panyakik ko adolah daun bagian bawahnyo manjadi kuniang lalu layu inggo mati.[12]
Panyakik bacak daun atau bercak daun adolah panyakik mamindah pado tanaman dek bantuan angin. Bisa muncua dek luko atau jo indak adonyo luko. Gajalo dari panyakik ko adolah muncuanyo bacak-bacak barukuran 3-5 cm nan barono kulabu jo bintiak itam di tangahnyo. Samantaro tapiannyo busuak basak. Tanaman nan tasarang panyakik ko dapek mati.[12]
Pangandalian
[suntiang | suntiang sumber]Pangandalian amo jo panyakik pado sipadeh dilakukan sacaro tapadu nan dimulai samanjak pananaman. Komponen-komponen pangandaliannyo antaro lain:[13]
- Mamiliah bibik unggua nan sihaik bebas dari amo jo panyakik
- Mamaksimalkan musuah-musuak alami amo
- Manggunokan varietas unggua nan tahan dari sarangan amo jo panyakik
- Malakukan pangandalian fisik jo tanago manusia
- Manggunokan caro-caro budidayo nan elok sarupo tumpang sari jo pamiliahan tanaman nan saliang manunjang, sarato rotasi tanaman untuak mamutuih mato rantai amo jo panyakik mamindah
- Panggunoan pestisida, insektisida, herbisida alami
Pangandalian amo jo panyakik pado sipadeh dapek dibantu juo jo tanaman lainnyo. Tanaman-tanaman nan baguno sabagai pangandali alami antaro lain:[14]
- Timbakau (Nicotiana tabacum), manganduang nikotin untuak insektisida kontak sabagai racun paruik pado binatang ketek, contohnyo pado golongan kutu daun (Aphidoidea).
- Piretrum (Chrysanthemum cinerariaefolium), manganduang piretrin nan dapek digunokan sabagai insektisida sistemik nan manyarang urek saraf pusek binatang. Aplikasi tanaman ko jo caro disemprot ka langau, rangik, amo gudang, jo lalek buah.
- Tubo (Derris elliptica jo Derris malaccensis), manganduang rotenone untuak insektisida semprot.
- Neem tree atau kayu min (Azadirachta indica), manganduang azadirachtin nan baguno sabagai insektida. Aplikasinyo dapek dialkukan untuak malawan serangga pangisok cando wereng jo serangga pangunyah cando amo pangguluang daun (Cnaphalocroris medinalis)
- Bingkuang (Pachyrrhizus erosus), bijonyo manganduang rotenoid, yaitu pakhirizida nan dapek digunokan sabagai insektisida jo larvasida.
- Jarangau (Acorus calamus), rimpangnyo manganduang asaron nan dapek dipakai sabagai insektisida serangga, pambasmi cindawan, jo amo gudang (Callosobrocus).
Rujuakan
[suntiang | suntiang sumber]- ↑ a b University of Maryland Medical Centre (2006). "Ginger". Diakses tanggal 2 August 2007.
- ↑ a b "Production/Crops for Ginger, World". Food and Agriculture Organization of the United Nations, Statistics Division. 2013. Diarsipkan dari versi asli tanggal 22 November 2016. Diakses tanggal 24 December 2015.
- ↑ Marcello Spinella (2001). The Psychopharmacology of Herbal Medications: Plant Drugs That Alter Mind, Brain, and Behavior. MIT Press. pp. 272–. ISBN 978-0-262-69265-6. https://books.google.com/books?id=jZeaRiIFbhsC&pg=PA272. Diakses pado 13 April 2013.
- ↑ "Code of Federal Regulations, Title 21, Part 182, Sec. 182.20: Essential oils, oleoresins (solvent-free), and natural extractives (including distillates): Substances Generally Recognized As Safe". US Food and Drug Administration. 1 September 2014. Diakses tanggal 21 December 2014.
- ↑ Shalansky S, Lynd L, Richardson K, Ingaszewski A, Kerr C (2007). "Risk of warfarin-related bleeding events and supratherapeutic international normalized ratios associated with complementary and alternative medicine: a longitudinal analysis". Pharmacotherapy. 27 (9): 1237–47. doi:10.1592/phco.27.9.1237. PMID 17723077.
- ↑ "Ginger, NCCIH Herbs at a Glance". US National Center for Complementary and Integrative Health. Diakses tanggal 25 April 2012.
- ↑ "Taichung City: Nutrition products made with contaminated ginger powder seized – Taiwan News Online". Etaiwannews.com. 16 June 2011. Diarsipkan dari versi asli tanggal 5 March 2016. Diakses tanggal 25 April 2012.
- ↑ McGee, Harold (2004). On Food and Cooking: The Science and Lore of the Kitchen (edisi ke-2nd). New York: Scribner. pp. 425–426. ISBN 0-684-80001-2.
- ↑ a b An K, Zhao D, Wang Z, Wu J, Xu Y, Xiao G (2016). "Comparison of different drying methods on Chinese ginger (Zingiber officinale Roscoe): Changes in volatiles, chemical profile, antioxidant properties, and microstructure". Food Chem. 197 (Part B): 1292–300. doi:10.1016/j.foodchem.2015.11.033. PMID 26675871.
- ↑ Wood, George Bacon (1867). "Class IX. Sialagogues". A Treatise On Therapeutics, And Pharmacology Or Materia Medica: Volume 2. J. B. Lippincott & Co. http://chestofbooks.com/health/materia-medica-drugs/Treatise-Therapeutics-Pharmacology-Materia-Medica-Vol2/Class-IX-Sialagogues.html. Diakses pado 2 Maret 2013.
- ↑ Siregar 2021, hlm. 66.
- ↑ a b c d Siregar 2021, hlm. 67.
- ↑ Siregar 2021, hlm. 68.
- ↑ Siregar 2021, hlm. 69.
Daftar pustaka
[suntiang | suntiang sumber]- Siregar, Ameilia Zuliyanti (2021). Rempah, Bumbu, dan Sayuran Kering Indonesia. Malang: Intimedia. pp. 77. ISBN 9786236813041.
Pautan lua
[suntiang | suntiang sumber]
di Wikimedia Commons
Data tantang Zingiber officinale di Wikispecies- Zingiber officinale List of Chemicals (Dr. Duke's) Archived 2004-11-14 di Wayback Machine.
