Assaat

Dari Wikipedia baso Minang, ensiklopedia bebas
Loncat ke navigasi Loncat ke pencarian
Assaat
Portrait of Assaat.jpg
Assaat, lk. 1950
Presiden Republik Indonesia (penjabat)
Maso jabatan
27 Desember 1949 – 15 Agustus 1950
Didaului jo Soekarno
Digantian dek Soekarno
Menteri Dalam Negeri Republik Indonesia ka-9
Maso jabatan
6 September 1950 – 27 April 1951
Presiden Soekarno
Didaului jo Susanto Tirtoprodjo
Digantian dek Iskak Tjokrodisurjo
Data paribadi
Lahia 18 September 1904
Bendera Balando Dusun Pincuran Landai, Kubang Putiah, Banuhampu, Agam, Sumatera Barat
Wafaik 16 Juni 1976 (umua 71)
Bendera Indonesia Jakarta, Indonesia
Kabangsaan Indonesia
Agamo Islam

Mr. Assaat (lahia di Dusun Pincuran Landai, Kubang Putiah, Banuhampu, Agam, Sumatera Barat, 18 September 1904 – maningga di Jakarta, 16 Juni 1976 pado umua 71 taun) adolah surang pajuang kamardekaan Indonesia. Sasudah Indonesia mardeka, baliau dipacayo sabagai pamangku jabatan Presiden Republik Indonesia pado maso pamarentahan Republik Indonesia di Yogyakarta. Baliau parnah pulo manjabat sabagai Mantari Dalam Nagari Indonesia.

Latar balakang jo kaluarga[suntiang | suntiang sumber]

Assaat

Assaat baraja di sakola agamo "Adabiah" jo MULO Padang, salanjuiknyo ka School tot Opleiding van Inlandsche Artsen (STOVIA) Jakarta. Maraso indak cocok manjadi surang dotor, baliau kalua dari STOVIA lalu malanjuik-an ka AMS (kini SMU). Dari AMS, Assaat malanjuik-an studinyo ka Rechts Hoge School (Sakola Hakim Tinggi) masih di Jakarta.

Mr. Assaat manikah jo Roesiah dari Sungai Puar, Agam di Rumah Gadang Kapalo Koto pado tanggal 12 Juni 1949. Dari parnikahan ko baliau dikaruniai duo urang putra sarato surang putri.

Kahidupan[suntiang | suntiang sumber]

Pandidikan jo praktik advokat[suntiang | suntiang sumber]

Katiko manjadi mahasiswa RHS, baliau mamulai bakacimpuang dalam garakan kabangsaan, dalam garakan pamuda jo politik. Wakatu itu Assaat giat dalam organisasi pamuda "Jong Sumatranen Bond". Karier politiknyo makin mananjak sarato barhasil manjadi Pangurus Gadang "Parhimpunan Pamuda Indonesia". Katiko Parhimpunan Pamuda Indonesia mampasatuan diri dalam "Indonesia Muda", baliau tapiliah manjadi Bandahara Komisaris Besar " Indonesia Muda".

Dalam kadudukannyo sabagai mahasiswa, Assaat masuak ke dalam politik "Partai Indonesia" atau Partindo. Dalam partai ko, Assaat bagabuang jo pamimpin Partindo sarupo: Adenan Kapau Gani, Adam Malik, Amir Sjarifoeddin dll. Kagiatannyo di bidang politik pagarakan kabangsaan, dikataui dek guru sarato pihak Balando, sahinggo baliau indak diluluihan walau alah babarapo kali mangikuti ujian akhir. Tasingguang dek palakuan tu, baliau mamutuihan maninggaan Indonesia lalu pai ka Balando. Di Balando baliau mandapek gala "Meester in de Rechten" (Mr) atau Sarjana Hukum.

Sabagai surang non-kooperator kapado panjajahan Balando, sapulangnyo ke tanah aia di tahun 1939 Mr. Assaat bapraktek sabagai advokat sampai masuaknyo Japang pado taun 1942. Di zaman Japang baliau diangkek sabagai Camat Gambir, kamudian Wedana Mangga Besar di Jakarta.

KNIP jo RIS[suntiang | suntiang sumber]

Komite Nasional Indonesia Pusat (KNIP) jo Badan Pekerjanyo (BP-KNIP) pado maso revolusi duo kali maadoan hijrah karano situasi dianggap talalu riskan, sarato supayo Revolusi Indonesia tatap bajalan. Bakedudukan awal di Jakarta, jo tampek basidang di bakeh Gaduang Komedi (kini Gaduang Kasanian Jakarta) di Pasa Baru jo di gaduang Palang Merah Indonesia di Jl. Kramat Raya. Sakitar taun 1945 KNIP dipindahan ka Yogyakarta. Kamudian pado taun itu pulo, pindah ka Purworejo, Jawa Tengah. Sampai wakatu situasi Purworejo dianggap kurang aman untuak kaduo kalinyo KNIP hijrah ka Yogyakarta. Pado wakatu itu Mr. Assaat duduak sabagai anggota sekretariatnyo. Indak lamo sasudah itu baliau ditunjuak manjadi katua KNIP jo BP-KNIP.

Taun 1946-1949 (Desember) baliau manjadi Ketua BP-KNIP (Badan Pekerja Komite Nasional Indonesia Pusat). Baliau tapiliah manjadi katua KNIP tarakhia. Hinggo KNIP dibubarkan, kamudian baliau ditugasi sabagai Panjabat Presiden RI di kota parjuangan di Yogyakarta.

Diasiangan[suntiang | suntiang sumber]

19 Desember 1948 Balando malancarkan Agresi Militer II. Mr. Assaat ditangkok Balando basamo jo Bung Karno, Bung Hatta sarato pamimpin Republik lainnyo, lalu di asiangan di Manumbing di Pulau Bangka.

Acting Presiden Republik Indonesia[suntiang | suntiang sumber]

Mr. Assaat, Pamangku Jabatan Presiden Republik Indonesia disalami dek warga sausai salat Jumat di Musajik Sumedang dalam kunjungan karajo di Jawa Barat bulan Mei 1950.

Desember 1949 - Agustus 1950, Mr.Asaat manjadi Acting Presiden Republik Indonesia di Yogyakarta. Sasudah tabantuaknyo RIS (Republik Indonesia Serikat), jabatannyo sabagai Panjabat Presiden pado Agustus 1950 salasai, baitu pulo jabatannyo salaku katua KNIP jo Badan Pekerjanyo. Sabab pado bulan Agustus 1950, negara-negara bagian RIS manyatuan diri dalam Negara Kesatuan RI. Katiko manjadi Acting Presiden RI, Assaat manandatangani statuta pandirian Universitas Gadjah Mada di Yogyakarta.

Sasudah pindah ka Jakarta, Mr. Assaat manjadi anggota parlemen (DPR-RI), sampai duduak dalam Kabinet Natsir manjadi Mantari Dalam Nagari September 1950 sampai Maret 1951. Kabinet Natsir bubar, baliak manjadi anggota Parlemen.

Pado taun 1955 baliau manjabat sabagai formatur Kabinet basamo Soekiman Wirjosandjojo jo Wilopo untuak mencalonan Bung Hatta sabagai Pardana Mantari. Karano wakatu itu tajadi katidak puasan daerah kapado beleid (kebijakan) pamarentahan Pusat. Daerah-daerah mandukuang Bung Hatta, tatapi upayo tigo formatur tu manamui kagagalan, karano sacaro formal, ditulak dek Parlemen.

Patantangan jo Pamarentah Pusat[suntiang | suntiang sumber]

Katiko Presiden Soekarno manjalanan Demokrasi Tapimpin , Assaat manantangnyo. Sacaro pribadi Bung Karno tatap dihormatinyo, nan ditantangnyo adolah politik Bung Karno nan saolah-olah condong ka sayok kida Partai Komunis Indonesia.

Mr. Assaat maraso tarancam, karano Demokrasi Tapimpin adolah kadiktatoran taselubuang, baliau salalu diawasi dek intel sarato PKI. Jo caro bapura-pura "ka barbalanjo" baliau basamo keluarganyo malarian diri jo caro berturuik-turuik naiak becak dari Jl. Teuku Umar ka Jl. Sabang, dari sinan dilanjuik-an ka Stasiun Tanah Abang.

Mr. Assaat sarato kaluarga barhasil manyubarang ka Sumatera. Badiam babarapo hari di Palembang. Katiko tu di Sumatera Selatan alah tabentuak "Dewan Gajah" nan dipimpin dek Letkol Barlian. Di Sumatera Barat Letkol Ahmad Husein mambantuak "Dewan Banteng". Kol. Simbolon mandirian "Dewan Gajah" di Sumatera Utara, samantaro Kol. Sumual mambangun "Dewan Manguni" (Burung hantu) di Sulawesi.

Dewan-dewan tu basatu manantang Sukarno nan dipangaruhi dek PKI. Tarbantuaklah PRRI (Pemerintahan Revolusioner Republik Indonesia). Assaat nan katiko tu baru tibo di Sumatera Barat bagabuang jo PRRI. Sasudah tu bakaliaran di hutan-hutan Sumatera, sasudah Pamarentah Pusat manggempur kakuatan PRRI.

Maningga[suntiang | suntiang sumber]

Katiko barado di hutan-hutan Sumatera Barat jo Sumatera Utara, Mr. Assaat alah maraso dirinyo acok kanai sakik. Baliau ditangkok dalam kaadaan fisik lamah sarato manjalani hiduik di dalam panjaro "Demokrasi Terpimpin" salamo 4 taun 1962-1966. Baliau baru kalua dari tahanan di Jakarta, sasudah mancogoknyo Orde Baru.

Pado tanggal 16 Juni 1976, Mr. Assaat maningga dirumahnyo nan sadarhana di Waruang Jati Jakarta Selatan. Mr. Assaat gelar Datuk Mudo dianta dek kawan-kawan saparjuangannyo, sahabat, handai tolan sarato sado kaluarganyo, baliau dihormati dek negara jo kabasaran militer.

Kapribadian[suntiang | suntiang sumber]

Dek urang-urang nan tau jo baliau, Asaat adolah pribadi nan sederhana. Katiko manjadi Panjabat Presiden, baliau indak namuah dipanggia Paduka Yang Mulia, tapi labiah mamiliah panggilan Saudara Acting Presiden nan manjadi agak cangguang pada maso itu.

Assaat bukan ahli pidato, baliau indak suko banyak mangecek, tapi sagalo karajo dapek disalasaiannyo jo baiak, sado rahasio negara dipacik taguah. Baliau taat malaksanaan ibadah, indak parnah maninggaan salat limo wakatu. Baliau adolah pamimpin nan sangek maharagoi wakatu, sarupo jo Bung Hatta.

Pautan lua[suntiang | suntiang sumber]