Sala lauak
Sala Lauak adolah makanan tradisional atau jajanan pasa nan populer di ranah Minangkabau atau Sumatera Barat nan asanyo dari Pariaman. Sala dapek ditamukan di pasa tradisional ataupun restoran lapak nan alah modern namun pado umumnyo sala banyak di jua padagang kaki limo. Sala lauak sangaiklah populer di daerah rantau pado ranah minangkabau, karano pado dasarnyo makanan iko indak dapek lapeh dari pasisia ataulah lauik.
Sacaro harfiah, kato sala dapek diartian sabagai 'goreang', nan artinyo digunoan untuak babagai makanan nan diolah jo caro digoreang,mangkonyo sala lauak ko dapek pulo di hidangan lain nan ado sabuikan sala samacam nasi sala, sala udang, dan sala kapitiang. Adopun lauak sacaro sederhana artinyo ikan.[1]
Sala lauak nan paliang umum adolah nan babantuak bulek sagadang bola pingpong. Sala babantuak bulek iko tabuek dari lauak asin nan di aluihkan jo dicampua basamo adonan tapuang bareh nan dibumbui bawang putiah. Sala jenis ikopunyo tekstur bagian lua nan agak kareh dan bagian dalamnyo nan labiah lunak.[1]
Ragam
[suntiang | suntiang sumber]Ragam sala lauak marupokan pangambangan dari sala lauak, sala lauak nan sifaiknyo indak dapek lapeh dari pasisia atau lauik menjadian pangambangan pado sala sandiri jo maubah bahan utamo pado sumber daya lauik, macamnyo :
Sala udang
Sala udang marupokan pangambangan dari sala lauak pado dasarnyo. Sala Udang bahan utamonyo adolah udang, bantuak dari sala udang babeda pado sala lauak bulek nan sarupo jo bola, sala udang babantuak tipihan tapuang malingka nan diatehnyo ditabuakan udang. Proses mambueknyo masih samo jo sala lauak bulek nan digoreang.
Sala kapitiang
Sala kapitiang adolah salah satu pangambangan dari sala luak, jiko diliek dari jauah sala kapitiang bantuaknyo sarupo jo sala udang dan babeda samo sala lauak bulek. sala kapitiang sarupo kapitiang goreang namun ditambah samo adonan tapuang sala katiko digoreang. Sala Kapitiang labiah acok dan cocok dimakan samo nasi.
Nasi sala
Nasi sala adolah sala nan dihidangan basamo nasi jo sambalado. Nasi sala biaso dihidangan di makan pagi atau sarapan karano mamuek porsi nan indak gadang jo sarupo samo lontoang.