Nahdlatul Ulama

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Nahdlatul Ulama
Flag of Nahdlatul Ulama.jpg
Lambang Jam'iyyah Nahdlatul Ulama
Pambantuakan 16 Rajab 1344 (31 Januari 1926)
Jinih Organisasi
Tujuan Agamo jo sosial (Islam)
Kantua pusek Jl. Kramat Raya no. 164, DKI Jakarta, Indonesia
Wilayah layanan Indonesia
Kaanggotaan 90 juta (2015)[1][2]
Rais Aam Syuriah KH. Miftachul Akhyar
Ketua Umum Tanfidziyah Dr. K.H. Said Aqil Siradj, MA
Laman web Situs web rasmi

Nahdlatul Ulama (Kabangkitan Ulama atau Kabangkitan Cadiak Pandai Islam), disingkek NU, adolah sabuah organisasi Islam paliang gadang di Indonesia [3] jo kaangotaan bakisar antaro 40 juta (2013) inggo labiah dari 90 juta (2019).[4] Organisasi ko tagak pado 31 Januari 1926 jo bagarak di bidang agamo, pandidikan, sosial, jo ekonomi.[5] NU marupokan organisasi Islam tradisional nan bamazhab Syafi'i. Muncuanyo NU marupokan salah satu upayo malembagakan wawasan tradisi agamo nan dianuik jauah sabalunnyo,[6] sabagai respon ateh bakambangnyo ajaran Wahabi di Arab Saudi jo reformasi Islam di Indonesia.[7][8][9] Salain itu, NU bak cando organisasi-organisasi lokal lain baiak nan basipaik sosial, budayo atau agamo nan lahia di maso panjajah, pado dasanyo marupokan palawanan ka panjajah.[10][11]

Basis umaik[suntiang | suntiang sumber]

Dalam manantukan basis umaik atau disabuik sabagai warga NU ado babarapo istilah nan paralu dipajaleh, yaitu: anggota, pandukuang atau simpatisan, sarato Muslim tradisionalis nan sapaham jo NU. Kok istilah warga disamoan jo istilah anggota, mangko sampai kini indak ado ciek dokumen rasmipun nan buliah dirujuak untuak itu. Hal ko dek inggo kini indak ado upayo serius di tubuah NU di tingkek manopun untuak mangalola kaanggotaannyo.

Kok dicaliak dari sisi pandukuang atau simpatisan, ado duo caro mancaliaknyo. Dari sisi politik, dapek dicaliak dari jumlah suaro partai-partai nan babasis atau diasosiasikan jo NU nan panah ado, sarupo PKB, PNU, PKU, Partai SUNI, dan sabagian dari PPP. Sadangkan dari sisi paham agamo mangko dapek dicaliak dari jumlah urang nan mandukuang jo maikuti paham kaagamoan NU. Mangko dalam hal ko dapek dirujuak hasil panalitian Saiful Mujani (2002) iyolah kiro-kiro 48% dari Muslim santri Indonesia. Suaidi Asyari[12] mampakirokan ado sakitar 51 juta dari Muslim santri Indonesia dapek dikatokan pandukuang atau pangikuik paham kaagamoan NU. Jumlah kasadoalah Muslim santri nan disabuik sampai 80 juta atau labiah, marupokan urang-urang nan samo paham kaagamoannyo jo paham kaagamoan NU. Namun alun tantu inyo ko sadonyo warga atau amuah disabuik barafiliasi jo NU.

Manuruik lokasi dan karakteristiknyo, mayoritas pangikuik NU ado di pulau Jawa, Kalimantan, Sulawesi dan Sumatra. Pado pakambangan tarakhia nampak baso pangikuik NU mampunyoi profesi baragam, walaupun sabagian gadang di antaronyo adolah rakyaik biaso di kota maupun di kampuang. Inyo mampunyoi katarikatan tinggi, dek sacaro sosial ekonomi mampunyoi problem nan samo, sarato salain itu juo samo-samo amaik manjiwai ajaran Ahlussunnah wal jamaah (biaso disingkek Aswaja). Pado umumnyo mampunyoi ikatan cukuik arek jo dunia pasantren nan jadi pusek pandidikan rakyaik jo cagar budayo NU.

Basis pandukuang NU ko condoang maalami pageseran. Sajalan jo pambangunan jo pakambangan industrialisasi, mangko panduduak NU di kampuang banyak nan bamigrasi ka kota mamasuki sektor industri. Mangko kalau salamo ko basis NU labiah kuek di sektor patani di kampuang, mangko kini di sektor buruh di kota, cukuik dominan pulo. Baitu juo jo tabukaknyo sistem pandidikan, basis intelektual dalam NU juo samakin malueh, sajalan jo capeknyo mobilitas sosial nan tajadi selamo ko. Kini NU alah mampunyoi sajumlah doktor atau magister dalam babagai bidang ilimu salain dari ilimu ka-Islam-an baiak dari dalam maupun lua negeri, tamasuak nagara-nagara Barat. Namun doktor dan magister ko alum dimanpaaikkan sacaro maksimal dek panguruik NU ampia di satiok kapengurusan NU.

Rujuakan[suntiang | suntiang sumber]

  1. Ranjan Ghosh (4 January 2013). Making Sense of the Secular: Critical Perspectives from Europe to Asia. Routledge. pp. 202–. ISBN 978-1-136-27721-4. http://books.google.com/books?id=0v7ipRmW6M0C&pg=PA202. 
  2. http://www.crwflags.com/fotw/flags/id_nu.html
  3. http://www.antaranews.com/berita/368105/gus-sholah-nu-masih-kalah-dengan-muhammadiyah
  4. Patrick Winn. "The world’s largest Islamic group wants Muslims to stop saying 'infidel' ", 8 Maret 2019.
  5. "Apa yang Dimaksud dengan Islam Nusantara?" (dalam bahaso Indonesian). Nahdlatul Ulama. 22 April 2015. http://www.nu.or.id/post/read/59035/apa-yang-dimaksud-dengan-islam-nusantara. 
  6. KH. Achmad Siddiq. Khittah Nahdliyyah. Surabaya: Balai Pustaka. 1980.
  7. Jesudas M. Athyal (10 March 2015). Religion in Southeast Asia: An Encyclopedia of Faiths and Cultures: An Encyclopedia of Faiths and Cultures. ABC-CLIO. pp. 201–. ISBN 978-1-61069-250-2. https://books.google.com/books?id=-RfYBgAAQBAJ&pg=PA201. 
  8. Robin Bush (2009). Nahdlatul Ulama and the Struggle for Power Within Islam and Politics in Indonesia. Institute of Southeast Asian Studies. ISBN 978-981-230-876-4. https://books.google.com/books?id=Ssg0aiSEyy0C&pg=PA59. 
  9. Mark R. Woodward; Arizona State University. Program for Southeast Asian Studies (1996). Toward a New Paradigm: Recent Developments in Indonesian Islamic Thought. Arizona State University, Program for Southeast Asian Studies. ISBN 978-1-881044-10-9. https://books.google.com/books?id=9NzXAAAAMAAJ. 
  10. KH. Abdul Wahab Hasbullah. Kaidah Berpolitik & Bernegara. Jakarta: PBNU. 2014.
  11. Aboebakar Atceh. Sejarah Hidup KH. A. Wachid Hasyim. Jombang: Pustaka Tebu Ireng. 2015.
  12. Nalar Politik NU & Muhammadiyah, 2009