Ruku-ruku

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Ruku-ruku
Ocimum tenuiflorum Edit the value on Wikidata
Ocimum tenuiflorum2.jpg
Taksonomi
DivisiTracheophyta
UpadivisiSpermatophytina
KladAngiospermae
Kladmesangiosperms
Kladeudicots
Kladcore eudicots
Kladasterids
Kladlamiids
OrdoLamiales
FamiliLamiaceae
UpafamiliNepetoideae
GenusOcimum
SpesiesOcimum tenuiflorum Edit the value on Wikidata
Linnaeus, 1753
Tata namo
Sinonim takson (id) Terjemahkan
  • Geniosporum tenuiflorum (L.) Merr.
  • Lumnitzera tenuiflora (L.) Spreng.
  • Moschosma tenuiflorum (L.) Heynh.
  • Ocimum anisodorum F.Muell.
  • Ocimum caryophyllinum F.Muell.
  • Ocimum hirsutum Benth.
  • Ocimum inodorum Burm.f.
  • Ocimum monachorum L.
  • Ocimum sanctum L.
  • Ocimum scutellarioides Willd. ex Benth.
  • Ocimum subserratum B.Heyne ex Hook.f.
  • Ocimum tomentosum Lam.
  • Ocimum villosum Roxb. nom. illeg.
  • Plectranthus monachorum (L.) Spreng.
[1]
Ubah di Wikidata

Ruku-ruku (Ocimum tenuiflorum) adolah tanaman rumpun nan tamasuak dalam famili Lamiaceae. Tanaman iko sarupo jo kamangi sainggo acok batuka namo di kalangan awam. Salain jo kamangi, ruku-ruku masih safamili juo jo salasiah.[2] Manuruik asanyo, tanaman ko dipakirokan barasa dari India nan kudian taseba di Asia Tenggara.[3][4]

Ruku-ruku, nan di India disabuik jo tulsi, dibudidayokan untuak urusan ibadaik agamo Hindu[5][6] sarato untuak ubek tradisional. Dipagunokan pulo sabagai teh herbal dalam pangubatan Ayurveda.[7] Di Indonesia, ruku-ruku biasanyo digunokan dalam masakan Minangkabau, baiak dimakan matah sabagai ulam atau dicampua dalam masakan.[8]

Deskripsi[suntiang | suntiang sumber]

Daun ruku-ruku dari dakek

Ruku-ruku adolah tumbuahan tahunan nan tumbuah tagak jo cabang nan banyak. Tumbuahan ko barumpun nan tingginyo dapek mancapai 100 cm. Bungonyo kaunguan tasusun di tandan nan tagak. Daunnyo panjang inggo, tagak, babantuak agak mambulek,[9] barono ijau mudo jo ungu. harum.[10] Ujuang daun tumpua atau tajam, panjangnyo mancapai 5 cm. Wanginyo sarupo cangkeh jo rasanyo paik.[9][11]

Habitat[suntiang | suntiang sumber]

Dari panalitian filogeografi skala gadang jo manggunokan urutan susunan genom kloroplas, nan dilakukan kalompok panaliti dari Universitas Pusek Punjab, Bathinda, didapek baso ruku-ruku barasa dari India Utara.[12] Dari India, tanaman ko taseba ka Asia Tenggara, cando di Thailand,[3] Indonesia, Filipina, jo Malaysia.[13]

Pamanfaatan[suntiang | suntiang sumber]

Masakan[suntiang | suntiang sumber]

Ruku-ruku dimanfaatkan daunnyo sabagai bumbu masak di Asia Tenggara. Khusus di Indonesia, pamakaiannyo hanyo ado dalam masakan Minangkabau nan mandapek pangaruah masakan India.[14] Ruku-ruku dapek dimakan matah sabagai ulam atau dicampua dalam proses masak. Rasonyo agak paik padeh katiko dimakan matah dan samakin bakurang katiko dimasak.[15][8][14]

Dalam masakan, daun ruku-ruku baguno untuak maimpok baun anyia sarato maningkekan raso pado masakan babahan ikan. Daun ruku-ruku juo mambuek raso segar pado masakan basantan dek baunnyo nan tajam. Untuak mandapek aromanyo, daun ruku-ruku dimasuakan salayang sabalun api dimatikan.[14]

Di sabagian daerah di Indonesia, cando di Jao, daun ruku-ruku agak sulik didapek. Untuak maatasinyo dapek digantikan jo daun kamangi. Pabandiangan untuk sahalai daun ruku-ruku adolah duo halai daun kamangi.[14]

Rujuakan[suntiang | suntiang sumber]

  1. "The Plant List: A Working List of All Plant Species". Diakses tanggal 13 January 2015. 
  2. Sri Budi Sulianti. 2008. "Studifitokimia Ocimum spp : Komponen Kimia Minyak Atsiri Kemangi dan Ruku Ruku". Berita Biologi 9(3) Desember 2008.
  3. a b Staples, George; Michael S. Kristiansen (1999). Ethnic Culinary Herbs. University of Hawaii Press. p. 73. ISBN 978-0-8248-2094-7. 
  4. Warrier, P K (1995). Indian Medicinal Plants. Orient Longman. p. 168. ISBN 978-0-86311-551-6. 
  5. Simoons, Frederick J. (1998). Plants of life, plants of death. Univ of Wisconsin Press. pp. 7–40. ISBN 978-0-299-15904-7. https://books.google.com/books?id=KEUAbrBoeBAC&pg=PA14. 
  6. Flood, Gavin D. (2001). The Blackwell companion to Hinduism. Wiley-Blackwell. p. 331. ISBN 978-0-631-21535-6. https://books.google.com/books?id=qSfneQ0YYY8C&pg=PA331. 
  7. Lesley Braun; Marc Cohen (30 March 2015). Herbs and Natural Supplements, Volume 2: An Evidence-Based Guide. Elsevier Health Sciences. p. 996. ISBN 978-0-7295-8173-8. https://books.google.com/books?id=Y951BwAAQBAJ&pg=PA996. 
  8. a b Suhendra. "Salam Perpisahan dan Masakan Padang Kenangan Fahmi Idris". finance.detik.com. Diakses tanggal 6 Mei 2014. 
  9. a b Tim Redaksi 2008, hlm. 131.
  10. Sastrapradja et al. 1981, hlm. 103.
  11. Warrier, P K (1995). Indian Medicinal Plants. Orient Longman. p. 168. ISBN 978-0-86311-551-6. 
  12. Bast, Felix; Pooja Rani; Devendra Meena (2014). "Chloroplast DNA Phylogeography of Holy Basil (Ocimum tenuiflorum) in Indian Subcontinent". The Scientific World Journal. 70 (3): 277–85. doi:10.1155/2014/847482alt=Dapat diakses gratis. PMID 847482. 
  13. "Ocimum tenuiflorum L. GRIN-Global". npgsweb.ars-grin.gov. Diakses tanggal 2020-12-24. 
  14. a b c d Sjoekri, Rima,. Senirasa : teman resep masakan Indonesia. Jakarta. ISBN 978-602-03-2691-7. OCLC 981908286. https://www.worldcat.org/oclc/981908286. 
  15. Djuwita, hlm. 4.

Pustaka