Lapek bugih
Lapek bugih marupokan salah satu kue tradisional Minangkabau [1] nan tabuek dari tapuang katan nan dikukuih sarato babungkuih jo daun pisang. Daun pisang nan digunoan marupoan pucuak daun pisang.
Bantuak jo isi
[suntiang | suntiang sumber]Bantuaknyo baragam ado nan parsagi panjang, adopulo nan karucuik saroman piramida. Kok dipacik, taraso lakek jo agak lunak. Lapek bugih biasonyo barisi gulo saka atau dadak karambia nan alah dicampua jo gulo sarato kacang nan dibungkuih jo daun pisang nan alah didiang.
Lapek bugih babahan dasa tapuang katan hitam jo katan putiah, dapek juo diaduak ka duonyo. Kudian dicampua jo santan, garam, sarato vanili. Bagian isiannyo tabuek dari parutan karambia nan ditambah gulo pasia atau gulo anau. Lalu babungkuih jo daun pisang.
Sijarah
[suntiang | suntiang sumber]Caritonyo lapek bugih barasa dari tanah Bugih, Makassar [2]. Saurang palauik dari Bugih mambaoknyo ka Minang.
Tradisi
[suntiang | suntiang sumber]Lapek bugih bukan hanyo sakadar makanan tradisional biaso, tapi ado aratinyo surang dalam ritual adaik jo budayo di Minangkabau. Salah satunyo iolah maantaan pabukoan, tradisi iko di buek untuak manjago silaturahmi antaro kaluarga laki jo kaluarga bini.
Tradisi maanta pabukoan dilakukan di bulan puaso, dimano minantu (kaluarga bini) maantaan pabukoan ka rumah mintuo (kaluarga laki). Lapek bugih sabagai palangkok makanan dalam tradisi maanta pabukoan. Di dalamnyo indak hanyo lapek bugih sajo tapi tapi bamacam-macam makanan khas Minangkabau. pado bulan ramadhan.
Rujuakan
[suntiang | suntiang sumber]- ↑ Haryanto, Bayu (13 September 2016). "OkeZone". Wisata Kuliner di Sumbar, Cicipi Lezatnya Lapek Bugih. OkeZone. Diakses tanggal 22 Mei 2018.
- ↑ Lestari, Devi Setya (8 Juli 2017). "FOOD STORY: Muasal Lapek Bugih, si Lengket nan Bercita Rasa Manis dari Tanah Riau". OkeZone. OkeZone. Diakses tanggal 22 Mei 2018.
