Semenanjung Malaya

Dari Wikipedia baso Minang, ensiklopedia bebas
Jump to navigation Jump to search
Semenanjung Malaya

Semenanjung Malaya, Semenanjung Malaka, atau Semenanjung Malayu adalah semenanjung gadang di daerah Asia Tenggara. Pado peta-peta Ptolemeus semenanjung ko dianggap sabagai chersonesus aurea (bahaso Latin, diaratian "semenanjung ameh"). Negarakertagama manyabuiknyo sabagai Ujuang Medini.

Ujung selatan banua Eurasia ko tabantang dari utara ka selatan. Titiak tasampiknyo iolah Tanah Gantiang Kra. Bagian pasisia barat daya tapisah dari pulau Sumatera dek Selat Malaka. Di subarang timur Lauik Cino Selatan talataklah pulau Kalimantan.

Sijarah namo[suntiang | suntiang sumber]

Semenanjung Malaya daulu banamo Chersonesus Aurea ("Semenanjung Ameh") dek Claudius Ptolemy (Ptolemeus), ahli astronomi jo ahli matematika Yunani tanamo, nan mano urang India marujuak kapadonyo sabagai "Tanah Ameh". Namo "Semenanjung Malayu" iolah tajamahan dari Malay Peninsular dalam bahaso Inggirih. Panamuan artefak sarupo tulang, batu, jo siso makanan pauni ngalau di Asia Tenggara, tamasuak di Malaysia, manunjuakan adonyo pasebaran kabudayaan pado zaman prasijarah. Urang Malayu nan marupokan ahli palayaran nan mahia alah mambueknyo tahubuang jo nagara lain dalam urusan padagangan, hal ko manjadikan wilayah Malayu sabagai satu kawasan paniagoan nan manjadi tumpuan sudaga India, Arab, jo Cino.[1]

Manuruik kitab Sijarah Nagari Kedah, Tanah Malayu atau Semenanjung Tanah Melayu daulunyo tanamo sabagai Tanah Segara Masin. Kitab tasabuik mancaritokan juo tantang baa namo Tanah Segara Masin diubah manjadi Tanah Malayu/Semenanjung Malayu.

Istilah itu juo ado disabuik dalam Hikayaik Hang Tuah:

" ... ka-sana-lah patek, lamun pada Tanah Melayu." Maka titah raja: "Baik-lah Tun Tuah dudok di- ... " [2]
" ... ka sinanlah patiah, lamun ka Tanah Malayu." Mako titah rajo: "Baiak-lah Tun Tuah duduak di- ... "
Dalam pamakaian ko, istilah tasabuik dipakai untuak marujuak sacaro umum kawasan nan barado di bawah kuaso Kasutanan Malayu Malaka. [3]

Pambagian wilayah[suntiang | suntiang sumber]

Daerah ko tabagi sacaro politis :

  • daerah barat laut iolah bagian selatan Myanmar
  • wilayah tangah jo timur laut iolah bagian selatan Thailand
  • nan selatan iolah bagian Malaysia nan disabuik Malaysia Barat
  • di ujuang selatannyo talataklah Singapura.

Rujuakan[suntiang | suntiang sumber]

  1. Uqbah Iqbal, Nordin Hussin & Ahmad Ali Seman, Sejarah Perkembangan Nasionalisme Melayu Sebelum Kemerdekaan, Munich: BookRix GmbH & Co. KG., 2014.
  2. Hikayat Hang Tuah
  3. [1]

Caliak pulo[suntiang | suntiang sumber]