Sjafruddin Prawiranegara

Sjafruddin Prawiranegara
Wakil Pardano Mantari Indonesia
Manjabat 4 Agustus 1949 – 20 Desember 1949
Presiden	Soekarno
Manggantian	Adenan Kapau Gani Setyadjit Soegondo Wondoamiseno Sjamsuddin
Digantian	Abdul Hakim
Katua Pamarentahan Darurat Republik Indonesia
Manjabat 19 Desember 1948 – 13 Juli 1949
Manggantian	Soekarno
Digantian	Soekarno
5 [[Mantari Kauangan Indonesia]]
Manjabat 2 Oktober 1946 – 26 Juni 1947
Presiden	Soekarno
Manggantian	Surachman Tjokroadisurjo
Digantian	Alexander Andries Maramis
Manjabat 6 September 1950 – 27 April 1951
Presiden	Soekarno
Manggantian	Lukman Hakim
Digantian	Jusuf Wibisono
4 [[Mantari Pardagangan Indonesia]]
Manjabat 29 Januari 1948 – 4 Agustus 1949
Presiden	Soekarno
Manggantian	Adenan Kapau Gani
Digantian	Ignatius Joseph Kasimo Hendrowahyono
5 [[Mantari Partanian Indonesia]]
Manjabat 29 Januari 1948 – 4 Agustus 1949
Presiden	Soekarno
Manggantian	Adenan Kapau Gani
Digantian	Ignatius Joseph Kasimo Hendrowahyono
Profil pribadi
Lahia	28 Februari 1911 Serang, Banten, Hindia Balando
Maningga	15 Februari 1989 (umua 77) Jakarta, Indonesia
Partai politik	Masyumi
Pasangan	Tengku Halimah Syehabuddin
Tando tangan

Mr. Sjafruddin Prawiranegara, atau biaso pulo ditulih Syafruddin Prawiranegara (lahia di Serang, Banten, 28 Februari 1911 – maningga di Jakarta, 15 Februari 1989 pado umua 77 taun) adolah pajuang kamardekaan Indonesia. Syafruddin parnah manjabat sabagai Presiden/Katua PDRI (Pamarentahan Darurat Republik Indonesia) katiko pamarentahan Republik Indonesia di Yogyakarta jatuah ka tangan Balando dalam Agresi Militer Balando II pado tanggal 19 Desember 1948. Syafruddin Prawiranegara parnah pulo sakali manjabat wakil pardana mantari, sarato manjabat mantari sabanyak tigo kali, iyolah Mantari Kauangan, Mantari Pardagangan jo Mantari Partanian Republik Indonesia. Salain itu, Syafruddin adolah urang nan partamo manjabat Gubernur Bank Sentral Indonesia pado taun 1951.

Katiko manjabat Mantari Kauangan, karano kaadaan ekonomi nan kurang elok, Syafruddin mambuek kabijaksanaan moneter nan mambuek harago pitih manjadi tingga saparo. Kabijaksanaan nan dikarajoan dek Syafruddin tu dinamoan urang Guntiang Syafruddin.

Katiko paristiwa PRRI (peri-peri) nan tajadi di Sumatera pado taun 1958, Syafruddin manjadi pamimpin disitu, Syafruddin diangkek sabagai Presiden PRRI nan bapusek di Sumatera Tangah.

Karano katarlibatan baliau di PRRI, Syafruddin indak diagiah gala Pahlawan Nasional Indonesia dek pamarentah Indonesia. Baru di bawah pamarentahan Susilo Bambang Yudhoyono lah gala nan patuik baliau sandang tu diagiahan dek pamarentah.

Pandidikan

Sjafruddin mamiliki namo ketel "Kuding", nan barasa dari kato "Udin" pado namo Sjafruddin. Inyo mampunyoi darah katurunan Banten dari pihak ayah jo Minangkabau dari pihak ibu. Buyuiknyo dari pihak ibu, Sutan Alam Intan, masih katurunan rajo Pagaruyung di Sumatra Barat, nan dibuang ka Banten karena talibat Parang Paderi. Inyo manikah jo putri bangsawan Banten, malahiakan kakeknyo nan kamudian mamiliki anak banamo Raden Arsyad Prawiraatmadja. Ayah Syafruddin bakarajo sabagai jaksa, tapi cukuik dakek jo rakyat, karanonyo dibuang dek Balando ka Jawa Timur.

Syafruddin manampuah pandidikan ELS pado tahun 1925, dilanjuikkan ka MULO di Madiun pado tahun 1928, kamudian AMS di Bandung pado tahun 1931. Pandidikan tingginyo diambiaknyo di Rechtshoogeschool (Sekolah Tinggi Hukum) di Jakarta (kini Fakultas Hukum Universitas Indonesia) pado tahun 1939, sarato bahasia maraiah gala Meester in de Rechten (kini satara jo Magister Hukum).

Pamarintah Darurat Republik Indonesia

Syafruddin adolah urang nan ditugaskan dek Soekarno jo Mohammad Hatta untuak mambantuak Pamarintahan Darurat Republik Indonesia (PDRI), katiko Presiden Soekarno jo Wakia Presiden Mohammad Hatta ditangkok pado Agresi Militer II, kamudian diasingkan dek Balando ka Pulau Bangka, pado tahun 1948. Hatta nan alah mangiro Soekarno jo inyo ka ditahan Balando sacapeknyo maagiah mandat ka Sjafruddin untuak malanjuikkan pamarintahan, supayo indak tajadi kakosongan kakuasaan.

Dek usaho Pamarintah Darurat, Balando tapaso barundiang jo Indonesia. Pajanjian Roem-Royen mangakhiri upayo Balando, kamudian pado akhianyo Soekarno jo kawan-kawan dibebaskan jo baliak ka Yogyakarta. Pado tanggal 13 Juli 1949, diadokan sidang antaro PDRI jo Presiden Soekarno, Wakil Presiden Moh Hatta sarato sajumlah mantari kadua kabinet. Sarah tarimo pangambalian mandat dari PDRI sacara resmi tajadi pado tanggal 14 Juli 1949 di Jakarta.

Jabatan pamarintahan

Syafruddin Prawiranegara parnah manjabaik sabagai Wakia Perdana Mantari, Mantari Kauangan, sarato Mantari Kamakmuran. Inyo manjabaik sabagai Wakia Mantari Kauangan pado tahun 1946, Mantari Kauangan nan partamo kali pado tahun 1946 sarato Mantari Kamakmuran pado tahun 1947. Katiko manjabaik sabagai Mantari Kamakmuran ikolah tajadi Agresi Militer II kamudian manyababkan tabantuaknyo PDRI.

Sasudah manyarahkan baliak kakuasaan Pamarintah Darurat RI, inyo manjabaik sabagai Wakia Perdana Mantari RI pado tahun 1949, kamudian sabagai Mantari Keuangan antaro tahun 1949-1950. Salaku Mantari Kauangan dalam Kabinet Hatta, pado bulan Maret 1950 inyo malaksanakan pangguntingan pitih dari nilai Rp 5 ka ateh, sahinggo nilainya tingga saparuah. Kabijaksanaan moneter nan banyak dikritik itu tanamo juo jo julukan Gunting Syafruddin.

Syafruddin kamudian manjabaik sabagai Gubernur Bank Sentral Indonesia nan partamo sakali, pado tahun 1951.Kahin 1989, p. 103 Sabalumnyo inyo adolah Presiden Direktur Javasche Bank nan tarakhia, nan kamudian diubah manjadi Bank Sentral Indonesia.

Katalibatan dalam PRRI

Pado tahun 1957 Sjafruddin bakonflik jo Presiden karano panentangannyo kapado nasionalisasi kapantingan ekonomi Balando, jo panantangannyo kapado Demokrasi Tapimpin, nan bapuncak pado panulisan surek kapado Soekarno pado tanggal 15 Januari 1958, dari Palembang, Sumatera Selatan, di mano Sjafruddin sadang dalam pambicaraan jo Kolonel Barlian nan mambarontak, manyuruah Soekarno untuak baliak ka Konstitusi Indonesia.

Akibaiknyo, inyo dipecat sabagai gubernur Bank Indonesia, karano Sjafruddin samakin talibaik jo pambarontak nan disabuik Pamarintahan Revolusioner Republik Indonesia. Sjafruddin kurang sambarono dibandingkan babarapo rekan PRRI-nyo, manantang ultimatum limo hari (atas dasar militer strategis) pado 10 Februari 1958 kapado Perdana Mantari Djuanda Kartawidjaja untuak mambantuak kabinet baru jo Hatta jo Hamengkubuwono IX, Sultan Yogyakarta, pado wakatunyo. Dek karano itu, pado tanggal 15 Februari 1958, Sjafruddin manjadi Perdana Mantari PRRI; tando tangannyo nan parnah muncua di pitih karateh maso republik (1945–1949), jo sabagai Gubernur Bank Indonesia (1951–1958), muncua di catatan PRRI. Sjafruddin manantang pambantukan negara Sumatera nan tapisah, malah mancaliak PRRI sabagai garakan integritas Indonesia, manantang sentralisasi kakuasaan di Indonesia. Kamudian pambarontakan gagal, lalu pado tanggal 25 Agustus 1961, Sjafruddin manyarah ka tentara. Inyo dipanjaro sampai 26 Juli 1966, meskipun inyo diagiah amnesti resmi pado tahun 1961.

Pado awal tahun 1958, Pamarintahan Revolusioner Republik Indonesia (PRRI) didirikan di Sumatra Tengah akibaik katidakpuasan kapado pamarintah karano katimpangan-katimpangan sosial nan pernah tajadi sarato pangaruah komunis (tarutamo PKI) nan samakin manguaik. Syafruddin diangkek sabagai Perdana Mantari PRRI, kamudian mambantuak Kabinet tandingan sabagai jawaban ateh dibantuaknyo kabinet Ir. Juanda di Jawa, tapi PRRI tatap mangakui Soekarno sabagai Presiden PRRI, karano inyo diangkek sacara konstitusional.

PRRI capek ditumpas dek pamarintahan pusat sampai pado bulan Agustus 1958, palawanan PRRI dinyatokan barakhia jo pamarintah pusat di Jakarta bahasia manguasai baliak wilayah-wilayah nan sabalumnyo bagabuang jo PRRI. Kaputusan Presiden RI No.449/1961 kamudian manatapkan pambarian amnesti jo abolisi untuak urang-urang nan tasangkuik jo pambarontakan, tamasuak PRRI.

Kaluarga

Syafruddin manikah jo Tengku Halimah Syehabuddin. Mareka dikaruniai salapan urang anak. Syafruddin laia dari pasangan R. Arsyad Prawiraatmadja jo surang padusi nan barasa dari suku Sunda pado tanggal 28 Februari 1911 di Serang, Banten. Bapak dari Syafruddin ko badarah saparo Minang saparo Banten, karano bapaknyo (inyiak dari Syafruddin) nan banamo Sutan Alam Intan barasa dari Minang nan masih katurunan rajo-rajo Pagaruyuang nan dibuang dek Balando ka Banten karano talibat Parang Pidari. Syafruddin Prawiranegara maningga di Jakarta pado tanggal 15 Februari 1989, pado umua 77 tahun.

Masa tua

Sasudahh dibebaskan, Sjafruddin cindaruang labiah mangekspresikan dirinyo malalui agamo, dakwah malawan korupsi di bawah presiden Soeharto, jo mamimpin Petisi 50, sarato manantang konsep Pancasila sabagai satu-satunyo padoman untuak kasado golongan, tarutamo nan baragamo, di Indonesia. Pado tanggal 7 Juli 1983 inyo manulih surek tabuka kapado Soeharto untuak mamprotes katantuan dalam RUU nan mandukuang konsep tu. Akibaik kagiatan iko, Soeharto malarang Sjafruddin pai kalua nagari kacuali untuak barubek.

Syafrudin Prawiranegara mamiliah lapangan dakwah sabagai kasibukan di maso tuonyo. Namun bakali-kali mantan tokoh Partai Masyumi iko dilarang naiak mimbar. Pado bulan Juni 1985, inyo dipareso sahubuangan jo isi khotbahnyo pado hari raya Idul Fitri 1404 H di masjid Al-A'raf, Tanjung Priok, Jakarta. Dalam aktivitas kaagamoannyo, inyo parnah manjabaik sabagai Katua Korp Mubalig Indonesia (KMI). Kagiatan-kagiatannyo nan bakaitan jo pandidikan, kaislaman, sarato dakwah, antar lain:

1. Anggota Dewan Pangawas Yayasan Pandidikan & Pambinaan Manajemen (PPM), kini dikenal jo namo PPM Manajemen(1958)
2. Anggota Panguruih Yayasan Al Azhar/Yayasan Pesantren Islam (1978)
3. Kaetua Korps Mubalig Indonesia (1984)

Inyo sempat pulo manyusun buku "Sijarah Moneter", jo bantuan Oei Beng To, direktur utamo Lembaga Kauangan Indonesia. Syafruddin Prawiranegara maningga karano sarangan jantuang di Jakarta, pado tanggal 15 Februari 1989, di umua 77 tahun. "Saya ingin mati di dalam Islam. Dan ingin menyadarkan, bahwa kita tidak perlu takut kepada manusia, tetapi takutlah kepada Allah", kaliamaik nan pernah disabuikan dek Syafruddin Prawiranegara.

Rujuak-an

Daptar pustaka

• Kahin, George McT. (October 1989). "In Memoriam: Sjafruddin Prawiranegara (1911–1989)". Indonesia. Ithaca, New York: Cornell Modern Indonesia Project. 48: 101–106. ISSN 0019-7289. 

• Akmal aNasery Basral (2011). Presiden Prawiranegara: Kisah 207 hari Syafruddin Prawiranegara Memimpin Indonesia. 

• Voice of al-Islam (15 September 2009). "Mr. Syafruddin Prawiranegara, Pemimpin Yang Terlupakan". Voice of al-Islam. Diakses tanggal 23 April 2013. 

• antaranews.com (2011-02-27). "Biografi Syafruddin Prawiranegara Akan Diluncurkan". Antara News. Diakses tanggal 2021-06-14. 

• Tempo (01 Agustus 2006). Sederhana Hingga Akhir Hayat "Sederhana Hingga Akhir Hayat". Tempo. Diakses tanggal 23 April 2013. 

• Republika Online (2019-03-01). "Kisah Syafruddin Prawiranegara Memimpin PDRI (1)". Republika Online (dalam bahasa Indonesia). Diakses tanggal 2021-06-14. 

• Bourchier, David; Hadiz, Vedi R. (2003). Indonesian Politics and Society: A Reader. New York: Routledge. ISBN 978-0-415-23750-5. https://books.google.com/books?id=X5o0Wu1topQC. 

• Kian Wie Thie, ed (2003). Recollections: The Indonesian Economy, 1950s–1990s. Singapore: Institute of Southeast Asian Studies. ISBN 978-981-230-174-1. https://books.google.com/books?id=r3ljqqwTf70C. 

Didaului jo: Surachman Tjokrodisurjo	Mantari Kaungan 1946–1947	Digantian dek: A. A. Maramis
Didaului jo: Lukman Hakim	Mantari Kauangan 1949–1950	Digantian dek: Lukman Hakim
Didaului jo: Lukman Hakim	Mantari Kauangan 1950–1951	Digantian dek: Jusuf Wibisono
Didaului jo: Mohammad Natsir	Mantari Panarangan 1948–1949	Digantian dek: Samsuddin