Lompat ke isi

Tan Malaka

Wikipedia Minangkabau - Lubuak aka tapian ilimu
Tan Malaka
Tan Malaka
Tan Malaka, portrait as published in his autobiography
Lahia2 Juni 1897
Bendera Balando Nagari Pandan Gadang, Suliki Gunuang Ameh, Limo Puluah Koto, Hindia Balando
Maningga21 Februari 1949 (umua 51)
Bendera Indonesia Kediri, Jawa Timur
KabangsaanBendera Indonesia Indonesia
Alma materRijks Kweekschool, Haarlem, Nagari Balando
KarojoGuru dan Pemimpin Partai Kominih Indonesia
Dikana dek- Pajuang revolusioner
- Pahlawan Nasional Indonesia
Urang tuoRasad Caniago (bapak)
Sinah Simabua (mande)

Tan Malaka atau Ibrahim Datuak Tan Malaka (lahia di Nagari Pandan Gadang, Suliki Gunuang Ameh, Limo Puluah Koto, Hindia Balando, 2 Juni 1897 – maningga di Desa Selopanggung, Kediri, Jawa Timur, 21 Februari 1949 pado umua 51 taun)[1] adolah tokoh pajuang kamardekaan Indonesia. Tan Malaka bajuang sacaro militan dan radikal, tanpa kompromi jo panjajah, sahinggo baliau dikana sabagai tokoh nan manganuik paham Mardeka 100 persen. Tan Malaka tasabuik pulo sabagai Bapak Republik Indonesia sarato pamimpin sosialis Asia.[2]

Tan Malaka adolah pamikia ideologis nan pamikirannyo banyak mainspirasi para pajuang kamardekaan. Bahkan Soekarno sato pulo maidolakan baliau ko. Buku Tan Malaka nan tamasahua tantang ideologi ko adolah Madilog, nan barisi pamikiran baliau tantang caro mambangun bangso Indonesia supayo lapeh dari panjajahan dan capek manjadi bangso nan maju. Tan Malaka adolah urang nan partamo marancang bantuak Indonesia mardeka, nan baliau tulih dalam buku Naar de Republiek Indonesia (Manuju Republik Indonesia) pado taun 1925.

Karano parjuangan Tan Malaka nan tanpa kompromi tu, baliau di kaja-kaja dek polisi Balando, Japang sarato Amerika jo Inggirih, sahinggo Tan Malaka banyak maabihan hiduik di pambuangan di nagari-nagari lain supayo indak tatangkok. Namun dari lua nagari tu Tan Malaka salalu bajuang jo caro nan lain. Karano jaso-jaso Tan Malaka nan gadang kapado bangso, pamarentah Indonesia maanugerahi baliau gala Pahlawan Nasional Indonesia.

Biografi

[suntiang | suntiang sumber]

Maso mudo

[suntiang | suntiang sumber]
Rumah kalahiran Tan Malaka

Namo usali Tan Malaka adolah Ibrahim, sadangkan Tan Malaka adolah gala semi-bangsawan nan inyo dapekan dari garih mandeh. [3] Namo panjangnyo adolah Sutan Ibrahim bagala Datuk Sutan Malaka. Wakatu lahienyo masih dipasangkitoan, sadangkan tampek lahienyo kini banamo Nagari Pandam Gadang, Suliki (kini masuak Gunuang Omeh), Lima Puluh Kota, Sumatra Barat. Abak jo mandenyo banamo HM. Rasad, saorang karyawan pertanian, dan Rangkayo Sinah, putri urang nan disagani di kampuang.[4] Samaso keteknyo, Tan Malaka sanang mampalajari ilmu agamo jo pancak silek.[5] Pado 1908, inyo didaftaran ka Kweekschool (sakolah guru negara) di Fort de Kock. Manuruik G.H Horensma, salah satu guru di sakolahnyo tu, Tan Malaka adolah murid nan boneh, walau kadang indak panuruik.[6] Di sakolah ko, inyo balaj bahaso Belando, sahinggo Horensma manyaranan agar inyo manjadi saorang guru di sakola Belando. [7] Inyo juo adolah saorang pamain sepak bola nan batalenta.[6] Sasudah luluih dari sakola tu pado 1913, inyo ditawari gala datuak dan saorang gadih untuak manjadi tunangannyo. Namun, inyo hanyo manarimo gala datuak. [7] Gala tersebut diterimanyo dalam sebuah upacaro tradisional pado 1913.[8]

Pandidikan di Balando

[suntiang | suntiang sumber]

Meskipun diangkek manjadi datuak, pada bulan Oktober 1913, inyo maninggaan kampungnyo untuak baraja di Rijkskweekschool (sakola pendidikan guru pamerintah), dengan bantuan dana dari ninik mamak di kampungnyo. Sampai di Belando, Tan maalami kajuik budayo, tu pado tahun 1915, inyo kanai pleuritis.[9] Salamo kuliah, pengetahuannyo tentang revolusi mulai ado dan maningkek sasudah mambaco buku de Fransche Revolutie nan inyo dapek dari Horensma sebelum barangkek ke Belando.[10] Sasudah Revolusi Rusia pado Oktober 1917, inyo mulai tertarik mempelajari paham Sosialisme jo Komunisme. Sajak tu, inyo acok mambaco buku-buku karya Karl Marx, Friedrich Engels, jo Vladimir Lenin.[11] Friedrich Nietzsche juo manjadi salah satu panutannyo. Saat itulah inyo mulai mambenci budayo Balando dan maraso takjub ka masyarakaik Jerman jo Amerika. Karano banyaknyo pengetahuan nan inyo dapek tentang Jerman, inyo terobsesi manjadi salah satu angkatan parang Jerman. Inyo kamudian mandaftar ka militer Jerman, namun inyo ditolak karano Angkatan Darek Jerman indak manarimo urang asiang.[12] Satalah beberapa waktu kamudian, inyo batamu Henk Sneevliet, salah satu pandiri Indische Sociaal Democratische Vereeniging (ISDV, yakni organisasi nan manjadi cika baka Partai Komunis Indonesia).[3] Inyo lalu tatariak jo tawaran Sneevliet nan mangajaknyo bagabuang jo Sociaal Democratische-Onderwijzers Vereeniging (SDOV, atau Asosiasi Demokratik Sosial Guru).[13] Lalu pado bulan November 1919, inyo luluih tu manarimo ijazahnyo nan disabuik hulpactie.[lower-alpha 1][14]

Maaja

[suntiang | suntiang sumber]

Satalah luluih dari SDOV, inyo baliak ke nagarinyo. Inyo kemudian manarimo tawaran Dr. C. W. Janssen untuak maaja anak-anak kuli di kabun teh di Sanembah, Tanjuang Morawa, Deli, Sumatra Utara.[14][15] Inyo tibo di situ pado Desember 1919 tu mulai maaja anak-anak tu babahaso Malayu pado Januari 1920.[16][17] Salain maaja, Tan Malaka manulih beberapa propaganda subversif untuak para kuli, dikenal sabagai Deli Spoor.[15] Salamo masa ko, inyo maamati tu mamahami panderitaan jo katerbelakangan hiduik kaum pribumi di Sumatra.[16] Inyo juo bahubungan dengan ISDV tu takadang juo manulih untuak media massa.[3] Salah satu karya awalnyo adolah "Tanah Orang Miskin", nan mancaritoan tentang perbedaan mancolok dalam hal kekayaan antaro kaum kapitalis dan pakarajo, nan dimuat di Het Vrije Woord edisi Maret 1920.[18] Inyo juo manulih mengenai penderitaan para kulia kabun teh di Sumatra Post.[15] Selanjutnyo, Tan Malaka manjadi calon anggota Volksraad dalam pemilihan tahun 1920 mewakili kaum kiri.[19] Namun inyo akhirnyo maunduan diri pado 23 Februari 1921 tanpo sabab nan jaleh.[16] Inyo lalu mambukak sakolah di Semarang ateh bantuan Darsono, tokoh Sarekat Islam (SI) Merah. Sakolah tu disabuik Sekolah Rakyat. Sakolah tu memiliki kurikulum seperti sakolah di Uni Sovyet, dimano satiok pagi murid-murid manyanyian lagu Internasionale". Tan pernah juo batemu jo banyak tokoh pergerakan saperti HOS Tjokroaminoto dan H. Agus Salim. Dalam otobiografinyo, Tan manganggap bahwa SI di bawah Tjokroaminoto adolah satu-satunyo partai masso tabaik nan inyo katahui. Tapi, Tan mangkritik saat tajadi papacahan di SI, organisasi SI tidak mamiliki tujuan dan taktik sahingga tapacah.

Hiduik Mambujang

[suntiang | suntiang sumber]

Hinggo akhir hayatnyo, Tan Malaka dikabaan indak pernah manikah, tatapi inyo maakui pernah tigo kali jatuah cinto, yaitu katiko inyo barado di Belando, Filipina, jo Indonesia.[20] Di Belando, Tan Malaka dikabaan pernah manjalin hubungan jo gadih Belando banamo Fenny Struyvenberg, mahasiswi kedokteran nan kerap datang ke kosnyo. Samantaro di Filipina, inyo jatuah hati kapado saorang gadih banamo Carmen, puteri bakeh pemberontak di Filipina dan Rektor Universitas Manila. Sadangkan saat inyo masih di Indonesia, Tan pernah jatuah cinto pado satu-satunyo siswi perempuan di sekolahnyo saat itu, yakni Syarifah Nawawi.[21] Alasan Tan Malaka tidak manikah adolah karano perhatiannyo talalu gadang untuak perjuangan kemerdekaan Indonesia.[22]

Kamatian

[suntiang | suntiang sumber]

Pado 21 Februari 1949, Tan Malaka dieksekusi maningga oleh Suradi Tekebek, urang nan diberi tugas oleh Letnan Dua Soekotjo dari Batalion Sikatan, Divisi Brawijaya. Satalah dieksekusi inyo dimakamkan di tangah hutan dakek markas Soekotjo. Kamatiannyo tanpo dibuek laporan maupun pameriksaan lebih lanjuik.[23]

Madilog jo Gerpolek

[suntiang | suntiang sumber]
Search Wikisource Ado naskah sumber nan bakaitan jo

Madilog di Wikisource

Madilog jo Gerpolek, keduanyo acapkali dianggok merupakan karya penting dari Tan Malaka.

Madilog marupoan istilah baru dalam caro bapikia, jo manghubungan ilmu bukti sarato mangambangkan dengan jalan jo metode nan sesuai dengan akar jo urat kebudayaan Indonesia sebagai bagian dari kebudayaan dunia. Bukti adolah fakta, dan fakta adolah lantainyo ilmu bukti. Bagi filsafat, idealisme nan pokok jo pertama adolah budi (mind), kesatuan, pikiran jo penginderaan. Filsafat materialisme menganggap alam, benda jo realita nyato obyektif sekeliling sebagai nan ado, nan pokok jo nan patamo.

Bagi Madilog (Materialisme, Dialektika, Logika) nan pokok jo patamo adolah bukti, walau belum dapek ditarangan sacaro rasional jo logika tetapi jiko fakta sabagai landasan ilmu bukti itu ado sacaro konkrit, sekalipun ilmu pengetahuan sacaro rasional belum dapek manjalehkannyo jo belum dapek manjawek apo, mangapo dan bagaimano.

Search Wikisource Ado naskah sumber nan bakaitan jo

Gerpolek di Wikisource

Saluruh karya Tan Malaka jo parmasalahannyo dilatarbelakangi oleh kondisi Indonesia pado masa itu. Terutama rakyat Indonesia, situasi jo kondisi nusantara, sarato kebudayaan jo sajarah yang diakhiri jo bagaimano maarahan pamacahan masalah itu. Caro tradisi nyato bangso Indonesia jo latar belakang sajarahnyo bukanlah caro bapikia nan teoretis tu untuak mancapai Republik Indonesia sudah inyo mancetusan sajak tahun 1925 lewat Naar de Republiek Indonesia.

Jiko mambaco karyo-karyo Tan Malaka nan maliputi saluruah bidang kemasyarakatan, kenegaraan, politik, ekonomi, sosial, kabudayaan sampai kemiliteran (Gerpolek-Gerilya-Politik jo Ekonomi, 1948), mako akan ditamuan banang putiah keilmiahan jo ke-Indonesia-an sarato banang marah kamandirian nan marupoan sikap konsisten nan jaleh pado gagasan-gagasan dalam perjuangannyo.

Pahlawan

[suntiang | suntiang sumber]

Satalah Indonesia merdeka, Tan Malaka manjadi salah satu palopor sayok kiri. Inyo talibek dalam Paristiwa 3 Juli 1946 dengan mambantuak Persatuan Perjuangan tu disabuik-sabuik sabagai otak dari panculikan Sutan Syahrir nan pado wakatu itu marupoan pardana menteri. Karena itu inyo dijebloskan ka dalam panjaro tanpo pernah diadili salamo duo satangah tahun. Satalah malatuih pemberontakan FDR/PKI di Madiun, September 1948 dengan pimpinan Musso dan Amir Syarifuddin, Tan Malaka dikaluaran baitu sajo dari panjaro.

Di sisi lain, satalah maevaluasi situasi nan amat parah bagi Republik Indonesia akibek Parjanjian Linggajati 1947 jo Renville 1948, nan marupoan buah dari hasia diplomasi Sutan Syahrir jo Perdana Menteri Amir Syarifuddin, Tan Malaka marintih pambantukan Partai Murba, 7 November 1948 di Yogyakarta.

Satalah pamberontakan PKI/FDR di Madiun ditumpeh pado akhir November 1948, Tan Malaka menuju Kediri tu mangumpulan siso-siso pambarontak PKI/FDR yang saaik tu ado di Kediri, dari situ inyo mambantuk pasukan Gerilya Pembela Proklamasi. Pado bulan Februari 1949, Tan Malaka ditangkok basamo beberapa urang pangikuiknyo di Pethok, Kediri, Jawa Timur tu mereka ditambak mati di situ. Ndak ado ciek pun pihak nan tahu pasti dimano makam Tan Malaka tu siapo nan manangkok tu manambak mati dirinyo jo pangikuiknyo. Tapi akhirnyo misteri tersebut terungkap dari penuturan Harry A. Poeze, saorang Sajarawan Belanda nan manyabuikan bahwo nan manangkok jo manambak mati Tan Malaka pado 21 Februari 1949 adolah pasukan TNI dibawah pimpinan Letnan II Soekotjo (parnah jadi Wali Kota Surabaya). Batalyon tasabuik di bawah komando Brigade S nan panglimanyo adolah Letkol Soerachmad. dari Batalyon Sikatan, Divisi Brawijaya.

Kaputusan Presiden RI No. 53, nan ditandatangani Presiden Soekarno 28 Maret 1963 manetapan Tan Malaka sabagai Pahlawan Nasional.

Pado 21 Februari 2017, janazah Tan Malaka sacara simbolis dipindahan dari Kediri ke Sumatra Barat. Hal ini diupayakan oleh kaluargo besar Tan Malaka jo kelompok nan tagabuang dalam Tan Malaka Institute. Karano gagal mambawa janazah Tan Malaka sacaro utuah, mereka mamutuihan untuak mamulangkannyo sacaro simbolih, yakni dengan mambawo tanah dari pakuburan Tan Malaka.[24]

Tan Malaka dalam fiksi

[suntiang | suntiang sumber]

Dengan juluan Patjar Merah Indonesia, Tan Malaka marupoan tokoh utama beberapa roman picisan nan tabik di Medan. Roman-roman tasabuik mangisahkan petualangan Patjar Merah, saurang aktivis politik nan mampajuangkan kamerdekaan Indonesia, dari kolonialisme Belanda. Karano kegiatannyo tu inyo harus malarian diri dari Indonesia jo manjadi buruan polisi rahasio internasional.

Salah satu roman Patjar Merah nan tarkanal adolah roman karangan Matu Mona nan bajudua Spionnage-Dienst. Namo patjar merah surang berasa dari karya Baronesse Orczy nan bajudua Scarlet Pimpernel, nan bakisah tantang saorang pahlawan Revolusi Prancis.

Dalam carito-carito tasabuik salain Tan Malaka muncul juo tokoh-tokoh PKI jo PARI lainnyo, yaitu Musso (sabagai Paul Mussotte), Alimin (Ivan Alminsky), Semaun (Semounoff), Darsono (Darsnoff), Djamaluddin Tamin (Djalumin) dan jo Soebakat (Soe Beng Kiat). Kisah-kisah fiksi iko turuik mampakuek legenda Tan Malaka di Indonesia, tarutamo di Sumatra.[25]

Belakangan, selepas reformasi kemudian muncua pulo duo novel nan mangisahan perjalanan hiduik Tan Malaka. Tigo buku patamo ditulih oleh Matu Mona, samantaro nan kaampek jo kalimo ditulih oleh Yusdja.[26]: Sadangan novel nan kaanam jo katujuah masih-masing ditulih oleh Peter Dantovski jo Hendri Teja.

  • Spionnage-Dienst (1938)[27]
  • Rol Patjar Merah Indonesia cs(1938)
  • Panggilan Tanah Air (1940)
  • Moetiara Berloempoer: Tiga Kali Patjar Merah Datang Membela (1940)
  • Patjar Merah Kembali ke Tanah Air (1940)
  • Setan Merah: Muslihat Internationale Tan Malaka (2012)[28]
  • Tan: Sebuah Novel (2016)[29]
  • Tan: Gerilya Bawah Tanah (2017)[30]

Pado tahun 2018, film bajudua Maha Guru Tan Malaka dirilih.[31]

Bibliografi

[suntiang | suntiang sumber]
Dari Pendjara ke Pendjara
  • Parlemen atau Soviet (1920)
  • SI Semarang dan Onderwijs (1921)
  • Dasar Pendidikan (1921)
  • Tunduk Pada Kekuasaan Tapi Tidak Tunduk Pada Kebenaran (1922)
  • Naar de Republiek Indonesia (Menuju Republik Indonesia) (1924)
  • Semangat Muda (1925)
  • Massa Actie (1926)
  • Local Actie dan National Actie (1926)
  • Pari dan Nasionalisten (1927)
  • Pari dan PKI (1927)
  • Pari International (1927)
  • Manifesto Bangkok(1927)
  • Aslia Bergabung (1943)
  • Muslihat (1945)
  • Rencana Ekonomi Berjuang (1945)
  • Politik (1945)
  • Manifesto Jakarta (1945)
  • Thesis (1946)
  • Pidato Purwokerto (1946)
  • Pidato Solo (1946)
  • Madilog (1948)
  • Islam dalam Tinjauan Madilog (1948)
  • Gerpolek (1948)
  • Pidato Kediri (1948)
  • Pandangan Hidup (1948)
  • Kuhandel di Kaliurang (1948)
  • Proklamasi 17-8-45 Isi dan Pelaksanaanya (1948)
  • Dari Pendjara ke Pendjara (1970)

Lihat pula

[suntiang | suntiang sumber]

Catatan

[suntiang | suntiang sumber]
  1. ↑ Sebenarnya Tan Malaka menginginkan hoofdacte, yang statusnya setingkat lebih tinggi dari hulpactie. Meskipun begitu, kesehatannya yang buruk membuatnya hanya bisa mendapat ijazah hulpactie.

Rujuakan

[suntiang | suntiang sumber]
  1. ↑ "Misteri Kematian Tan Malaka Terungkap" Archived 2007-09-29 di Wayback Machine., Kompas, diakses Juli 2007
  2. ↑ Muhammad Yamin, Tan Malaka Bapak Republik Indonesia: Riwajat Politik Seorang Pengandjoer Revolusioner jang Berfikir, Berdjoeang dan Menderita Membentoek Negara Republik Indonesia, Djakarta: Berita Indonesia, 1946
  3. ↑ a b c Jarvis 1987, hlm. 41.
  4. ↑ Syaifudin 2012, hlm. 53.
  5. ↑ Syaifudin 2012, hlm. 53–54.
  6. ↑ a b Syaifudin 2012, hlm. 54.
  7. ↑ a b Syaifudin 2012, hlm. 55.
  8. ↑ Poeze 2008, hlm. xv.
  9. ↑ Syaifudin 2012, hlm. 56.
  10. ↑ Syaifudin 2012, hlm. 57.
  11. ↑ Syaifudin 2012, hlm. 57–58.
  12. ↑ Mrázek 1972, hlm. 7.
  13. ↑ Syaifudin 2012, hlm. 182.
  14. ↑ a b Syaifudin 2012, hlm. 58.
  15. ↑ a b c Syaifudin 2012, hlm. 184.
  16. ↑ a b c Syaifudin 2012, hlm. 59.
  17. ↑ Poeze 2008, hlm. xvi.
  18. ↑ Jarvis 1987, hlm. 41–42.
  19. ↑ Jarvis 1987, hlm. 42.
  20. ↑ http://www.merdeka.com/peristiwa/melajang-seumur-hidup-tan-malaka-hanya-3-kali-jatuh-cinta.html
  21. ↑ http://historia.id/persona/kisah-asmara-tan-malaka-antara-petualangan-dan-revolusi
  22. ↑ http://www.merdeka.com/peristiwa/melajang-seumur-hidup-tan-malaka-hanya-3-kali-jatuh-cinta.html
  23. ↑ "Hari Ini Adalah Hari Kematian Tan Malaka". 
  24. ↑ Firman, Tony (2017-02-21). "Jenazah Tan Malaka Sang Pemimpin Adat Dijemput Keluarga". Tirto.id (dalam bahasa Indonesia). Diakses tanggal 2017-11-20. 
  25. ↑ Kahin, Audrey (2005). Dari pemberontakan ke integrasi: Sumatra Barat dan politik Indonesia, 1926-1998. Yayasan Obor Indonesia. p. 94. ISBN 9789794615195. http://books.google.co.id/books?id=v0y4-dp9uEEC&pg=PA94&dq=rol+patjar+merah+indonesia&hl=id&sa=X&ei=G_--UYbbBo2zrAecyIGYAg&ved=0CCwQ6AEwAA#v=onepage&q=rol%20patjar%20merah%20indonesia&f=false. 
  26. ↑ Southeast Asia Program, Cornell University (1990). Reading Southeast Asia: Translation of Contemporary Japanese Scholarship on Southeast Asia. SEAP Publication. p. 188. ISBN 9780877274001. http://books.google.co.id/books?id=OFSgNa9J61YC&pg=PA22&lpg=PA22&dq=patjar+merah+indonesia&source=bl&ots=WLyyywIcRp&sig=Bc2S64cOW0o8Nc31-wfiERBiQuQ&hl=en&sa=X&ei=__y-UbjEDcn-rAf63IG4Aw&redir_esc=y#v=onepage&q=patjar%20merah%20indonesia&f=false. Diakses pado 17 Juni 2024. 
  27. ↑ Mona, Matu (1938). Patjar merah Indonesia. Centrale Courant en Boekhandel. p. 179. http://books.google.co.id/books/about/Spionnage_dienst.html?id=UivAYgEACAAJ&redir_esc=y. Diakses pado 17 Juni 2024. 
  28. ↑ Dantovski, Peter (2012). Setan Merah: Muslihat Internationale Tan Malaka. Indie Book Corner. p. 491. ISBN 6028794503. http://www.goodreads.com/book/show/15974898-setan-merah. Diakses pado 11 Februari 2016. 
  29. ↑ Teja, Hendri (2016). Tan:Sebuah Novel. Javanica. p. 430. ISBN 9786026799067. http://www.goodreads.com/book/show/28604340-tan. Diakses pado 11 Februari 2016. 
  30. ↑ Teja, Hendri (2017). Tan:Sebuah Novel. Javanica. p. 507. ISBN 9786026799289. https://www.goodreads.com/book/show/36260648-tan. Diakses pado 3 Nopember 2017. 
  31. ↑ https://www.medcom.id/hiburan/film/yNLd8P6N-sempat-dilarang-pemutaran-film-maha-guru-tan-malaka-tetap-berlangsung

Bacaan salanjuiknyo

[suntiang | suntiang sumber]
  • Castle, James W. Diplomasi and Perdjuangan Tan Malaka Contra Sjahrir: Kegelisahan Kepada Revolusi. , 1972.
  • Hery, Yunior H. Tan Malaka Dibunuh!: Meneropong Krisis Politik, 1945-1949. Yogyakarta: Resist Book, 2007.
  • Mrazek, Rudolf. Semesta Tan Malaka. Yogyakarta: Bigraf Pub, 1994.
  • Poeze, Harry A. Tan Malaka, Gerakan Kiri, Dan Revolusi Indonesia. Jakarta: KITLV-Jakarta, 2008.
  • Poeze, Harry A, and Hersri Setiawan. Tan Malaka, Gerakan Kiri, Dan Revolusi Indonesia: Jil. 2. Jakarta: Yayasan Obor Indonesia, 2009.
  • Poeze, Harry A, and Hersri Setiawan. Tan Malaka, Gerakan Kiri, Dan Revolusi Indonesia: Jil. 3. Jakarta: Yayasan Pustaka Obor Indonesia, 2010.
  • Poeze, Harry A. Tan Malaka: Pergulatan Menuju Republik. Jakarta: Pustaka Utama Grafiti, 1999.
  • Yamin, Muhammad. Tan Malaka: Bapak Republik Indonesia. Djawa Timur: Moerba Berdjoeang, 1946.
  • Zulkifli, Arif. Tan Malaka. Jakarta: Kepustakaan Populer Gramedia (KPG), 2010.
Diambiak dari "https://min.wikipedia.org/w/index.php?title=Tan_Malaka&oldid=3153474"