Tambunsu

Wikipedia Minangkabau - Lubuak aka tapian ilimu
(Dialiahkan dari Gulai Tambusu)
Tambunsu
Tambunsu nan bahidangan
Asa
Namo lainTambusu, gulai tambunsu
NagaraIndonesia
DaerahSumatera Barat
PambuekUrang Minangkabau
Detail
Jinih idanganUtamo
PanyajianAngek atau suhu ruangan
Bahan utamoUsus jawi atau usus kabau; talua; tahu; tempe

Tambunsu atau tambusu adaloh makanan khas dari Sumatera Barat khususnyo di daerah Kabupaten Agam. Tambusu tabuek dari usus jawi nan diisi jo adonan talua babumbu. Indak hanyo talua, tapi tambusu bisa juo diisi jo bahan lain sarupo tahu, tempe, jo kantang. [1]

Bahan dan Bumbu[suntiang | suntiang sumber]

Bahan-bahan jo bumbu-bumbu nan digunokan untuak mambuek tambusu di antaronyo adolah usus jawi, talua, santan karambia, bawang sirah, bawang putiah, kamiri, jo lado. Talua nan digunokan untuak mambuek adonan tambusu adolah talua ayam jo talua itiak supayo adonannyo indak talampau lambiak. [2]

Usus nan digunokan dalam mambuek tambusu indak hanyo usus jawi, tapi bisa juo dibuek manggunokan usus kabau. Kalau mambuek tambusu manggunokan usus kabau musti dimasak labiah lamo supayo ampuak dan aromanyo indak manyangek. [1]

Tambusu biasonyo disajikan jo kuah gulai sahinggo disabuik gulai tambusu. Namun, ado juo babarapo urang atau babarapo rumah makan nan manyajikan jo kuah kalio. Kuah kalio adolah kuah gulai nan dimasak agak lamo sahinggo labiah pakek jo badadak.

Caro masak[suntiang | suntiang sumber]

Caro mambuek tambusu adolah

  1. mambarasiahan usus jawi
  2. mangabek salah satu ujuang usus,
  3. maisi usus jo adonan talua nan alah diagiah bumbu-bumbu
  4. mangabek baliak sisi lain dari usus
  5. abuih lamo sampai adonan masak marato.

Jikok alah masak tambusu akan babantuak sarupo sosis gadang baguluang -guluang. Tambusu ka dikarek-karek saukuran kiro-kiro 8 cm, siap tu dimasak baliak dalam kuah gulai supayo raso dari kuah gulai marasok ka dalam tambusu. [1]

Tambusu indak hanyo tanamo di Sumatera Barat sajo, tapi alah manyeba di sadoalah daerah di Indonesia. Hal sarupo itu bisa tajadi dek banyak urang Minang nan marantau dan mambuek rumah makan khas Padang di babagai daerah nan ado di Indonesia, khususnyo di Pulau Jawa. [3]

Di Sumatera Barat, tambusu dapek dijumpoi di acara-acara adaik Minang tatantu dan di beberapa lapau nasi nan taseba di Sumatera Barat. Harago dari tambusu tagolong maha dibandiangkan samba lainnyo dek karano proses pambuekannyo nan cukuik lamo dan susah. [3]

Rujuakan[suntiang | suntiang sumber]

  1. a b c Winarno, Bondan. "Lamaknyo! Gulai Tambusu dari Nagari Kapau". detikfood (dalam bahasa Indonesia). Diakses tanggal 2019-12-08. 
  2. "Resep: Gulai Tambusu". detikfood (dalam bahasa Indonesia). Diakses tanggal 2019-12-08. 
  3. a b "Tambusu, Makanan Khas Minang yang Susah Dicari". MerahPutih. Diakses tanggal 2019-12-08.