Bareh
| Nilai nutrisi per 100 g (3.5 oz) | |
|---|---|
| Energi | 1,527 kJ (365 kcal) |
| Karbohidrat | 79 g |
| - Gulo | 0.12 g |
| - Serat pangan | 1.3 g |
| Lemak | 0.66 g |
| Protein | 7.13 g |
| Air | 11.62 g |
| Tiamina (Vit. B1) | 0.070 mg (5%) |
| Riboflavin (Vit. B2) | 0.049 mg (3%) |
| Niasin (Vit. B3) | 1.6 mg (11%) |
| Asam Pantotenat (B5) | 1.014 mg (20%) |
| Vitamin B6 | 0.164 mg (13%) |
| Folat (Vit. B9) | 8 μg (2%) |
| Kalsium | 28 mg (3%) |
| Besi | 0.80 mg (6%) |
| Magnesium | 25 mg (7%) |
| Mangan | 1.088 mg (54%) |
| Fosfor | 115 mg (16%) |
| Kalium | 115 mg (2%) |
| Zink | 1.09 mg (11%) |
| Persentase marujuak pado rekomendasi Amerika Serikat untuak urang gadang. Sumber: Data Nutrisi USDA | |
Bareh adolah bagian incek atah (padi) nan alah dipisahkan dari sakam. Sakam sacaro anatomi disabuik 'palea' (bagian nan tasuruak) jo 'lemma' (bagian nan manutupi).
Pado salah satu tahap mamproses hasil panen padi, atah ditumbuak jo lasuang atau digiliang sainggo bagian luanyo (kulik atah) talapeh dari isinyo. Bagian isi ikolah nan barono putiah, kasirahan, ungu, atau bahkan itam, nan disabuik bareh.
Bareh umumnyo tumbuah sabagai tanaman taunan. Tanaman padi dapek tumbuah sampai 1–1,8 m. Daunnyo panjang jo tipih jo panjang 50–100 cm sarato leba 2–2,5 cm. Bareh nan dapek dimakan baukuran panjang 5–12 mm nan tabanyo 2–3 mm. Bareh dari sipuluik disabuik bareh sipuluik.
Anatomi bareh
[suntiang | suntiang sumber]Bareh sacaro biologi adolah bagian atah (padi) nan tadiri ateh:
- aleuron, lapih paliang lua nan acok ikuik tabuang dalam proses pamisahan kulik,
- endosperma, tampek sabagian gadang pati jo protein bareh tasimpan, sarato
- embrio, calon tanaman baru (dalam bareh indak dapek tumbuah lai, salain jo bantuan teknik kultur jaringan). Dalam bahaso saari-ari disabuik ujuang bareh atau milukuik (Indonesia: mata beras).
Kanduangan bareh
[suntiang | suntiang sumber]Bak cando incek serealia lain, bagian paliang gadang bareh didominasi dek pati (kiro-kiro 80–85%). Bareh pun manganduang protein, vitamin (utamonyo pado bagian aleuron), mineral, jo aia.
Pati bareh tasusun dari duo polimer karbohidrat:
- amilosa, pati jo struktur indak bacabang
- amilopektin, pati jo struktur bacabang sarato sipaiknyo condong malakek
Pabandiangan komposisi kaduo golongan pati ko sangaik manantuan rono (janiah atau indak) jo tekstur nasi (lakek, lunak, kareh, atau darai). Sipuluik ampia sapanuahnyo didominasi dek amilopektin sainggo sangaik lakek, sadangkan bareh darai punyo kanduangan amilosa malabiahi 20% nan mambuek butiran nasinyo badarai-darai (indak malakek) sarato kareh.
Macam jo rono bareh
[suntiang | suntiang sumber]
Rono bareh nan babeda-beda ditantuan sacaro genetik dek pabedaan gen nan manantuan rono aleuron, rono endospermia, jo komposisi pati pado endospermia.
- Bareh putiah, sasuai namonyo, barono putiah agak janiah dek hanyo mampunyoi saketek aleuron jo kanduangan amilosa umumnyo sakitar 20%. Bareh ko mandominasi pasaran bareh.
- Bareh sirah, dek aleuronnyo manganduang gen nan mamproduksi antosianin nan marupokan sumber rono sirah atau ungu.
- Bareh itam, sangaik langka sabab dek aleuron jo endospermia mamproduksi antosianin jo intensitas tinggi sainggo barono ungu pakek barek ka itam.
- Sipuluik (atau bareh katan), barono putiah, indak janiah, sadoalahnyo atau ampia sadoalah patinyo marupokan amilopektin.
- Sipuluik itam, versi sipuluik dari bareh hitam.
Menteri Pertanian, Suswono sacaro resmi maluncuakan bareh analog nan babahan sagu, jaguang, jo tapuang ubi hasil inovasi Institut Pertanian Bogor[1] (IPB) sabagai kabutuahan pokok pangganti bareh padi. Bantuaknyo pun saroman jo bareh padi.
Babarapo jinih bareh mangaluakan baun arum bilo ditanak (misalnyo 'Cianjur Pandanwangi' atau 'Rajolele'). Baun ko disababkan dek bareh malapehan senyawa aromatik nan mambuek efek wangi. Sipaik ko ditantua sacaro genetik sarato manjadi objek rekayasa genetika bareh.
Di Iran Utara, di Provinsi Gilan banyak kultivar padi indica tamasuak Gerdeh, Hashemi, Hasani, jo Gharib, alah ditanam dek urang ka sawah.[2]
Aspek pangan
[suntiang | suntiang sumber]Bareh dimanpaaikkan utamonyo untuak diolah manjadi nasi, makanan pokok paliang pantiang panduduak dunia. Bareh digunokan juo sabagai bahan pambuek babagai macam masakan jo kue-kue, utamonyo dari sipuluik, tamasuak pulo untuak dijadikan tapai. Salain itu, bareh marupokan komponen pantiang untuak jamu beras kencur jo param di Jawa. Minuman nan tanamo dari olahan bareh adolah tuak jo aia tajin.
Dalam bidang industri pangan, bareh diolah manjadi tapuang bareh. Pamutiahan bareh (lapisan aleuron) nan mampunyoi kanduangan gizi tinggi, diolah manjadi dadak lunak (rice bran). Bagian embrio pun diolah manjadi suplemen makanan nan disabuik milukuik.
Untuak kaparaluan diet, bareh dijadikan sabagai salah satu sumber pangan bebas gluten dalam bantuak baincek-incek.
Di antaro babagai jinih bareh nan ado di Indonesia, bareh nan barono sirah atau bareh sirah diyakini mampunyoi khasiat sabagai ubek. Bareh sirah nan alah dikataui sajak taun 2.800 SM ko dek tabib-tabib sangkek tu dipicayo mampunyoi nilai-nilai medis nan dapek manyihaikkan badan. Walaupun baitu, dibandiangan jo bareh putiah, kanduangan karbohidrat bareh sirah labiah randah (78,9 gr: 75,7 gr), tapi hasia analisis Nio (1992) manunjuakkan nilai energi nan dihasiakan bareh sirah justru di ateh bareh putiah (349 kal: 353 kal). Salain labiah kayo protein (6,8 gr: 8,2 gr), hal itu mungkin disababkan kanduangan tiaminnyo nan labiah tinggi (0,12 mg: 0,31 mg).
Kakurangan tiamin dapek mangganggu sistem saraf jo jantuang, dalam kondisi barek dinamokan beri-beri, jo pitando mulo-mulo nafsu makan bakurang, gangguan cerna, kabobolan (sembelit), palatiah, kapiradan, dado badabok, jo refleks bakurang.
Unsur gizi lain nan ado pado bareh sirah adolah fosfor (243 mg per 100 gr bahan) jo selenium. Selenium marupokan bagian jajak (trace element) nan marupokan bagian esensial dari enzim glutation peroksidase. Enzim ko baguno manjadi katalisator dalam pamacahan peroksida manjadi ikatan nan indak basipaik toksik. Peroksida dapek barubah manjadi radikal bebas nan mampu maoksidasi asam lamak tak jenuh dalam membran sel itu marusak membran itu, manyababkan kanker, jo panyakik degeneratif lainnyo. Dek kamampuannyo itulah banyak ahli mangecekkan baraso bahan ko mampunyoi potensi untuak maambek panyakik kanker jo panyakik degeneratif lain.
Aspek budaya jo bahaso
[suntiang | suntiang sumber]
Bareh marupokan bagian integral, dapek dikatokan manjadi ciri dari budaya Austronesia, khususnyo Austronesia bagian barat. Istilah Austronesia labiah marupokan istilah nan maacu pado aspek bahaso (linguistik).
Pambeda padi, atah, merang, jurami, bareh, nasi, atau sipuluik marupokan salah satu ciri malakeknyo "budaya padi" pado masyarakaik pangguno kaluarga bahaso Austronesia. Baitu pulo bagian dari budaya Austronesia.
Sajumlah relief pado candi-candi di Jao pun manampakkan aspek "budaya padi" pado masyarakaik satampek pado maso itu. Budaya mananak bareh inggo kini masih tasuo manjadi kabiasaan saari-ari, walaupun babagai caro kilek alah dicubo, cando adonyo inovasi makanan tabuek dari bareh sarupo rengginang, batiah, bahkan inggo bareh sirah instan untuak maadaptasi gaya iduik nan samakin capek barubah.
Sastra
[suntiang | suntiang sumber]Pado masyarakaik Minangkabau, bareh pun manjadi hal nan dicaritokan dalam karya sastra salah satunyo lagu. Di antaro lagu Minang nan tanamo bacarito soal bareh iyolah Bareh Solok. Lagu nan diciptakan dek Nuskan Syarief dan dipopularkan dek Elly Kasim.[3] Salain itu, ado pulo dalam lagu pamainan anak-anak nan bunyinyo:[4]
Tiak manitiak
Tatitiak ujuang bareh
Kok pandai kau manitiak
Tatitiak duo baleh
Produksi padi (gabah kering giling) 10 nagara paliang gadang taun 2009 (dalam juta metrik ton)
[suntiang | suntiang sumber]| Produksi padi per nagara — 2009 (million metric ton)[5] | |
|---|---|
 Cino |
196 |
 India |
133 |
 Indonesia |
64 |
 Bangladesh |
47 |
 Vietnam |
38 |
 Myanmar |
32 |
 Thailand |
32 |
 Filipina |
16 |
 Brasil |
12 |
 Japang |
10 |
| Sumber: fao.org[6] | |
Produksi bareh Indonesia (dalam ribuan ton)
[suntiang | suntiang sumber]Produksi bareh diprediksi sabagai 63,2% dari produksi Gabah Kering Giling (GKG):[7]
| Taun | Produksi (kiloton) | Taun | Produksi (kiloton) | Taun | Produksi (kiloton) | Taun | Produksi (kiloton) |
|---|---|---|---|---|---|---|---|
| 1983 | 25.932 | 1992 | 31,356 | 2001 | 31,891 | 2009 | 40,656[8] |
| 1984 | 24,006 | 1993 | 31,318 | 2002 | 32,130 | 2010 | 42,43** [9] |
| 1985 | 26.542+ | 1994 | 30,317 | 2003 | 32,950 | 2011 | 41,32 [10] |
| 1986 | 27,014+ | 1995 | 32,334 | 2004 [11] | 33,490 | 2012 | 43,6 [12] / 40 [13] |
| 1987 | 27,253+ | 1996 | 33,216 | 2005 | 34,120 | 2013 | 41 [13] |
| 1988 | 28,340 | 1997 | 31,206 | 2006 | 34,600+[14] | 2014 | 41 [14] |
| 1989 | 29,072 | 1998 | 31,118 | 2007 | 36,970+§ | 2015 | 43 [14] |
| 1990 | 29,366 | 1999 | 31,294 | 2008 | 38,078+# | 2016 | 46 [13] |
| 1991 | 29,047 | 2000 | 32,130 | 2008 | 40,34* | 2017 | 47,29+[15] |
+Swasembada bareh
§Jo asumsi produksi GKG 58.5 juta ton nan samo jo 36,9 juta ton bareh[16]
#Pakiraan BPS Maret 2009
*surplus 3 juta ton jo asumsi baso 63.83 juta ton GKG samo jo 40.34 juta ton bareh[17]
**67.15 juta ton GKG diasumsikan samo jo 42.43 juta ton bareh[9]
Sumber:BPS dan The Rice Report, 2003 Archived 2009-09-05 di Wayback Machine.
Impor bareh indonesia (dalam ribuan ton)
[suntiang | suntiang sumber]| Taun | Produksi (kiloton) |
|---|---|
| 1983 | 1.169 |
| 1984 | 403 |
| 1985 | -371 (swasembada bareh) |
| 1986 | -213 |
| 1987 | |
| 1988 | 13 |
| 1989 | 325 |
| 1990 | 32 |
| 1991 | 179 |
| 1992 | 561 |
| 1993 | -540 |
| 1994 | 643 |
| 1995 | 3.104 |
| 1996 | 1.090 |
| 1997 | 406 |
| 1998 | 6.077 |
| 1999 | 4.183 |
| 2000 | 1.512 |
| 2001 | 1.404 |
| 2002 | 3.703 |
| 2003 | 550 [5] |
| 2004 | 0 (impor dilarang) |
| 2005 | 0 (surplus 16 ribu ton)[6] Archived 2009-10-18 di Wayback Machine. |
| 2006 | 150 |
| 2007 | 500 [7] |
| 2008 | 0 [8] Archived 2009-09-05 di Wayback Machine. |
| 2009 | 0 (pakiroan) |
Sumber: BPS dan The Rice Report, 2003
Rujuakan
[suntiang | suntiang sumber]- ↑ "archive copy". Diarsipkan dari versi asli tanggal 2013-12-02. Diakses tanggal 2019-09-01.
- ↑ Pazuki, Arman & Sohani, Mehdi (2013). "Phenotypic evaluation of scutellum-derived calluses in 'Indica' rice cultivars" (PDF). Acta Agriculturae Slovenica. 101 (2): 239–247. doi:10.2478/acas-2013-0020. Diakses tanggal February 2, 2014.
- ↑ "Bareh Solok". Lirik Lagu Minang Lamo (dalam bahasa Indonesia). 2008-05-16. Diakses tanggal 2019-09-01.
- ↑ "NYANYIAN PERMAINAN ANAK". Scribd (dalam bahasa Indonesia). Diakses tanggal 2019-09-01.
- ↑ fao.org, Agriculture Statistics > Grains > Rice production (2009) by country, diakses tanggal 2012-02-5
- ↑ "archive copy". Diarsipkan dari versi asli tanggal 2016-10-16. Diakses tanggal 2019-09-01.
- ↑ [1]. Tempo Interaktif edisi 6 Juli 2006
- ↑ http://www.seputar-indonesia.com/edisicetak/content/view/359944/
- ↑ a b "archive copy". Diarsipkan dari versi asli tanggal 2019-09-01. Diakses tanggal 2019-09-01.
- ↑ http://finance.detik.com/read/2012/01/11/134546/1812605/4/
- ↑ [2] Archived 2012-01-17 di Wayback Machine.. BaliPost daring. Edisi 11 Nov. 2004
- ↑ "archive copy". Diarsipkan dari versi asli tanggal 2013-10-19. Diakses tanggal 2019-09-01.
- ↑ a b c "archive copy". Diarsipkan dari versi asli tanggal 2019-08-29. Diakses tanggal 2019-09-01.
- ↑ a b c [3] Tempo Interaktif. 6 Juli 2006.
- ↑ [ https://www.pertanian.go.id/home/?show=news&act=view&id=2614]
- ↑ [4][pranala nonaktif permanen] Kompas daring. Edisi 26 Maret 2008
- ↑ "archive copy". Diarsipkan dari versi asli tanggal 2019-09-01. Diakses tanggal 2019-09-01.
Bibilografi
[suntiang | suntiang sumber]- Watson, Andrew (1983). Agricultural innovation in the early Islamic world. Cambridge University Press. ISBN 0-521-06883-5.
Pautan lua
[suntiang | suntiang sumber]| Cari tau tantang Bareh di proyek-proyek Wikimedia lainnyo: | |
 |
Definisi dan terjemahan dari Wiktionary |
 |
Gambar dan media dari WikiCommons |
 |
Buku dari Wikibooks |
 |
Wikimedia Commons mampunyoi media nan bahubuangan jo Bareh |
- RiceWiki Archived 2019-04-08 di Wayback Machine.
- Bareh di Proyek Direktori Tabukak
- International Rice Research Institute
- Rice latest trade data on ITC Trade Map
- Global Rice Science Partnership Archived 2011-11-28 di Wayback Machine.
- Rice Today magazine Archived 2015-09-21 di Wayback Machine.
- Pazuki, Arman & Sohani, Mehdi (2013). "Phenotypic evaluation of scutellum-derived calluses in 'Indica' rice cultivars" (PDF). Acta Agriculturae Slovenica. 101 (2): 239–247. doi:10.2478/acas-2013-0020. Diakses tanggal February 2, 2014.
- Calories in rice
- Rice Knowledge Bank Archived 2013-12-02 di Wayback Machine.
- A Brief History of Rice (p. 9 – p. 12) Archived 2012-04-25 di Wayback Machine.
- A Cuban Skirmish for Rice by Isbel Diaz Torres, Havana Times, June 16, 2010
- National Food Authority. Archived 2012-08-15 di Wayback Machine.
- Safe Storage of Cooked Rice
- Rice Research and Practice Archived 2013-12-02 di Wayback Machine.