Lompat ke isi

Rasuna Said

Wikipedia Minangkabau - Lubuak aka tapian ilimu
Infobox orangRasuna Said
Biografi
Lahia14 September 1910 Suntingan nilai di Wikidata
Maninjau Suntingan nilai di Wikidata
Kamatian2 Nopember 1965 Suntingan nilai di Wikidata (55 tahun (id) terjemahkan)
Daerah Kusuih Jakarta Suntingan nilai di Wikidata
Panyabab kamatianKanker payudara (id) Terjemahkan Suntingan nilai di Wikidata
Tampek dimakamkanTaman Makam Pahlawan Nasional Utama Kalibata (id) Terjemahkan Suntingan nilai di Wikidata
Kalompok etnisUrang Minangkabau Suntingan nilai di Wikidata
AgamoIslam Suntingan nilai di Wikidata
AlmamaterDiniyyah Puteri Suntingan nilai di Wikidata
Kagiatan
KarajoPolitikus Suntingan nilai di Wikidata
Kaluarga
Pasangan hiduikDuski Samad Suntingan nilai di Wikidata
AnakAuda Zaschkya (id) Terjemahkan Suntingan nilai di Wikidata
Panghargaan

Hj. Rangkayo Rasuna Said[1] (14 September 1910 – 2 November 1965) adolah pajuang kamardekaan dan politikus Indonesia nan dianugerahi gala pahlawan nasional Indonesia. Mode Kartini, inyo juo mampajuangan adonyo pasamoan hak antaro laki-laki jo padusi. Inyo dimakamkan di TMP Kalibata, Jakarta.

Kaidupan awal

[suntiang | suntiang sumber]

Rasuna Said dilahiaan pado 14 September 1910 di Desa Panyinggahan, Maninjau, Kabupaten Agam, Sumatera Barat.[2] Inyo marupoan katurunan bangsawan Minang. Ayahnyo banamo Muhamad Said, saurang saudagar Minangkabau, aktivis pagarakan, jo guru nan manjadi tokoh Taman Siswa.[3]

Kaluargo Rasuna Said adolah kaluargo baragamo Islam nan taaik. Inyo gadang di rumah pamannyo karano karajo ayahnyo nan mambuek ayahnyo acok indak barado di rumah. Indak mode saudara-saudaranyo, inyo basikola di sikola agamo, nan indak sekuler, jo salapeh pindah ka Padang Panjang, di mano inyo basikola di Diniyah School, nan manggabungan mato palajaran agamo dan mato palajaran khusus. Pado tahun 1923, inyo manjadi asisten guru di Sekolah Diniyah Putri nan baru didirian, tatapi baliak ka kampuang halamannyo salapeh sikola itu ancua karano gampo. lalu inyo baraja salamo duo tahun di sikola nan terkait jo aktivisme politik jo agamo, jo mancaliak pidato nan diagiah dek direktur sikola tantang nasionalisme jo kamardekaan Indonesia.[4][5]

Salapeh manamaikan Sekolah Dasar (SD), Rasuna Said dikiriman sang ayah untuak malanjuikan pandidikan di pesantren Ar-Rasyidiyah. Katiko itu, inyo marupoan satu-satunyo santri padusi. Inyo dikana sabagai sosok nan pandai, cadiak, jo pambarani. Rasuna Said lalu malanjuikan pandidikan di Diniyah Putri Padang Panjang, lalu basuo jo Rahmah El Yunusiyyah, saurang tokoh pagerakan Thawalib. Pagerakan Thawalib marupoan gerakan nan dibangun kaum reformis Islam di Sumatera Barat. Banyak pamimpin gerakan iko dipangaruhi dek pamikiaran nasionalis Islam Turki, Mustafa Kemal Atatürk.

Rasuna Said sangaik parhatian ka kamajuan dan pandidikan kaum padusi. Inyo sempat maaja di Diniyah Putri sabagai guru. Namun pado tahun 1930, Rasuna Said baranti maaja karano mampunyoi pandangan bahaso kemajuan kaum padusi indak hanyo bisa didapaik jo mandirian sakolah, tatapi haruih diiriangi pajuangan politik. Rasuna Said nionyo mamasuakan pandidikan politik dalam kurikulum sikola Diniyah School Putri, tatapi ditolak. Rasuna Said lalu mandalami agamo pado Haji Rasul atau Dr H Abdul Karim Amrullah nan maajaan pantiangnyo pambaharuan pamikiran Islam jo kabebasan bapikia nan beko banyak mampangaruhi pandangan Rasuna Said.

Kontroversi poligami pernah ramai manjadi polemik di Ranah Minang tahun 1930-an. Iko marupoan akibaik dari maningkaiknyo angko kawin carai. Rasuna Said maanggap parangai iko bagian dari pelecehan tahadok kaum padusi.

Pajuangan Politik

[suntiang | suntiang sumber]

Pajuangan politik Rasuna Said bamulo katiko baaktivitas di Sarekat Rakyat (SR) sabagai sekretaris cabang. Rasuna Said lalu bagabuang jo Soematra Thawalib dan mandirian Persatuan Muslimin Indonesia (PERMI) di Bukittinggi pado tahun 1930. Rasuna Said ikuik pulo maaja di sikola-sikola nan didirian PERMI salapeh mandirian Sekolah Thawalib di Padang, sarato mamimpin Kursus Putri jo Normal Kursus di Bukittinggi. Rasuna Said sangaik mahia dalam bapidato mangacam pamarintahan Balando. Rasuna Said tacataik sabagai padusi patamo nan kanai hukum Speek Delict, yaitu hukum kolonial Balando nan manyatoan bahaso siapopun dapek dihukum karano mangecek manantang Balando.

Pado tahun 1926, Rasuna Said aktif dalam organisasi Sarekat Rakyat nan baafiliasi jo komunis, dibubarkan salapeh pamberontakan komunis nan gagal di Sumatera Barat pado tahun 1927. Tahun barikuiknyo, inyo manjadi anggota Partai Sarekat Islam, naiak ka posisi kapamimpinan cabang Maninjau. Pado tahun 1930, inyo bagabuang jo Persatuan Muslim Indonesia (Permi), sabuah organisasi berbasis Islam jo nasionalisme. Tahun barikuiknyo, Rasuna baliak maaja di Padang Panjang, maninggaan karajonyo usai basalisiah jo pamimpinnyo karano Rasuna alah maaja murid-muridnyo tantang paralunyo tindakan politik untuak mawujuikan kamardekaan Indonesia, jo pindah ka Padang, di mano pimpinan Permi bamarkas. Di sinan, inyo mandirian sikola untuak anak padusi.

Pado tanggal 23 Oktober 1932, dalam rapek umum bagian padusi Permi di Padang Panjang, Rasuna manyampaian pidato publiknyo nan bajudul "Langkah-Langkah Menuju Kemerdekaan Rakyat Indonesia" di mano inyo mangutuak pangancuran mato pancaharian panduduak jo karusakan nan dibuek pado rakyaik Indonesia dek kolonialisme. Barapo minggu sasudah itu, dalam pidato lain di Payakumbuh di hadapan saribu urang, Rasuna Said mangecekan kabijakan Permi adolah manjadian imperialisme sabagai musuah. Hanyo mandapek paringakan dari saurang pajabaik, inyo malanjuikan dengan mangacekan bahaso Alquran manyabuik imperialisme sabagai musuah Islam. Inyo mamproklamirkan, "Kito haruih bisa mancapai kamardekaan Indonesia, kamardekaan haruih datang." Indak lamo sasudah tu inyo ditangkok dek Balando dan didakwa "mayebarkan kabancian". Rasuna Said pun manjadi padusi Indonesia patamo nan didakwa jo Speekdelict — pelanggaran babicaro. Inyo dijatuhi hukuman 15 bulan panjaro, nan mambueknyo dikenal sacaro nasional karano kiprah jo hukumannyo dilaporkan sacaro laweh. Inyo manggunoan pssidangannyo untuak maajak kamardekaan, jo manarik dukungan laweh. Inyo dipanjaro di Semarang, Jawa Tangah. Labiah dari saribu urang datang untuak mancaliak barangkeknyo kapal nan mambawonyo ka Jawa.[6][7]

Rasuna Said sempat ditangkok basamo kawan sapajuangannyo Rasimah Ismail, lalu dipanjaro pado tahun 1932 di Semarang. Sasudah kalua dari panjaro, Rasuna Said manaruihan pandidikannya di Islamic College pimpinan KH Mochtar Jahja jo Dr Kusuma Atmaja.

Rasuna dibebaskan dari pajaro pado taun 1934. Inyo baraja di Sakolah pandidikan Keguruan Permi di Padang salamo ampek taun. inyo bakarajo haruih jurnalis, manulih artikel nan mangaritik kolonialisme Belanda di jurnal sekolah kaguruan Raya. Pado taun 1937 inyo pindah ka Medan, lalu baliak ka Padang salapeh invasi Jepang ka Hindia Belanda. Inyo ditangkok dek Jepang karano kaanggotaannyo dalam organisasi pro-kamardekaan Indonesia, tatapi dibebaskan salapeh waktu nan singkek karano pihak berwenang khawatir manyebabkan kaindakpuehan publik. Pado taun 1943 inyo bagabuang jo pasukan sukarelawan militer Giyugun nan sangek nasionalis, nan alah didirian dek Jepang di Sumatra. Inyo mambantu mandirian bagian padusi, Hahanokai.[8][9]

Kaidupan Pribadi

[suntiang | suntiang sumber]

Pado tahun 1929, Rasuna manikah jo Duski Samad yang marupoan saurang guru jo aktivis politik. Urang tuonyo indak marestui panikahan tasabuik. Mereka punyo saurang putri, tatapi panikahan itu baakia jo pacaraian pado awal tahun 1930-an. Sesudah tu, Rasuna Said manikah jo Bariun AS. Biapun baitu, Rasuna Said manyabuik bahasonyo pajuangan kamardekaan labiah pantiang daripado suaminyo.[10]

Maningga dunia

[suntiang | suntiang sumber]

Rasuna maningga di Jakarta pado 2 November 1965 dikaranoan kanker darah. Inyo maninggaan saurang putri (Auda Zaschkya Duski) jo 6 urang cucu (Kurnia Tiara Agusta, Anugerah Mutia Rusda, Moh. Ibrahim, Moh. Yusuf, Rommel Abdillah dan Natasha Quratul'Ain). Janazahnyo dimakaman di Taman Makam Pahlawan Kalibata, Jakarta Selatan.

Rujuakan

[suntiang | suntiang sumber]
  1. ↑ Indrawati, Indrawati; Tarjana, Sri Samiati; Nurkamto, Joko (2019). "Globalization and Language Hegemony". Digital Press Social Sciences and Humanities. 2: 00010. doi:10.29037/digitalpress.42261. ISSN 2654-9433.
  2. ↑ Agnesti, Narani; Sanjaya, Ageng (2022-01-15). "PERJUANGAN HJ. RANGKAYO RASUNA SAID SEBAGAI PEJUANG POLITIK DAN PEMIKIR PERGERAKAN PADA MASA PRA KEMERDEKAAN". Kalpataru: Jurnal Sejarah dan Pembelajaran Sejarah. 7 (2): 153–160. doi:10.31851/kalpataru.v7i2.7163. ISSN 2621-7058.
  3. ↑ Prosiding Seminar Nasional & Call for Paper "Peran Perempuan Sebagai Pahlawan di Era Pandemi" PSGESI LPPM UWP. 9 (01). 2022-11-16. doi:10.38156/gesi.v9i01. ISSN 2355-2611 http://dx.doi.org/10.38156/gesi.v9i01. Tidak memiliki atau tanpa |title= (bantuan)
  4. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022.
  5. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022.
  6. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022.
  7. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022.
  8. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022.
  9. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022.
  10. ↑ Sihombing, Elvina; Rifayanti, Rina; Putri, Elda Trialisa (2021-12-27). "Kecerdasan Emosional Dengan Penyesuaian Pernikahan Pada Istri yang Menikah Berbeda Suku Dengan Pasangan". Psikoborneo: Jurnal Ilmiah Psikologi. 9 (4): 876. doi:10.30872/psikoborneo.v9i4.6812. ISSN 2477-2674.

Pautan lua

[suntiang | suntiang sumber]
Diambiak dari "https://min.wikipedia.org/w/index.php?title=Rasuna_Said&oldid=3185251"