Lompat ke isi

Hamengkubuwana I

Wikipedia Minangkabau - Lubuak aka tapian ilimu
Hamengkubuwana I
ꦲꦩꦼꦁꦏꦸꦨꦸꦮꦤ꧇꧑
Panganangan KabanaranSri Sultan Hamengkubuwana I
Berkas:Lukisan Pangeran Mangkubumi aka Sultan Hamengkubuwono I.jpg
Sri Sultan Hamengkubuwana I
Sultan Yogyakarta
nan ka-1
Bakuaso 13 Februari 1755 - 24 Maret 1792
Panobatan 13 Maret 1755[1]
Pandahulu Amangkurat IV
Panaruih Hamengkubawana II
Lahia Raden Mas Sujana 4 Agustus 1717 (Rabu Pon, 26 Ruwah Wawu 1641) Kartasura, Mataram Kesultanan Mataram
Kamatian 24 Maret 1792 (1792-03-24) (umur 74) Karaton Yogyakarta, Ngayogyakarta Hadiningrat[1] 
Pamakaman
Astana Kasuwargan, Imogiri, Yogyakarta
Permaisuri
  • Gusti Kanjeng Ratu Kencana (Putri dari Arya Dipanagara madiun/Panembahan Erucakra)
  • Gusti Kanjeng Ratu Kadipaten
Namo tahta
Ngarsa Dalem Sampeyan Dalem Ingkang Sinuwun Kangjeng Sultan Hamengkubuwana Senapati ing Ngalaga Abdurrahman Sayyidin Panatagama Khalifatullah Ingkang Jumeneng Kaping Satunggal ing Ngayogyakarta Hadiningrat
Namo anumerta
Sunan Kabanaran
Wangsa Mataram
Ayahnyo Amangkurat IV
Mak nan ka Mas Ayu Tejawati[1]
Agamo Islam


Sri Sultan Hamengkubuwana I (bahaso Jawa: ꦲꦩꦼꦁꦏꦸꦨꦸꦮꦤ꧇꧑꧇, lahia di Kartasura, 6 Agustus 1717 – maningga di Yogyakarta, 24 Maret 1792 pado umua 74 taun ) adolah pandiri sarato rajo partamo Kesultanan Yogyakarta nan mamarentah pado taun 1755 - 1792.[2]

Asal-usul

[suntiang | suntiang sumber]

Namo asalnya adolah Raden Mas Sujana sasudah dewasa bagala Pangeran Mangkubumi. Inyo marupokan anak Amangkurat IV susunan Mataram kaampek, nan dilayiekan dari selir nan banamo Mas Ayu Tejawati pado tanggal 6 Agustus 1717.

Pado taun 1740 tajadi pambarontakan urang Tionghoa di Batavia nan manyeba hampia kasulurah Jawa. Pado mulonyo, Pakubuwono II (kakak Mangkubumi) mandukuang pambaontakan itu. Namun, dek maliyek pihak VOC unggul, Pakubuwono II juo barubah pikiran.

Pado taun 1742 Keraton Kartasura diserang dek kalompok pambarontak. Pakubuwana II tapaso mambangun istana baru di Surakarta, sadangkan pemberontakan tasabuik akhirnya dapek ditumpas dek VOC jo Cakraningrat IV dari Madura.

Siso-siso pambarontak nan dipimpin dek Pangeran Sambernyawa (kamanakan Pakubuwono II jo Mangkubumi) berhasil marabuik tanah Sukawati. Pakubuwana II mangumumkan sayembara bahadiah sapanjang nagari nan mancapai 3.000 cacah untuak siapapun nan berhasil marabuik baliak Sukawati. Mangkubumi sukses mausia Sambernyawa pado taun 1746, tapi inyo dihalang-halangi dek Patih Pringgalaya nan mangamukokan PB II untuak mancabuik pajanjian sayembara.

Baron van Imhoff, gubernur jenderal VOC, datang untuak mampakauah suasana. Inyo mamintak Pakubuwono II untuak manyewa daerah pantai ka VOC saharago 20.000 real untuak mambayie utang karajaan kapado Balando. Hal iko dilawan dek mangkubumi. Akibatnyo, tajadilah patengkaran di mana Baron van Imhoff manghino Mangkubumi dimuko umum.

Mangkubumi nan alah sakik hati maninggakan Surakarta pado bulan Mei 1746 jo bagabung jo Mas Said sabagai pamberontak. Sabagai ikatan gabungan Mangkubumi manikahkan Raden Mas Said jo anaknyo Rara Inten atau Gusti Ratu Bendoro.

Kahidupan Pribadi

[suntiang | suntiang sumber]

Permaisuri (garwa padmi)

  1. Gusti Kanjeng Ratu Kencana putri Bendara Pangeran Harya Dipanegara Madiun / Panembahan Herucokro Madhiun. Kakek dari pihak ayah adolah Pakubuwana I
  2. Gusti Kanjeng Ratu Kadipaten putri Ki Ageng Drepayuda. Ia juga dikenal sebagai Gusti Kanjeng Ratu Tegalrejo atau Gusti Kanjeng Ratu Hageng sasudah kamatian lakinyo

Selir (garwa ampeyan)

  1. Bendara Raden Ayu Tilarsa
  2. Bendara Mas Ayu Sawerdi
  3. Bendara Raden Ayu Srenggara putri Ki Tumenggung Natayudha, Bupati Kedu
  4. Bendara Mas Ayu Mindaka
  5. Bendara Mas Ayu Asmarawati
  6. Bendara Raden Ayu Jumanten
  7. Bendara Mas Ayu Wilapa
  8. Bendara Mas Ayu Ratnawati
  9. Bendara Mas Ayu Chindaka
  10. Bendara Mas Ayu Tandhawati
  11. Bendara Mas Ayu Turunsi
  12. Bendara Raden Ayu Ratna Puryawati
  13. Bendara Raden Ayu Daya Asmara
  14. Bendara Mas Ayu Gandasari
  15. Bendara Mas Ayu Karnakawati
  16. Bendara Mas Ayu Setyawati
  17. Bendara Mas Ayu Padmasari
  18. Bendara Mas Ayu Sari
  19. Bendara Mas Ayu Pakuwati
  20. Bendara Mas Ayu Chitra Kusuma

Anak

  1. Gusti Raden Mas Intu lahia dari GKR. Kencana, kamudian bagala Kanjeng Pangeran Adipati Anom Hamengkunegara Ingkang Sudibya Atmarinaja Sudarma Mahanalendra. Ia meninggal sebelum ditandatanganinya Perjanjian Giyanti[3].
  2. Gusti Pangeran Hangabehi lahia dari BRAy. Tilarsa
  3. Gusti Raden Mas Sundara lahia dari GKR. Kadipaten. Naik takhta sebagai Hamengkubuwana II
  4. Bendara Pangeran Harya Demang Tanpanangkil lahia dari BMAy. Sawerdi
  5. Bendara Pangeran Harya Dipasanta lahia dari BMAy. Asmarawati
  6. Bendara Pangeran Harya Natakusuma lahia dari BRAy. Srenggara. Diangkek manjadi Adipati Kadipaten Pakualaman jo gala Kanjeng Gusti Pangeran Adipati Harya Paku Alam I
  7. Bendara Pangeran Harya Kusumayudha lahia dari BMAy. Wilapa. Ia juo dikenal sabagai Bendara Pangeran Harya Hadikusuma
  8. Bendara Pangeran Harya Silarang lahia dari BMAy. Cindhaka. Inyo juo dikenal sabagai Bendara Pangeran Harya Dipawijaya I atau Pangeran Harya Haji Muhammad Abu Bakar
  9. Bendara Raden Mas Adiwijaya lahia dari BMAy. Tandhawati. Kamudia bagala Bendara Pangeran Harya Panular, seorang Wakil Dalem untuk Hamengkubuwana V
  10. Bendara Pangeran Harya Mangkukusuma lahia dari BMAy. Turunsi. Inyo juo saurang Wakil Dalem
  11. Bendara Pangeran Harya Hadikusuma II lahia dari BRAy. Daya Asmara
  12. Bendara Pangeran Harya Dipasana lahia dari BMAy. Gandasari
  13. Bendara Pangeran Harya Blitar lahia dari BRAy. Daya Asmara
  14. Bendara Raden Mas Sudarma lahia dari BMAy. Setyawati. Inyo kamudian bagala Bendara Pangeran Harya Santakusuma
  15. Bendara Raden Mas Sabiril lahia dari BMAy. Padmasari. Inyo kamudian bagala Bendara Pangeran Harya Panengah
  16. Bendara Raden Mas Suwardi lahia dari BMAy. Sari
  17. Gusti Raden Ajeng Inten lahia dari GKR. Kencana. Inyo kamudian bagala Gusti Kanjeng Ratu Bendara. Menikah dengan Mangkunegara I lalu bacarai, manikah lagi jo Kanjeng Pangeran Harya Dipanegara (Panembahan Herucokro Madiun)[4]
  18. Bendara Raden Ayu Jayaningrat lahia dari BRAy. Tilarsa
  19. Bendara Raden Ayu Purbayasa lahia dari BRAy. Srenggara. Ia juga dikenal sabagai Bendara Raden Ayu Dhanukusuma. Manikah jo Kanjeng Raden Tumenggung Dhanukusuma, putra sulung Danurejo I
  20. Bendara Raden Ayu Sasradiningrat lahia dari BMAy. Mindaka
  21. Bendara Raden Ayu Rangga Prawiradirja lahia dari BRAy. Srenggara
  22. Bendara Raden Ayu Natayudha I lahia dari BRAy. Jumanten
  23. Bendara Raden Ayu Yudhakusuma I lahia dari BRAy. Srenggara
  24. Bendara Raden Ayu Sasrakusuma I lahir dari BMAy. Ratnawati
  25. Bendara Raden Ayu Yudhakusuma II lahia BMAy. Trisnawati
  26. Bendara Raden Ajeng Sutiya Inyo juo dikenal sebagai Bendara Raden Ayu Jayadiwira
  27. Bendara Raden Ayu Pringgalaya lahir dari BRAy. Daya Asmara
  28. Bendara Raden Ayu Dhanunegara lahia dari BMAy. Turunsi
  29. Bendara Raden Ayu Mangkundirja lahia dari BMAy. Pakuwati
  30. Bendara Raden Ayu Ratnadinigrat lahia dari BMAy. Chitra Kusuma
  31. Bendara Raden Ayu Purwadipura lahia dari BMAy. Sari
  32. Bendara Raden Mas Surodirjo (Bupati Muneng) lahia dari Bendara Raden Ayu Retno Jumanten

Palawanan

[suntiang | suntiang sumber]

Parang antaro Mangkubumi jo Sambernyawa malawan kedudukan Pakubuwono II nan disabuik dek para sejarawan sabagai Parang Takhta Jawa III. Pado taun 1747 dipakirokan kakuatan Mangkubumi mancapai 13.000 urang prajurit. Pertempuran demi pertempuran dimenangkan dek Mangkubumi, misalnyo patempuran di Demakk jo Grobogan. Pado akhir taun 1749, Pakubuwono II sakik parah jo maraso kamatiannyo alah dakek. Inyo juo manyarahkan kedaulatan Mataram ka VOC untuak malinduangi kasado kaluarganyo pado tanggal 11 Desember.

Samantaro itu Mangkubumi alah mangkek diri sabagai susunan jo gelar Pakubuwana III pado 12 Desember di basis pertahanannyo, samantaro VOC maangkek anak Pakubuwana II nan banamo Raden Mas Suryadi sabagai Pakubuwana iii pado 15 Desember. Jadi ado duo urang Pakubuwana III. Raden Mas Suryadi disabuik Susuhunan Surakarta, samantaro Mangkubumi disabuik Susuahunan Kabanaran, dek markas di kampuang Banaran di daerah Sukawati (kini Sragen).

Parang iko balanjuik. Patempuran gadang tajadi di tapi Sungai Bogowonto pado taun 1751 di mano Mangkubumi mahancurkan pasukan VOC nan dipimpin dek Kapten de Clerck. Urang Jawa manyabuiknyo Kapten Klerek.

Sabagai pahlawan nasional

[suntiang | suntiang sumber]

Hamengkuwana I maningga pado 24 Maret 1792. Kadudukannyo sabagai rajo Yogyakarta diganti dek anaknyo nan banamo Hamengkubuwana II. Hamengkubuwana I adolah pamulaian dasar Kesultanan Yogyakarta. Inyo dianggap sabagai sultan paliang gadang Yogyakarta sarupo Sultan Agung. Yogyakarta adolah nagari baru namun gadangnyo wakatu itu alah berhasil manunggu Surakarta. Tentara-tentaranyo labiah gadang dari jumlah pasukan VOC di Jawa.

Hemengkubuwana I indak hanyo sultan nan bijaksana nan pandai dalam strategi perang, tapi juo surang panyuko kaindahan. Karya arsitektur pado maso itu nan monumental adolah Taman Sari Yogyakarta. Taman Sari Yogyakarta dirancang dek urang Portugis nan tadampar di lauik selatan jo manjadi ahli bangunan kesultanan jo namo Jawa Demang Tegis.

Walaupun musuahnyo jo Balando berakhir damai tapi indak baratinyo inyo indak banci jo banso asing tu. Hamengkubuwana I pernah mancubo mampalambek hasrat Balando untuak mambangun sabuah benteng di Yogyakarta. Inyo juo mancubo untuak mahalangi pihak VOC untuak mamasuaki urusan pamarintahannyo. Pihak Balando sandiri mangakui baso parang malawan pemberontakan Pangeran Mangkubumi adolah parang nan paliang berek nan pernah dihadapi VOC di Jawa (sajak 1619 - 1799).

Raso banci Hamengkubuwana I untuak panjajah asiang iko diturunkan ka Hamengkupuwana II, rajo nan ka tibo. Jadi, indak balabihan jikok pamarentah Republik Indonesia manetapkan Hamengkubuwana I sabagai pahlawan nasional pado tanggal 10 November 2006 babarapo bulan sasudah gampo marusak wilayah Yogyakarta.

Panghargaan

[suntiang | suntiang sumber]
  1. Bintang Mahaputera Adipura (2006)

Rujuakan

[suntiang | suntiang sumber]
  1. ↑ a b c Biografi singkat HB I Diarsipkan 2019-04-07 di Wayback Machine.. kratonjogja.id. 2019. Diakses tanggal 19/07/2019
  2. ↑ crew, kraton. "Sri Sultan Hamengku Buwono I". kratonjogja.id (dalam bahasa Inggris). Diakses tanggal 2024-08-18. 
  3. ↑ crew, kraton. "Sri Sultan Hamengku Buwono II". kratonjogja.id (dalam bahasa Inggris). Diarsipkan dari versi asli tanggal 2022-07-07. Diakses tanggal 2022-07-07. 
  4. ↑ "Ratu Bendara, Perempuan Korban Pernikahan Politis". Historia - Majalah Sejarah Populer Pertama di Indonesia (dalam bahasa Indonesia). 2023-01-19. Diakses tanggal 2024-02-23. 
Gelar kebangsawanan
Didaului jo:
- 		Sultan Yogyakarta
1755-1792 		Digantian dek:
Hamengkubuwana II

Templat:Hamengkubuwana

Diambiak dari "https://min.wikipedia.org/w/index.php?title=Hamengkubuwana_I&oldid=3154675"