Ahmad Yani

Wikipedia Minangkabau - Lubuak aka tapian ilimu
Infobox orangJenderal (id) Terjemahkan Edit nilai pada Wikidata
Ahmad Yani
Biografi
Lahia19 Juni 1922 Edit nilai pada Wikidata
Jawa Tengah Edit nilai pada Wikidata
Kamatian1r Oktober 1965 Edit nilai pada Wikidata (43 tahun (id) terjemahkan)
Daerah Kusuih Ibukota Jakarta Edit nilai pada Wikidata
Tampek dimakamkanTaman Makam Pahlawan Kalibata (id) Terjemahkan Edit nilai pada Wikidata
AgamoIslam Edit nilai pada Wikidata
AlmamaterFort Leavenworth (id) Terjemahkan
United States Army Command and General Staff College (en) Terjemahkan
Heiho (id) Terjemahkan Edit nilai pada Wikidata
Kagiatan
KarajoTantaro jo anggota angkatan basanjato Edit nilai pada Wikidata
Periode aktif1943 Edit nilai pada Wikidata –
Cabang militer (id) TerjemahkanTentara Nasional Indonesia Angkatan Darat (id) Terjemahkan Edit nilai pada Wikidata
Pangkat militer (id) Terjemahkanletnan jenderal Edit nilai pada Wikidata
Komando (id) TerjemahkanTentara Nasional Indonesia Angkatan Darat (id) Terjemahkan Edit nilai pada Wikidata
Konflik (id) TerjemahkanRevolusi Nasional Indonesia Edit nilai pada Wikidata

Jenderal TNI (Anumerta) Ahmad Yani atau A. Yani, Achmad Yani; (lahia di Purworejo, Jawa Tengah, 19 Juni 1922, maningga di Lubang Buaya, Jakarta 1 Oktober 1965 di umua 43 tahun) adolah Menteri/Panglima Angkatan Darat (KSAD) nan marupoan Pahlawan Revolusi nan gugur manjadi korban tragedi Gerakan 30 September katiko baliau mancubo kabur dari penculikan di rumahnyo.[1]

Riwayaik Iduik[suntiang | suntiang sumber]

Ahmad Yani lahia dari kaluargo Wongsoredjo nan bakarajo di sabuah pabrik gulo punyo Balando. Pado tahun 1927, baliau pindah basamo kaluargonyo ka Batavia, tampek ayahnyo karajo untuak General Balando. Di Batavia, baliau basikolah malalui pandidikan dasar jo manangah. Pado tahun 1940, baliau maninggaan sikolah tinggi untuak manjalani wajib militer di pamarintahan kolonial Hindia Belanda. Baliau baraja topografi militer di Malang, Jawa Timur, tapi pandidikan ko tagaduah dek kadatangan pasukan Japang pado tahun 1942. Di wakatu nan samo, baliau jo kaluargonya pindah baliak ka Jawa Tengah.

Pado tahun 1943, baliau bagabuang jo tentara nan disponsori Japang, PETA (Pembela Tanah Air), jo manjalani palatihan labiah lanjuik di Magelang. Salasai manjalani palatihan, baliau mamintak untuak dilatiah sabagai komandan peleton Peta jo dipindahan ka Bogor, Jawa Barat untuak manarimo patihan. Sasudah palatihannyo salasai, baliau dikirim baliak ka Magelang sabagai instruktur.

Pado tanggal 5 Desember 1944, baliau manikah jo Bandiah, nan dulu manjadi guru mangetiknyo. Dari perkawinan tu, baliau dianugerahi salapan urang anak.[2]

Karier militer[suntiang | suntiang sumber]

Kolonel Yani mamimpin briefing pado 12 April 1958 (umua 35) salamo "Operasi 17 Agustus"

Sasudah Kemerdekaan baliau bagabuang jo tentara republik nan masih mudo untuak bajuang malawan Balando. Salamo babulan-bulan sasudah Deklarasi Kemerdekaan, baliau mambuek batalion nan berhasil manang malawan Inggirih di Malang dek kapamimpinannyo. Salain itu baliau berhasil pulo mampatahanan Magelang dari Balando nan mancubo marabuik kota, sahinggo baliau diagiah julukan "Juru selamat Magelang". Sorot lain nan manonjol dari karier baliau salamo pariode ko adolah sarangkaian serangan gerilya nan diluncuan pado awal 1949 untuak mangaliahan parhatian Balando, samantaro Letnan Kolonel Soeharto disiapan untuak Serangan Umum 1 Maret 1949 nan diarahan ka Yogyakarta.

Salapeh pangakuan kamardekaan Indonesia dek Balando, Yani dipindahan ka Tegal, Jawa Tengah. Pado tahun 1952, baliau diimbau untuak malawan Darul Islam, sabuah kalompok pambarontak nan barusaho mandirian sabuah teokrasi di Indonesia. Untuak manghalau kalompok ko, Yani mambuek kalompok pasukan khusus nan disabuik jo The Banteng Raiders. Kaputusan untuak maimbau Yani dividen dibaia salamo tigo tahun ka muko, pasukan Darul Islam di Jawa Tengah akhianyo kalah.

Pado Desember 1955, Yani barangkek ka Amerika Serikat untuak baraja di Komando jo Staf Umum College, Fort Leavenworth, Kansas. Baliau baliak pado tahun 1956, baliau dipindahan ka Markas Besar Angkatan Darat di Jakarta, tampek baliau manjadi anggota staf Umum untuak Abdul Haris Nasution. Di Markas Besar Angkatan Darat, Yani manjabaik sabagai Asisten Logistik Kepala Staf Angkatan Darat sabalum manjadi Wakil Kepala Staf Angkatan Darat untuak Organisasi jo Kapagawaian.

Pado bulan Agustus tahun 1958, baliau mamarintahan Operasi 17 Agustus tahadok Pemerintah Revolusioner Republik Indonesia di Sumatra Barat. Pasukannyo berhasil marabuik Padang jo Bukittinggi, sarato diangkeknyo baliau manjadi wakil kepala Angkatan Darat ka-2 pado 1 September 1962. Salanjuinyo baliau diangkek pulo manjadi Kepala Angkatan Darat pado 13 November 1963 (otomatis manjadi anggota kabinet), manggantian Jenderal Nasution.[1]

Akhir hayat[suntiang | suntiang sumber]

Plak menandai tempat ketika Yani jatuh setelah ditembak oleh anggota Gerakan 30 September - mantan rumahnya sekarang menjadi museum. Perhatikan lubang peluru di pintu.

Sabagai Presiden, Soekarno bergerak labiah dakek ka Partai Komunis Indonesia (PKI) di awal 60-an. Yani nan anti-komunis, manjadi sangaik waspada tahadok PKI, tarutamo sasudah partai ko manyatoan dukungannyo untuak pambuatan kekuatan kelima (salain kaampek angkatan basanjato jo polisi) sarato Sukarno nan mancubo mamasoan Nasakom (Nasionalisme-Agama-Komunisme) doktrin di militer. Yani jo Nasution mailak katiko diparintahan dek Soekarno manyiapan acara untuak mampasanjatoi rakyait pado tanggal 31 Mei 1965.[2]

Parak siang tanggal 1 Oktober 1965, Gerakan 30 September mancubo malarian tujuah anggota staf umum Angkatan Darat. Sabuah tim kiro-kiro 200 urang mangapuang rumah Yani di Jalan Latuhahary No. 6 di pinggiran Jakarta Menteng, Jakarta Pusat. Biasonyo Yani punyo sabaleh tentara nan manjago rumahnyo. Istrinyo malaporan basonyo saminggu sabalumnyo ado anam urang nan maintai baliau. Urang-urang tu barasa dari komando Kolonel Latief, nan marupoan komplotan utamo dalam Gerakan 30 September. Manuruik istri Yani, urang-urang tambahan tu indak ado nampak batugas malam tu. Katiko Yani jo anak-anaknyo sadang lalok di rumahnyo, samantaro istrinyo kalua marayoan ulang tahunnyo basamo kawan-kawan jo dunsanaknyo. Istrinyo mangatoan basonyo katiko maninggaan rumah pado pukua 23.00, inyo maliek ado urang nan duduak di subarang jalan saolah maintai rumah Yani. Ado pulo kajadian tanggal 30 September dari sakitar jam 9, banyak masuak telpon ka rumah Yani, katiko diangkek indak ado nan manjawek. Telepon masuak taruih sampai pukua 01.00, Yani maraso ado nan indak beres tajadi malam tu.

Pado malam tu Yani manghadiri sajumlah patamuan, pukua 7 malam baliau manarimo saurang kolonel dari KOTI, Komando Operasi Tertinggi. Jendral Basuki Rahmat, komandan divisi di Jawa Timur salanjuiknyo tibo pulo dari markasnyo untuak basuo baliau. Basuki tibo ka Jakarta untuak malapor ka baliau tantang maningkeknyo aktivitas komunis di Jawa Timur. Dek laporan dari Basuki tu, baliau maajaknyo untuak basuo Presiden bisuaknyo manyampaian laporan tu.

Katiko urang nan diutus untuak malarian Yani tibo ka rumah baliau, urang tu mangatoan basonyo Yani nio diabok basuo Presiden, tapi baliau mintak wakatu untuak mandi jo ganti baju. Urang utusan itu pun manulak kainginan Yani sahinggo baliau berang jo manampa surang dari utusan tu sarato manutuik pintu rumahnyo. Salah surang utusan tu langsuang manembak ka arah Yani sahinggo baliau tatembak. Tubuh Yani dibaok ka Lubang Buaya di pinggiran Jakarta dikumpuan jo jenderal-jenderal lainnyo diandokan di sabuah sumua lamo.

Tubuh Yani jo nan lainnyo baru diangkek pado tanggal 4 Oktober jo dikubuan sacaro kenegaraan di hari salanjuiknyo di Taman Makam Pahlawan Kalibata. Di hari nan samo, Yani jo rekan-rekannyo nan lain sacaro resmi dinyatoan sabagai Pahlawan dari Revolusi dek Keputusan Presiden Nomor 111/KOTI/1965, pangkeknyo dianaikan sacaro anumerta dari Letnan Jenderal untuak bintang ka-4 umum.

Istri Yani basamo anak-anaknyo pindah dari rumahnyo salapeh kamatian baiau. Istri baliau turuik pulo manolong pambuatan rumah lamo baliau nan di museumkan pado bulan Oktober 1965. Kini ko banyak kota di Indonesia nan mamakai namo baliau, Jenderal Achmad Yani. Salain itu, namo baliau diabadian untuak Bandar Udara Internasional Achmad Yani di Semarang. Nama baliau dipakai pulo sabagai namo duo universitas di Indonesia, yaitu Universitas Jenderal Achmad Yani di Cimahi jo Universitas Jenderal Achmad Yani Yogyakarta di Yogyakarta, sarato sabuah sakolah tinggi nan banamo Sekolah Tinggi Kesehatan Jenderal Achmad Yani Cimahi di Cimahi. Katigo paguruan tinggi tu barado di bawah naungan Yayasan Kartika Eka Paksi nan marupoan yayasan TNI Angkatan Darat tampek baliau mangabdi dulu.[1]

Pandidikan[suntiang | suntiang sumber]

  • HIS (satingkek SD) Bogor, tamaik tahun 1935
  • MULO (satingkek SMP) kelas B Afd. Bogor, tamaik tahun 1938
  • AMS (satingkek SMU) bagian B Afd. Jakarta, baranti tahun 1940
  • Pandidikan militer pado Dinas Topografi Militer di Malang
  • Pandidikan Heiho di Magelang
  • PETA (Tentara Pembela Tanah Air) di Bogor
  • Command and General Staff College di Fort Leaven Worth, Kansas, Amerika Serikat, tahun 1955
  • Special Warfare Course di Inggris, tahun 1956

Riwayaik Jabatan[suntiang | suntiang sumber]

  • Komandan Seksi I Kompi III Batalyon II (1944-1945)
  • Komandan Batalyon 4/Yani Resimen XIV Magelang (1945-1948)
  • Komandan Brigade Diponegoro dari Divisi III (1948-1950)
  • Komandan Wehrkre­ise/WK II Kedu (1950-1951)
  • Komandan Batalyon Banteng Raiders (1951-1953)
  • Komandan Resimen 12 Wijayakusuma (1951-1956)
  • Asisten II/Operasi (1956)
  • Deputy I/Operasi (1957)
  • Komandan Operasi 17 Agustus (1958)
  • Deputy II/Pembinaan (1960)
  • Deputy KSAD untuk wilayah Indonesia bagian Timur (1962-1963)
  • Menteri/Panglima Angkatan Darat (1963-1965)
    Parangko Ahmad Yani kaluaran tahun 1966

Panghargoaan[suntiang | suntiang sumber]

Baris ke-1 Bintang Republik Indonesia Adipradana (10 November 1965)[3]
Baris ke-2 Bintang Republik Indonesia Utama (10 Januari 1963) Bintang Sakti Bintang Gerilya
Baris ke-3 Bintang Sewindu Angkatan Perang Republik Indonesia Satyalancana Kesetiaan 16 Tahun Satyalancana Perang Kemerdekaan I
Baris ke-4 Satyalancana Perang Kemerdekaan II Satyalancana G.O.M I Satyalancana G.O.M VI
Baris ke-5 Satyalancana Sapta Marga Satyalancana Satya Dharma Order of the People's Army with Golden Star (Second rank) - Yugoslavia (1958)

Rujuakan[suntiang | suntiang sumber]

  1. a b c Aisyah, Novia. "Sosok Jenderal Ahmad Yani, Pahlawan Revolusi Penumpas Pemberontakan DI/TII". detikedu (dalam bahasa Indonesia). 
  2. a b Media, Kompas Cyber (2020-09-30). "Jenderal Ahmad Yani, Kesayangan Sukarno Halaman all". KOMPAS.com (dalam bahasa Indonesia). 
  3. Daftar WNI yang Menerima Tanda Kehormatan Bintang Republik Indonesia 1959 - sekarang. https://cdn.setneg.go.id/_multimedia/document/20200107/3822wni_penerima_tanda_kehormatan_bintang_republik_indonesia_1959_sekarang.pdf.