Cut Nyak Dhien

Dari Wikipedia baso Minang, ensiklopedia bebas
Loncat ke navigasi Loncat ke pencarian
Cut Nyak Dhien
Tjoet Nya' Dhien.jpg
Cut Nyak Dhien
Lahia 1848
Kesultanan Aceh Lampadang, Kasultanan Aceh
Wafaik 6 November 1908 (umua 59–60)
Bendera Balando Sumedang, Hindia Balando
Dikana dek Pahlawan Nasional Indonesia
Agamo Islam
Pasangan iduik Ibrahim Lamnga, Teuku Umar
Anak Cut Gambang

Cut Nyak Dhien, ejaan lamo Tjoet Nja' Dhien (laia di Lampadang, Kasultanan Aceh, 1848 – maningga di Sumedang, Tanah Pasundan, 6 November 1908 pado umua 60 taun, dikubuaan di Gunuang Puyuah, Sumedang) adolah surang Pahlawan Nasional Indonesia dari Aceh nan bajuang malawan Balando pado maso Parang Aceh.

Sasudah wilayah VI Mukim disarang, baliau maungsi, samantaro lakinyo, Ibrahim Lamnga baparang malawan Balando. Ibrahim Lamnga tewas di Gle Tarum pado tanggal 29 Juni 1878 nan manyabab-an Cut Nyak Dhien sangek berang lalu basumpah nak maancuaan Balando.

Teuku Umar, salah surang tokoh nan malawan Balando, malamar Cut Nyak Dhien. Pado mulonyo Cut Nyak Dhien manulak, tapi karano Teuku Umar mambuliahannyo sato baparang, Cut Nyak Dhien satuju untuak manikah jo Teuku Umar pado taun 1880. Mareka dikaruniai anak nan diagiah namo Cut Gambang.[1]

Sasudah panikahannyo jo Teuku Umar, mareka baduo baparang basamo malawan Balando. Namun, Teuku Umar gugua katiko manyarang Meulaboh pado tanggal 11 Februari 1899, sahinggo Cut bajuang surang di padalaman Meulaboh basamo pasukan keteknyo. Cut Nyak Dhien katiko itu alah gaek sarato bapanyakik encok jo rabun, sahinggo surang anggota pasukannyo nan banamo Pang Laot malaporan kabaradoannyo karano ibo.[2][3]

Cut Nyak Dhien akhianyo ditangkok lalu dibao ka Banda Aceh. Di sinan baliau dirawat lalu panyakiknyo mulai elok. Namun, kabaradoannyo manambah sumangaik palawanan rakyat Aceh. Cut Nyak Dhien masih bahubuangan pulo jo pajuang Aceh nan alun tatangkok. Akibaiknyo, Dhien dibuang ka Sumedang. Tjoet Nyak Dhien maningga pado tanggal 6 November 1908 lalu dikubuaan di Gunuang Puyuah, Sumedang.

Kahidupan awal[suntiang | suntiang sumber]

Cut Nyak Dhien dilaiaan dari kaluarga bangsawan nan taat baagamo di Aceh Besar, wilayah VI Mukim pado taun 1848. Ayahnyo banamo Teuku Nanta Setia, surang uleebalang VI Mukim, nan marupoan katurunan Machmoed Sati, parantau dari Minangkabau. Machmoed Sati mungkin datang ka Aceh pado abad ka 18 katiko Kasultanan Aceh diparintah dekh Sultan Jamalul Badrul Munir. Oleh sabab itu, ayah dari Cut Nyak Dhien marupoan katurunan Minangkabau[2][4]. Ibu Cut Nyak Dhien adolah putri uleebalang Lampagar.

Pado maso keteknyo, Cut Nyak Dhien adolah anak nan rancak.[2] Cut Nyak Dhien mandapek-an pandidikan pado bidang agamo (nan dididik dek urang tuo ataupun guru agamo) sarato pandidilan rumah tanggo (mamasak, malayani laki, sarato nan manyangkuik kahidupan sahari-hari nan dididik baiak dek urang tuonyo). Banyak laki-laki nan suko pado Cut Nyak Dhien nan bausao malamarnyo. Pado umua 12 taun, Cut Nyak Dhien lah dinikahan dek urangtuonyo pado taun 1862 jo Teuku Cek Ibrahim Lamnga[2][4], putra dari uleebalang Lamnga XIII. Mareka mamiliki surang anak laki-laki.

Rujuak-an[suntiang | suntiang sumber]

Daftar pustaka[suntiang | suntiang sumber]

  • Armand, Deddi. Cut Nyak Dien. Penerbit: Pustaka Ananda.
  • Sudarmanto, Y.B. 1999. Jejak Pahlawan Indonesia. Penerbit: Grasindo.
  • Muhazir. 1984 .Pahlawan Repulusi Aceh

Pautan lua[suntiang | suntiang sumber]

Templat:Featured article