Oerip Soemohardjo

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Oerip Soemohardjo
22 Februari 1893 – 17 November 1948 (umua 55)
Oerip Soemohardjo 5 November 1947 KR.JPG
Oerip, lk. 1947
Birth nameMohammad Sidik
Place of birthPurworejo, Hindia Balando
Place of deathYogyakarta, Indonesia
Resting placeTMP Kusumanegara (7°48′10″S 110°23′2″E / 7.80278°S 110.38389°E / -7.80278; 110.38389)
Allegiance
Years of service1914–39, 1942, 1945–48
Rank
  • Letnan Jenderal
  • Jenderal (anumerta)
Battles/warsRevolusi Nasional Indonesia
AwardsPahlawan Nasional Indonesia

Oerip Soemohardjo ([uˈrɪp sumoˈhardʒo]; Ejaan Yang Disempurnakan: Urip Sumoharjo, 22 Februari 1893 – 17 November 1948) adolah surang jenderal Indonesia nan marupoan kapalo staf partamo Tentara Nasional Indonesia. Inyo dikukuahkan sabagai Pahlawan Nasional Indonesia pado tahun 1964.[1]

Oerip lahia di Purworejo, Hindia Balando. Inyo alah manampakkan bakat manjadi surang pamimpin sajak dini, dan urang gaeknyo ingin agar inyo manjadi surang bupati, sainggo salapeh sakolah dasar inyo dikirim untuak masuak sakolah pagawai negeri di Magelang. Salapeh mandenyo maningga pado tahun kaduo kuliahnyo di sinan, Oerip mammutuihan untuak masuak sekolah militer di Meester Cornelis, Batavia. Inyo lulus pado tahun 1936 dan manjadi surang perwira bapangkek letnan di Angkatan Darat Hindia Balando (KNIL). Salamo 25 tahun maso dinas militer, inyo ditempatkan pado tigo pulau nan berbeda dan sukses manjadi perwira asli Indonesia nan paliang tinggi pangkeknyo.

Oerip mundur dari KNIL pado tahun 1938 dek basalisiah pandapek jo bupati Purworejo, tampek dinasnyo kutiko itu. Inyo basamo istrinyo Rohmah pindah ka satu desa dakek Yogyakarta dan mangalola sabuah kabun. Salapeh Jerman manyarang Balando pado bulan Mai 1940, Oerip baliak ka dinas militer aktif, tapi inyo ditahan di kamp tawanan parang kutiko Japang manduduaki Indonesia salamo tigo bulan satangah.

Pado 14 Oktober 1945, indak lamo sasudah proklamasi kamardekaan Inodnesia, Oerip diangkek manjadi kapalo staf angkatan basanjato nan baru dibuek. Inyo bausao untuak mambangun satu angkatan dari kalompok-kalompok militer nan taserak di saluruah Indonesia. Pado 12 November 1945 Jenderal Sudirman dipiliah manjadi panglima, dan Oerip tatap manjadi kapalo staf. Kaduonyo manjadi pimpinan utamo militer Indonesia salamo revolusi nasional. Oerip mundur pado awal 1948 dek karano pimpinan politik republik pado maso itu indak picayo bana jo pimpinan militer. Inyo maningga dek masalah jantuang babarapo bulan kamudian dan naiak pangkek sacaro anumerta manjadi surang jenderal panuah.

Rujuakan[suntiang | suntiang sumber]

Catatan kaki[suntiang | suntiang sumber]

  1. Imran 1983, hlm. 120.

Bibliografi[suntiang | suntiang sumber]