Slamet Rijadi
 | |
| Biografi | |
|---|---|
| Lahia | 26 Juli 1927  Surakarta |
| Kamatian | 4 Nopember 1950 (23 tahun (id)  )Kota Ambon |
| Kagiatan | |
| Periode aktif | 1947 – |
| Konflik (id) | Agresi Militer Belanda I (id) |
Panghargaan | |
Brigadir Jenderal (Anumerta) TNI Ignatius Slamet Rijadi (EYD: Ignatius Slamet Riyadi; lahia di Surakarta, Jawa Tengah, 26 Juli 1927 – maningga di Ambon, Maluku, 4 November 1950 pado umua 23 taun) adolah tantara Indonesia. Rijadi lahia di Surakarta, Jawa Tengah, anak laki-laki dari seorang tentara jo panjua buah. "Dijua" pado pamannyo jo sempat baganti namo katiko masih balita untuak manyegehan panyakiknyo, Rijadi gadang di rumah urangtuonyo jo baraja di sakolah punyo urang Bulando. Sasudah Japang manduduki Hindia Bulando, Rijadi manampuah pandidikan di sekolah pelaut nan dikalola dek urang Japang sarato bakarajo untuak mereka sasudah lulus; inyo maninggakan tantara Japang manjalang akhia Parang Dunia II jo mambantu mangobarkan palawanan salamo siso pandudukan.
Sasudah Indonesia merdeka pado tanggal 17 Agustus 1945, Rijadi mamimpin tantara Indonesia di Surakarta pado maso parang kamerdekaan malawan Bulando nan nio baliak manjajah Indonesia. Dimulai dari kampanye gerilya, pado tahun 1947 inyo baparang malawan Bulando di Ambarawa jo Semarang, batanggung jawab untuak Resimen 26. Salamo Agresi Militer I, Bulando maambiak aliah kota tapi bahasil dirabuik baliak dek Rijadi, sarato kamudian mulai malancarkan sarangan ka Jawa Barat. Pado tahun 1950, sasudah barakhianyo revolusi, Rijadi dikirim ka Maluku untuak mamarangi Republik Maluku Selatan. Sasudah operasi palawanan salamo babarapo bulan sarato bakelana di Pulau Ambon, Rijadi maningga tatembak manjalang operasi salasai.
Sajak kamatiannyo, Rijadi alah manarimo banyak panghormatan. Sabuah jalan utamo di Surakarta dinamokan manuruik namonyo, baitu pulo jo fregat TNI AL, KRI Slamet Riyadi. Salain itu, Rijadi dianugerahi pulo babarapo tando kahormatan sacaro anumerta pado tahun 1961, sarato ditetapkan sabagai Pahlawan Nasional Indonesia pado tanggal 9 November 2007.
Kahidupan awal
[suntiang | suntiang sumber]Rijadi katiko lahia di agiah namo Soekamto di Surakarta, Jawa Tengah, Hindia Belanda, pado tanggal 26 Juli 1927; [1] inyo adolah anak laki-laki kaduo dari pasangan Raden Ngabehi Prawiropralebdo, seorang perwira pado tentara Kasunanan, jo Soetati, nan bakarajo sabagai panggaleg buah.[2][3] Katiko Soekamto baumua 1 tahun, ibunyo indak sangajo manjatuahkannyo sahinggo inyo kamudian jadi acok sakit-sakitan. Untuak mambantu maubekan panyakiknyo, kaluarganyo "manjuanyo" dalam ritual tradisional suku Jawa kapado pamannyo, Warnenhardjo; sasudah ritual salasai, namo Soekamto diganti manjadi Slamet. Maskipun sasudah ritual sacaro formal inyo adolah anak dari Warnenhardjo, Slamet tatap digadangkan di rumah orangtuonyo.[4] Inyo ba agamo Katolik Roma,[5] sarato dikecekan bahsonyo sajak ketek Slamet suko Templat:"'tirakat' bapuaso jo hal-hal 'mistikTemplat:'".[2]
Slamet umumnyo manampuah pandidikan di sakolah milik Bulando. Sakolah dasar dilaluinyo di Hollandsch-Inlandsche Schooll Ardjoeno, sakolah swasta nan dimiliki jo dikalola dek kalompok agamawan Bulando.[4] Katiko basakola di Sakolah Manangah Mangkoenegaran, inyo mandapekan namo balakang Rijadi karano ado banyak siswa nan banamo Slamet di sakola tu.[6] Katiko di sakolah manangah ayahnyo "mambalinyo" baliak dari pamannyo tu.[4] Sasudah tamat sakola manangah, katiko Japang manduduki Hindia Bulando pado tahun 1942, inyo malanjuikkan pandidikannyo ka akademi palauik di Jakarta. Sasudah lulus, inyo bakarajo sabagai navigator di sabuah kapal lauik.[1][7]
Katiko idak bakarajo di lauik, Rijadi tingga di asrama di dakek Stasiun Gambir, Jakarta Pusat, sasakali inyo basobok lo jo para pajuang bawah tanah.[8] Pada 14 Februari 1945, sasudah Japang mulai mangalami kakalahan dalam Parang Dunia II, Rijadi basamo jo kawan-kawan nyo sasamo palauik maninggakan asrama mereka jo maamniak sanjato. Rijadi pulang ka Surakarta, kamudian mulai mandukuang garakan palawanan di situ.[9] Inyo indak ditangkok dek polisi militer Japang atau unit lainnyo salamo maso pendudukan.[1]
Rujuakan
[suntiang | suntiang sumber]- Daftar pustaka
- 20 Tahun Indonesia Merdeka. VII. Didigitalkan pada 13 September 2006 oleh Universitas Michigan. Departemen Penerangan R.I.. https://books.google.com/books?hl=id&id=QtsRAAAAMAAJ.
- Ajisaka, Arya; Damayanti, Dewi (2010). Mengenal Pahlawan Indonesia (edisi ke-Revisi). Jakarta: Kawan Pustaka. ISBN 978-979-757-430-7. http://books.google.ca/books?id=rVQoHVbUNvIC.
- Ayuningtyas, Kusumasari (21 December 2011). "Surakarta offers car-free night". The Jakarta Post. Diarsipkan dari versi asli tanggal 2012-03-17.
- Conboy, Kenneth (2003). Kopassus: Inside Indonesia's Special Forces. Jakarta: Equinox. ISBN 978-979-95898-8-0. http://books.google.ca/books?id=lf5TUoHfeM8C.
- Erviani, Ni Komang; Lilley, Lawrence (1 April 2011). "Bali maritime security beefed up following bomb threats". The Jakarta Post. Diarsipkan dari versi asli tanggal 2012-03-17.
- "Four forgotten independence heroes get official recognition". The Jakarta Post. 11 November 2007. Diarsipkan dari versi asli tanggal 2012-02-03.
- Pour, Julius (2008). Ign. Slamet Rijadi. Jakarta: Gramedia. ISBN 978-979-22-3850-1. http://books.google.ca/books?id=lf5TUoHfeM8C.