Saladari

Wikipedia Minangkabau - Lubuak aka tapian ilimu
Saladari
Apium graveolens Edit nilai pada Wikidata

Edit nilai pada Wikidata
Data
Sumber dari seledri (id) Terjemahkan, celery seed oil (en) Terjemahkan, celery seed (en) Terjemahkan jo celery juice (en) Terjemahkan Edit nilai pada Wikidata
Status konservasi
Risiko randah
UICN 164203 Edit nilai pada Wikidata
Taksonomi
DivisiTracheophyta
SubdivisiSpermatophytes
KladAngiospermae
Kladmesangiosperms
Kladeudicots
Kladcore eudicots
Kladasterids
Kladcampanulids
OrdoApiales
FamiliApiaceae
SubfamiliApioideae
TribusApieae
GenusApium
SpesiesApium graveolens Edit nilai pada Wikidata
Linnaeus, 1753
Tata namo
Sinonim takson Seseli graveolens (en) Terjemahkan Edit nilai pada Wikidata
Ubah di Wikidata

Saladari (Apium graveolens) adolah tanaman dari kaluarga Umbelliferae nan acok dijakan herba, ubek, sarato sayua jo bumbu dalam masakan. Daunnyo dapek dimakan sabagai ulam (lalap) sarato paieh idangan. Bijonyo dapek dipakai sabagai rampah sarato ekstrak minyak untuak ubek.[1]

Budidayo[suntiang | suntiang sumber]

Saladari marupokan tanaman dataran tinggi nan tumbuah pado katinggian 1000--1200 mdpl. Namun masih toleran untuak ditanam pado dataran randah. Samantaro manuruik intensitas curah hujan, tanaman iko kurang tahan jo curah ujan tinggi.[1]

Tanah nan diparalukan untuak budidayo saladari adolah jinih tanah gambua nan manganduang banyak bahan organik. Tingkek kaasaman tanah pun turuik bapangaruah. Tingkek kaasaman nan diarokkan tumbuah yaitu pH 5,5--6,5. Kok talampau asam, dapek dicampua kapua atau dolomit ka tanahnyo.[1]

Pabanyakan[suntiang | suntiang sumber]

Ado duo caro tanam saladari, yaitu pabanyakan generatif (dari bijo) jo pabanyakan vegetatif (dari anakan). Pabanyakan generatid biasonyo untuak budidayo skala gadang atau komersil. Samantaro pabanyakan vegetatif untuak budidayo skala laman rumah cando dalam pot atau polibag.[2]

Pabanyakan generatif didaului jo manyamai sarato manumbuhkan bibik dari bijo. Sabalun mulai disamai, bijo dirandam dalam aia angek-angek kuku (50--60oC) salamo sajam. Lalu manyiapkan media samainyo nan barupo baki samai nan tadiri ateh campuran tanah jo kompos nan alah diayak jo pabandiangan 2:1. Pado media samai, dibuek alua garitan sadalam 0,5 cm jo jarak alua 10--20 cm. Bijo ditanam ka dalam alua, tutuik tipih jo tanah dan disiram untuak mampatahankannyo lambok. Media samai dilatak taduah sainggo taalau juo dari tampieh aia ujan. Panyiraman dilakukan satui pagi jo sore dan dijago supayo indak talampau basah atau karaing. Salapeh sabulan atau tumbuah 3--4 alai daun, bibik dipindah ka pot atau polibag.[3]

Pado media tanam pot atau polibag, isi jo campuran tanah, kompos, jo arang sakam jo pabandiangan 1:1:1. Dalam media iko, taruih untuk manyiram satiok pagi dan sore salamo sapakan. Labiah dari pado itu, frekuensi panyiraman dilakukan 2--3 kali sapakan.[4]

Pabanyakan vegetatif dilakukan kok alah ado tanaman saladari sabalunnyo. Anakan didapek dari maambiak rumpun tanaman dan dipindah ka dalam pot atau polibag.[4]

Pupuak[suntiang | suntiang sumber]

Pupuak nan dapek dipakai antaro lain pupuak organik caia, pupuak kandang, pupuak komos, jo pupuak hayati. Pupuak organik caia efektif untuak pupuak susulan. Pupuak organik caia paralu dilaruikkan baliak j aia sabalun digunokan jo pabandiangan 10 ml pupuak caia jo 1 liter aia. Pamupuakan dilakukan jo dosis 100 ml per polibag satiok 1--2 pakan sakali.[5]

Amo jo panyakik[suntiang | suntiang sumber]

Saladari jarang takanai amo jo panyakik. Muncua anyo pado budidayo skala gadang. Ulek tanah, cipuik, kutu, jo tungau manjadi amo nan paliang acok. Samantaro panyakik nan manjangkik di antaronyo cercospora, bacak septoria, jo virus aster yellow. Panagahan panyakik dapek dilakukan jo pamiliahan baniah nan rancak, manjago sanitasi parak, sarato pamupuakan nan batua. Kok panyakik mawabah, dapek dikandalian jo pestisida organik.[6]

Panen[suntiang | suntiang sumber]

Panen saladari dapek dilakukan bakali-kali. Panen partamo baru buliah dilakukan salapeh tanaman barumua 1--3 bulan sasudah tanam. Patumbuahan maksimal dari saladari adolah inyo tambah marimpun jo anakannyo nan banyak. Panen dapek dilakukan jo mangarek pangka batang sacaro barulang-ulang jo frekuensi panen satiok 1--2 pakan sakali. Panen barakia katiko anakan indak produktif lai. Caro lain dari panen saladari adolah mancabuik saladari sampai ureknyo.[6]

Rujuakan[suntiang | suntiang sumber]

  1. a b c Siregar 2021, hlm. 121.
  2. Siregar 2021, hlm. 122.
  3. Siregar 2021, hlm. 122--123.
  4. a b Siregar 2021, hlm. 123.
  5. Siregar 2021, hlm. 123--124.
  6. a b Siregar 2021, hlm. 124.

Daftar pustaka[suntiang | suntiang sumber]

  • Siregar, Ameilia Zuliyanti (2021). Rempah, Bumbu, dan Sayuran Kering Indonesia. Malang: Intimedia. pp. 77. ISBN 9786236813041.