Wikipedia:Artikel nan Tapiliah/2021

Wikipedia Minangkabau - Lubuak aka tapian ilimu

Panyakik koronavirus 2019 (COVID-19) adolah panyakik dan disababkan dek virus SARS-CoV-2. Panyakik ko partamo kali dikataui di Wuhan, Cino, pado Desember 2019, nan kudian bakambang manjadi pandemi. Virus nan manjadi panyabab panyakik ko taseba malalui kontak arek, paliang acok dek titiak liua (small droplets) nan dihasilkan dek batuak, basin, bahkan babicaro. Virus lansuang tajatuah basamo titiak liau tadi, bukan malayang lamo di udaro. Virus dapek batahan dalam tubuah urang inggo mamunculan gejala dalam duo inggo 14 ari sajak partamo kali tapajan. Gejala umum dari panyakik ko antaro lain damam, batuak, latiah, sasak angok, sarato ilang kamampuan maidu jo maraso. Panagakan diagonosis nan marupokan baku ameh (gold standard) adolah malalui uji real-time reverse transcription polymerase chain reaction (rRT-PCR) dari sampel lendir nan didapek dari usap nasofaring (tabuang angok balakang iduang). (salangkoknyo)


Taman Nasional Komodo adolah taman nasional nan talatak di Provinsi Nusa Tenggara Timur dan dakek jo Pulau Sumbawa, Nusa Tenggara Barat. Taman ko tadiri ateh tigo pulau utamo yaitu Pulau Komodo, Pulau Rinca, jo Pulau Padar, sarato 26 pulau ketek lainnyo. Wilayah total dari taman nasional ko mancapai 1.733 km2 (603 km2 wilayah darek). Taman nasional ko partamo kali didirikan pado taun 1980 untuak malinduangi komodo jo tampek tingganyo. Kudian ditaruihan pulo untuak malinduangi binatang-binatang lain. Ado 277 spesies binatang nan marupokan papaduan antaro binatang Asia jo Australia, nan taddiri ateh 32 spesies mamalia, 128 spesies buruang, jo 37 spesies reptil. Ado pulo 253 spesies tarumbu karang jo 1000 spesies ikan. Pado taun 1991 taman ko ditatapkan sabagi Situs Warisan Dunia UNESCO. Pado taun 2011, Taman Nasional Komodo tapiliah manjadi salah satu dari New7Wonders of Nature (7 Kaajaiban Alam Baru). Kudian mandapek suaro paliang banyak. Taman Nasional Komodo tapiliah dek baragamnyo biota lauik di dalamnyo. (salangkoknyo...)


Persatuan Islam (disingkek Persis atau PERSIS, dalam bahaso Minangkabau: Pasatuan Islam) adolah sabuah organisasi Islam di Indonesia. Persis didirian pado 12 September 1923 di Bandung dek sakalompok Muslim nan katuju mangambangkan dalam pandidikan jo aktivitas kaagamoan nan dipimpin dek Haji Zamzam jo Haji Muhammad Yunus. Persis didirian jo tujuan untuak maagiah pamahaman Islam nan sasuai jo asalinyo nan dibaok dek Rasulullah SAW jo maagiah pandangan babeda dari pamahaman Islam tradisional nan dianggap alah indak orisinil dek bacampua jo budayo lokal, sikap taklid buto, sikap indak kritis, jo indak namuah manggali Islam labiah dalam jo mambukak kitab-kitab Hadits nan shahih. Dek karano itu, malalui para ulamanyo sarupo Ahmad Hassan, Persis manyiarkan Islam nan... (salangkoknyo...)


Gurun Suriah
Gurun Suriah

Gurun Suriah (bahaso Arab: بادية الشام, bādiyat ash-shām‎) disabuik juo sabagai Hamad, adolah kombinasi stepa jo gurun pasia sejati nan mancakup 500,000 kilometer persegis (200,000 mil persegis) Timur Tangah, maliputi bagian tenggara Suriah, timur laut Yordania, utara Arab Saudi, jo bagian barat Irak. Di subalah selatan babatehan sarato manyatu jo Gurun Arab. Mampunyoi tanah nan tabantang laweh, pamukaan gurun ko panuah batuan baukuran ketek jo gadang, sasekali diselingi dek tumbuahan wadi. (salangkoknyo...)


Dian yang Tak Kunjung Padam (ijoan lamo: Dian jang Ta' Koendjoeng Padam) adolah novel Indonesia nan ditulih dek Sutan Takdir Alisjahbana. Novel iko ditabikan patamo kali dek Balai Pustaka pado tahun 1932. Novel iko bacarito tantang kasiah indak sampai antaro Yasin jo Molek. Yasin indak dapek hiduik basamo jo kakasiahnyo, Molek, dek pabedaan status sosial. Tema saroman iko hampiang samo jo novel-novel Balai Pustaka lain pado masonyo. Novel iko marupoan novel kaduo Sutan Takdir Alisjahbana sasudah... (salangkoknyo...)


Babako marupokan tahapan dalam acara baralek dalam masyarakaik Minangkabau. Acara babako ko diadoan dek pihak kaluarga ayah anak daro. Babako marupoan bantuak gotong royong dalam managak an alek. Dek musabab kaluarga ayah (bako) mambalian barang antaran untuak anak pisangnyo (calon anak daro). Barang antaran ko umumnyo adolah barang nan dibutuahan dek anak daro. Barang ko disusun diateh talam-talam, barang tu sarupo ameh, pakaian, lauak pauak untuak alek baiak nan masi mantah atau nan alah di masak, kue gadang, jo sabagainyo. Babako manunjuak an bantuak kasih sayang bako ka anak pisangnyo. Indak hanyo kutiko baralek, babako juo disabuik jo mancaliak anak atau anak dicaliak bakonyo. Iko ko diadoan kutiko anak baru lahia atau labiah kurang baumua sakitar 40 ari, pado tu anak dijampuik dek bakonyo sambia dibaok an bareh, pisang, taranak, jo batang karambia yang ka ka ditanam. Manuruik asa mulo katonyo, kato bako atau baki yang dibaok dek pihak bako, manjadi lambang ekonomi jo tacukuiknyo kabutuhan iduik. (salangkoknyo...)

Artikel nan Tapiliah sabalunnyo: Dian yang Tak Kunjung PadamGurun SuriahPersatuan Islam


Tunggal panaluan adolah tungkek sati nan digunoan dek dukun atau Datu urang Batak, Sumatera Utara untuak manyigakan baragam panyakik, mandatangan ujan, manjago kampuang (huta) dari sarangan musuah sarato mausia balo/kasialan. Tungkek ko tabuek dari kayu pohon tatantu sarato diukia babantuak muko manusia nan diieh jo bulu kudo sarato utak manusia nan dimasak. Kaduo bahan tu didapek dari pangorbanan saurang korban. Tunggal panaluan dipakiroan alah ado sajak abaik ka-19 Masehi. (salangkoknyo)


Andani Eka Putra
Andani Eka Putra

Andani Eka Putra adolah dotor Indonesia nan kini manjabaik sabagai Kepala Laboratorium Pusat Diagnostik dan Riset Penyakit Infeksi Universitas Andalas (Unand), Padang. Salain itu, inyo marupoan salah saurang direksi Rumah Sakit (RS) Unand. Andani banyak urang nan tau tantang jasonyo pado maso pandemi COVID-19 di Sumatra Barat sarato disabuik dalam rilis Badan Nasional Penanggulangan Bencana (BNPB) sabagai "Patriot Militan di Tengah Pandemi".

Andani awalnyo batugas di bagian mikrobilogi Fakultas Kedokteran (FK) Unand sarato bakarajo di bidang bioteknologi medis. Katiko pandemi koronavirus 2019 mulai manjangkik, inyo mangambangan laboratorium mikrobiologi FK manjadi pusek palayanan diagnostik panyakik inpeksi sampai akhianyo manjadi Laboratorium Infeksi Biomedik. Sajak Maret 2020, laboratorium tu mandapek ijin dari Kementrian Kasihatan untuak malakuan uji sampel swab urang nan disangko kanai koronavirus 2019. Iko sabalumnyo hanyo dikarajia di Litbangkes Kemenkes RI.

Artikel nan Tapiliah sabalunnyo: BabakoDian yang Tak Kunjung PadamGurun Suriah


Sidang arbitrase di Jenewa dalam kasus Alabama Claims taun 1872.
Sidang arbitrase di Jenewa dalam kasus Alabama Claims taun 1872.

Arbitrase (bahaso Inggirih: arbitration) adolah sabuah bantuak panyalasaian sangketo alternatif (alternative dispute resolution) malalui jalur di lua pangadilan. Arbitrase partamo kali muncul dan bakambang dalam sistem hukum umum ala Inggirih. Pado Abaik Patangahan, limbago paradilan sarupo Court of the Boroughs umumnyo indak manangani pakaro sangketo dagang, dan sangketo nan manyangkuik padagang asiang acok indak dapek disalasaikan. Pado patangahan abaik nan ka-16, pangadilan Inggirih mulai mangambangkan konsep hukum kontrak, dan pangadilan Admiralty mulai dipakai sabagai forum untuak manyalasaikan sangketo jo padagang asiang. Namun, pado maso tu pangadilan masih indak baprasangko nan elok taadok piliahan arbitrase. Walaupun baitu, ... (salangkoknyo...)

Artikel nan Tapiliah sabalunnyo: Dian yang Tak Kunjung PadamGurun SuriahAndani Eka Putra


Bola sipak rago
Bola sipak rago

Sipak rago adolah olahraga tradisional Indonesia jo Malaysia, nan utamonyo bakambang di Nusantara. Mode pamainannyo pado maso kini bakambang manjadi sipak takraw. Bedo sipak rago jo sipak takraw adolah panggunoan jaring atau net pado sipak takraw tapi indak ado pado sipak rago. Pamainan lainnyo nan sarupo sipak rago yakni voli kaki, bossaball, jo jianzi.

Pamain pado sipak rago ko muloi dari limo inggo sapuluah urang. Kutiko bamain, dibantuak bulek di padang nan tabuko, bamain bola jo kaki sarato teknik-teknik kusuih kamudian bola bapindah dari satu urang pamain ka pemain lain tanpo jatuah ka tanah. Bola nan digunoan dibuek kusuih dari daun karambia mudo atau kulik rotan nan dilapiah manggunoan tangan.

Zaman saisuak, sipak rago indak dipatandiangan. Nilai-nilainyo pado mahianyo pamain dalam bamain bola sarato pamainnyo indak jatuah ka tanah. Tapi kini, pamainan sipak rago alah mulo ditandiangan kamudian alah ado kalompok-kalompok untuak sipak rago. Biasonyo, nan ka manang pado tandiang sipak rago ko marupoan kaputuihan juri sarato adonyo nilai-nilai tatantu. Simak rago masih dimainan di babagai daerah di Nusantara. Selain di Sumatra Barat, sipak rago dikenal pulo di Riau jo namo rago tinggi dan Sulawesi jo namo paraga. Walaupun baitu, pamaianan ko alah mulai ditinggaan dek masyarakaik parkotaan mulai ditinggalkan oleh masyarakat. (salangkoknyo...)

Artikel nan Tapiliah sabalunnyo: ArbitraseAndani Eka PutraTunggal panaluan


Bakaua di Sijunjuang
Bakaua di Sijunjuang

Bakaua adolah sabuah tradisi sakaitan jo partanian nan terdapat di babarapo daerah Minangkabau. Tradisi iko barupo samacam ritual tolak bala nan dilakuan sabalun atau basamoan jo kagatan turun ka sawah atau proses awal mangarajoan sawah. Bakua dilakuan jo mamanjek doa basamo-samo kabakeh Allah sambia bakaliliang kampuang jo mambakar kumayan. Masyarakaik picayo Allah akan malindungi mereka dari sagalo marabahayo jo bencana.

Sacaro garih gadang, bakaua dibagi ateh duo bagian, yakni bakaua ketek jo bakaua gadang. Pambagian ini tiko mangacu pado gadang atau keteknyo bantuak acara nan dilakuan. Bakaua ketek dilakuan jo acara saderhana indak mambutuahan biayo nan cukuik gadang, sadangkan bakaua gadang dilakuan jo mandabiah sapi (manggoroh) sabagai bantuak jamuan. Bakaua ketek hanyo dihadiri anggota kaluarga, sadangkan bakaua gadang dapek dihadiri satiok masyarakaik nan ado di nagari. Dek baitu, indak mangherankan pado bakaua gadang banyak urang nan datang.

Dalam pajalannnyo tradisi bakaua gadang alah jarang basobok, dek banyak faktor nan manyebaban tradisi iko mulai dilupoan masyarakaik. Selain itu, maso turun ka sawah indak sarantak. Babarapo daerah nan masih malakuan tradisi bakaua yakni daerah Solok, Sijunjung, joTanah Datar. (salangkoknyo...)

Artikel nan Tapiliah sabalunnyo: Sipak ragoArbitraseAndani Eka Putra


Gambia
Gambia

Gambia atau gombia barasa dari pati ramehan daun jo rantiang tumbuahan nan banamo samo (Uncaria gambir Roxb.). Di Indonesia, gambia pado umumnyo digunoan untuak manyiriah. Guno nan paliang utamo adolah sabagai bahan panyamak kulik jo paronoan. Gambia manganduang pulo katekin (catechin), bahan alami nan basifaik antioksidan. India maimpor 68% gambia dari Indonesia, dan manggunoannyo sabagai bahan untuak manyiriah. Gambia sajak lamo alah dibudidayokan di Samananjuang Malaya, Singapura, jo Indonesia (Sumatra, Jawa, Bali, Kalimantan, jo Maluku).

Pado maso saisuak gambia di Indonesia dihasiakan dek Sumatera Barat, Riau, Bangka, Belitung, jo Kalimantan Barat, namun kini utamonyo diproduksi dek Sumatera Barat, Riau, Sumatra Selatan, Jambi jo Bengkulu; hampia 90% produksi gambia Indonesia dihasilkan dek Provinsi Sumatra Barat jo Riau. Nagari tujuan utamo ekspor gambia Indonesia adolah India jo Singapura. (salangkoknyo...)

Artikel nan Tapiliah sabalunnyo: BakauaSipak ragoArbitrase