Hazairin

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Hazairin
Berkas:Hazairin.png
Mantari Dalam Nagari Republik Indonesia ka-11
Maso jabatan
30 Juli 1953 – 12 Agustus 1955
Presiden Soekarno
Didaului jo Mohamad Roem
Digantian dek R. Sunarjo
Data paribadi
Lahia 28 November 1906
Bendera Balando Bukittinggi, Sumatera Barat, Hindia Balando
Wafaik 11 Desember 1975 (umua 69)
Bendera Indonesia Jakarta
Kabangsaan Bendera Indonesia Indonesia
Agamo Islam

Prof. Dr. Hazairin (lahia di Bukittinggi, Sumatera Barat, 28 November 1906 – maningga di Jakarta, 11 Desember 1975 pado umua 69 taun) adolah surang ahli hukum adaik. Baliau manjabat Mantari Dalam Nagari dalam Kabinet Ali Sastroamidjojo I.

Asa usua[suntiang | suntiang sumber]

Hazairin lahia di tangah-tangah kaluarga taat baagamo, dari pasangan Zakaria Bahri (Bengkulu) jo Aminah (Minangkabau). Bapaknyo adolah surang guru, sadangkan inyiaknyo, Ahmad Bakar, adolah surang ulama. Dari kaduo urang tu, Hazairin mandapek dasar palajaran ilmu agamo jo bahaso Arab.[1]

Kahidupan[suntiang | suntiang sumber]

Hazairin manamatkan pandidikannyo di Sakola Tinggi Hukum Jakarta (Recht Hoge School) pado taun 1936, sarato mandapek gala doktor hukum adaik. Satamaik kuliah, Hazairin bakarajo sabagai kapalo Pangadilan Nagari Padang Sidempuan (1938-1945). Salamo manjabat, Hazairin malakuan panalitian pulo tantang hukum adaik Tapanuli Selatan. Ateh jaso-jasonyo tu, baliau diagiah gala "Pangeran Alamsyah Harahap".

Pado April 1946, baliau diangkek sabagai Residen Bengkulu, marangkap wakil Gubernur Militer Sumatera Selatan. Katiko manjabat sabagai residen, baliau mangaluaan pitih karateh nan tasabuik sabagai "Uang Kertas Hazairin". Sasudah revolusi fisik barakhia, baliau diangkek manjadi Kapalo Bagian Hukum Sipil Kamantarian Kahakiman.

Hazairin tajun di kancah papolitikan Indonesia, jo caro ikuik mandirian Partai Parsatuan Indonesia Raya (PIR). Basamo jo Wongsonegoro sarato Rooseno, baliau manjadi anggota Dewan Pawakilan Rakyat Samantaro sabagai wakil Partai PIR. Dalam kapasitasnyo sabagai wakil partai pulo, Hazairin diangkek manjadi Mantari Dalam Nagari pado Kabinet Ali Sastroamidjojo I (1953-1955). Pado Pemilu 1955, Partai PIR tapacah manjadi duo, iyolah PIR - Wongsonegoro jo PIR - Hazairin. Dalam pamilihan tu, PIR - Hazairin cuma mandapek 114.644 suaro atau satara jo ciek kurisi.[2]

Sasudah tajun di dunia politik, Hazairin manjadi Guru Basa Hukum Adaikt jo Hukum Islam di Universitas Indonesia. Baliaupun manjadi Guru Basa di Universitas Islam Jakarta, Paguruan Tinggi Hukum Militer (PTHM), sarato Pandidikan Tinggi Ilmu Kapolisian (PTIK).

Hazairin dikubuaan di TMP Kalibata, Jakarta. Ateh jaso-jasonyo, pado taun 1999 Pamarentah mangukuahan Hazairin sabagai Pahlawan Nasional Indonesia.[3]

Karya[suntiang | suntiang sumber]

  • Pergolakan Penyesuaian Adat Kepada Hukum Islam (1952)
  • Tujuh Serangkai Tentang Hukum (1981)
  • Hukum Kewarisan Bilateral menurut al-Qur’an dan Hadits (1982)
  • Hendak Kemana Hukum Islam (1976)
  • Perdebatan dalam Seminar Hukum tentang Faraidhh (1963)
  • Hukum Kekeluargaan Nasional
  • Tinjauan Mengenai Undang-undang Perkawinan Nomor 1 tahun 1974
  • Hukum Pidana Islam Ditinjau dari Segi-segi, dan Asas-asas Tata Hukum Nasional; Demokrasi Pancasila (1970)
  • Negara Tanpa Penjara (1981)
  • Hukum Baru di Indonesia (1973)
  • Ilmu Pengetahuan Islam dan Masyarakat (1973)
  • Demokrasi Pancasila (1981)

Rujuak-an[suntiang | suntiang sumber]

  1. Abu Bakar, Prof. Dr. Hazairin SH dan Pemikiran Hukum Kewarisan Bilateral, IAIN Antasari
  2. http://www.kpu.go.id/Sejarah/pemilu1955.shtml Hasil pemilu dan sejarah
  3. Pahlawan Indonesia, Media Pusindo, Jakarta, 2008
Didaului jo:
{{{before}}}
Mantari Dalam Nagari Indonesia
{{{years}}}
Digantian dek:
{{{after}}}