Komunisme

Dari Wikipedia baso Minang, ensiklopedia bebas
Loncat ke navigasi Loncat ke pencarian

Komunisme atau kuminih (bahaso Latin: communis, bahaso Inggris: common, universal) adolah ideologi nan basingguangan jo filosofi, politik, sosial, jo ekonomi nan tujuan utamanyo untuak tabantuak masyarakaik kuminih jo aturan sosial ekonomi manuruik kapamiliakan basamo alaik produksi jo indak adonyo kelas sosial, uang, jo nagara.

Dasa ideologi[suntiang | suntiang sumber]

Istilah komunisme acok dicampuaaduakan jo kuminih internasional. Komunisme atau Marxisme adolah ideologi dasa nan umumnyo digunoan dek partai kuminih di saluruah dunia. Sadang kuminih internasional marupoan ideologi nan barasa dari pamikiran Lenin sainggo dapek pulo disabuik "Marxisme-Leninisme.

Dalam komunisme, parubahan sosial aruih dimulai dari paambiakaliahan alaik-alaik produksi malalui paran partai komunih. Logika singkeknyo, parubahan sosial dimulai dari pakarajo, tatapi paorganisasian pakarajo anyo dapek bahasia jikok malalui pajuangan partai. Partai mambutuhan peran politbiro sabagai think-tank. Dapek diringkas parubahan sosial anyo bisa barasia jiko dicatuihan politbiro.

Komunih sabagai anti-kapitalisme manggunoan sistem partai komunih sabagai alaik paambiahaliahan kakuasoan jo sangaik manantang kapamiliakan akumulasi modal para individu. Pado prinsipnyo sadonyo diaratian sabagai milik rakyaik mako co itu, sado alaik-alaik produksi aruihlah dikuasai dek nagara guno kemakmuran rakyaik sacaro marato. Komunih mambok demokrasi nan diwakilan dek pucuak-pucuak komunih, mako iyi sangaik mambatehan demokrasi pado rakyaik nan bukan marupuoan anggota partai komunih karano adonyo dalam paham komunih indak ado hak paribadi sarupo nan adi di paham liberalisme.

Kuminih internasional[suntiang | suntiang sumber]

Komunih internasional sabagai teori mulai dipakai satalah maledaknyo Revolusi Bolshevik di Rusia tanggal 7 November 1917. Dek mako iti komunih dipakai sabagai ideologi jo disiaran ka nagara lain. Pado tahun 2005 nagara nan masih mamakai komunih iolah Tiongkok, Vietnam, Korea Utara, Kuba jo Laos. Komunih internasional iolah teoru nan asa mulo dicatuihan dek Karl Marx.

Indonesia dan komunisme[suntiang | suntiang sumber]

Indonesia panah manjadi kakuatan gadang komunisme dunia. Lahianyo PKI pado tahun 1920-an adolah kalanjuikan fase awal dominasi komunih di nagara Indonesia, bahkan di Asia. Tokoh kuminih sarupo Tan Malaka, manjadi tokoh nan indak bisa dilupoan dalam perjuangan nagara sarupo di Cina, Indonesia, Thailand, jo Filiphina. Indak sarupo Vietnam nan marabuikan kakuatan komunisme manjadi parang nan gadang. Di Indonesia, parubahan komunisme tajadi insiden badarah jo pambantaian nan banyak mamakan korban jiwa. Indak itu se, para pangikuik komunih dijuluak i jo eks-tapol dek Orde Baru jo mangalami pambatehan dalam kahidupan.

Sijarah komunisme di Indonesia[suntiang | suntiang sumber]

Era praparang kamardekaan[suntiang | suntiang sumber]

Lahianyo kuminih di Indonesia indak talapeh dari hadirnyo urang-urang buangan politik dari Balando jo mahasiswa-mahasiswa nan bapandangan kiri. Babarapo di antaronyo sarupo Sneevliet, Bregsma, dan Tan Malaka nan alah masuak satalah Sarekat Islam (SI) Semarang tabantuak.

Gerakan Komunih di Indonesia diawali di Surabaya, asa mulo dek diskusi intern pakarajo Kareta Api Surabaya nan dikana jo namo VSTP. Mulonyo VSTP anyo barisi urang-urang Eropa jo Indo Eropa sajo. Sairiang bajalannyo wakatu, kaum pribumi banyak juo nan bagabuang. Nan tasabuik dan gadang Semaoen kamudian manjadi katua SI Semarang.

Komunisme kemudian juga aktif di Semarang, dek itu tanamo jo "Kota Merah" setelah menjadi basis PKI pado wakatu tu. Hadirnyo ISDV jo masuaknyo para pribumi bahaluan kida ka dalam Sarekat Islam manjadian komunih sabagai bagian cabangnyo, nan disabuik jo "Si Sirah". ISDV batangguang jawek kapado banyaknyo pakarajo nan mogok di Jawa.

Konflik SI Semarang (SI Merah) jo SI pusat di Yogyakarta (SI Putih) mandorong diadoannyao kongres. Ateh usulan Haji Agus Salim, nan disahkan dek pusat SI, baiak SI Merah maupun SI Putih supakaik personel SI Merah kalua dari SI. Mantan personel SI Merah jo ISDV baganti namo manjadi PKI.

Hancuanya PKI bamulo kutiko Pasatujuan Prambanan nan mamutuihan akan adonyo pemberontakan gadang di saluruah Hindia Balando. Tan Malaka indak satuju dek komunih alaun kuaik di Indonesia, baliau mancubo mahantian. tatapi indak diacuhan dek tokoh PKI, kacuali urang-urang nan bapihaik kapado Tan Malaka. Pambarontakan nan tajadi 1926-1927 nan usai dek kakalahan PKI. Para toko PKI manyalahan Tan Malaka dek kagagalan itu, sabab alah maasuang cabang-cabang PKI.